Sapaatip akunnerani decembarip 20-anni aallartittumi sammisassat

SAPAATIP AKUNNERANI DECEMBARIP 20-ANNIIT

Erinarsuut 66

□ Ilagiit Biibilimik atuaqqissaaqatigiinnerat:

bh kap. 11 § 1-7

□ Teokratiimik Ilinniarfik:

Biibilimi atuagassat: 2 Nalunaarsuutit 20-24

Nr. 1: 2 Nalunaarsuutit 20:1-12

Nr. 2: Oqaatsit minguitsut ilinniarniarlugit oqalunniarlugillu suna pisariaqarpa? (Sef 3:9)

Nr. 3: Jiisusi Kristusi inuua piviusoq? (rs-D qupp. 188 § 1-imiit qupp. 189 § 2-mut)

□ Oqaluussinermut tunngasumik ataatsimiinneq:

Erinarsuut 109

5 min. Nalunaarutit.

15 min. Misilinnikuuiuk? Eqqartuineq. Guutip Naalagaaffianut Kiffartorneq-mi allaaserisani: “Har du vist hvordan man studerer, ved et førstegangsbesøg?” aamma “Hvordan nye oplæres til at forkynde” (km-D 5/10) aamma “Torrutiinnarlugu oqaluussisinnaavutit!”-mi (km 8/10) paasissutissat qanittumi pisavut oqalugiaammi naatsunnguamik eqqaakkit. Najuuttut oqaluttuarilissuk allaaserisani taakkunani siunnersuutit qanoq atorsimaneraat qanorlu iluaqutigisimaneraat.

15 min. “Allaaserisat tulleriiaat nutaat Biibilimik atuaqqissaaqateqalernissamut atugassiat.” Apeqqutit akissutillu. Samminngitsiarnerani oqaluussisartut Vagttårnet-imik 1. januaari 2011-moortumik nassataqanngitsut tuninneqarnissaat isumagikkit. Allaaserisaq “Lær af Guds ord — Hvorfor skal vi lære af Gud?” atorlugu qanoq Biibilimik atuaqqissaaqateqartoqalersinnaaneranik naggataatigut ataatsimik marlunnilluunniit takutitsisoqarli.

Erinarsuut 29

Allaaserisat tulleriiaat nutaat Biibilimik atuaqqissaaqateqalernissamut atugassiat

1. Allaaserisat tulleriiaat suut Vagttårnet-imut ilanngunneqartalissappat, sunalu siunertarineqarpa?

¹ Qaammatip tullianiit Biibilimik atuaqqissaaqateqalernissamut iluaqutissatut allaaserisat tulleriiaat nutaat Vagttårnet-imut ilanngunneqartalissapput. Allaaserisat tulleriiaat ataatsimut qulequtarivaat “Guutip oqaasia ilinniarfigiuk”. Allaaserisat taakkua ilaat Napasuliaq Alapernaarsuiffik-mut aamma ilanngunneqartassapput. Angalaarfigisartakkatsinniittut ilaasa allaaserisat tamaasa atuassallugit nuannarissagunarpaat, allanulli oqaloqatigiissutissatut allaaserisat suliarineqarsimapput.

2. Allaaserisat suut ilisarnaatigaat?

² Ilisarnaatit: Qulequtaq qulequtaaqqallu apeqqutitut allanneqarsimapput oqaloqatigiinnerup ingerlanerani pulaakkamut apeqqutigineqarsinnaasut. Guutip oqaasianiit toqqaannartumik atuarnikkut ilikkagaqarneq pulaakkap nuannaarutiginiassammagu allassimaffiit pingaarnerit issuagaanatik innersuusutigineqarput. Immikkoortut ima naatsigaat matumi oqaloqatigiissutigineqarsinnaallutik. Allaaserisat immikkut tamarmik atuakkamut Biibilimi sorpiaat ajoqersuutigineqarpat?-mut innersuussipput, piffissanngorpat Biibilimik atuaqqissaaqatigiinninermi atuakkamut tassunga nuunnissamut iluaqutiginiassagakkit.

3. Biibilimik atuaqqisaaqateqalernissamut allaaserisat tulleriaat taakkua matumi qanoq atorneqarsinnaappat?

³ Qanoq atorneqarsinnaasut: Atuagassiat neqeroorutigigukkit soqutiginnilersitsisumik allaaserisami qulequtamut innersuussisumik aperisinnaavutit. Assersuutigalugu, Vagttårnet-imi 1. januaarimi Biibilip qanoq naleqartiginera allaaserisami sammineqassaaq. Aperisinnaavutit: “Illit Biibili Guutip oqaasiatut imaluunniit atuagaannartut nuannersutut isigaajuk? [Pulaagaq akili]. Qulequttamik pissanganartumik takutilaarusuppakkit.” Apeqqut siulleq atuaruk immikkoortorlu siulleq atuarlugu, allassimaffik innersuussutigineqartoq qupperuk apeqqullu atuaqqillugu pulaagarlu akitillugu. Piffissaappat allaaserisaq atuaqatigiissutigisiuk apeqqutit normulersorneqarsimasut aallaavittut atorlugit. Ingerlaqqinnginninni apeqqutit normulersorneqarsimasut tulliuttut innersuussutigikkit oqaloqatigiissutiginissaannullu aggeqqinnissannut aalajangersimasumik isumaqatigiissuteqarfigalugu. Sapaatit akunneri tamaasa, atuagassiap nutaap takkunnissaata tungaanut allaaserisaniittut oqaloqatigiissutiginiarlugit aggerniartarit. Pulaakkamut Biibilimik atuaqqissaaqatigineqalernissamik toqqaannartumik neqeroorneq aamma periarfissaavoq. Allaaserisaq atuagassianiittoq atorlugu takutiguk qanoq atuaqqissaaqatiginnittoqartartoq.

4. Pulaaqqiinermi allaaserisat taakku qanoq atorsinnaavavut?

⁴ Allaaserisat taakku aammalu iluatsilluartumik atuagassianik pajuttakkani pulaaqqittakkannilu allani atorsinnaavatit. Ima oqaannarsinnaavutit: “Vagttårnet-imi allaaserisat nutaat saqqummerput. Qanoq atorneqarsinnaasut takutilaarlara.” Qinnunikkut kissaatigaarput suli amerlanerusut ‘sallusuissummik ilisarsinissaannut’ allaaserisat nutaat ikiorsinnaagaat. — 1 Tim 2:4.