‘Lad os vandre efter det vi tror, ikke efter det vi ser’

Jerusalemip unguneqarnera piuneerussaaneralu sioqqutitsiarlugit apustilip Paulusip kristumiut, Kristusimut sakkutuujulluartut, erloqinartorsiornissaannik ilimasaarlugillu ilorrisimaarnermik pingaarnerpaatitsinnginnissaannik oqaaqqissaarpai. (2 Tim 2:3, 4) Silarsuaq guutiitsuuffiusoq suujunnaarsitaangajalermat anersaakkut ittunik pingaarnerpaatitsiumalluta uppernikkut nukittusariaqarpugut. (2 Kor 4:18; 5:7) Filmi ‘Lad os vandre efter det vi tror, ikke efter det vi ser’ isiginnaarsiuk. (jw.org-imi tuukkit BIIBILILERSAARUTIT > ISIGINNAAGASSIAT). Pigisanik naleqqutinngitsumik pingaartitsineq Nahamimut Abitalimullu qanoq napiaaniutinngortoq maluginiassavat. Tamatuma kingorna apeqqutit tulliuttut uteqqissavatit.

(1) Ukiuni 100-ni siullerni ‘Maajunnartoq illernartumiittoq’ suua, kristumiullu Jerusalemimi najugaqartut aalajangersimalluinnarlutik susariaqarpat? (Matt 24:15, 16) (2) Sooq illoqarfimmit qimaasut uppersuseqartariaqarpat? (3) Qimaanermi suut sussakkeerneqartariaqarpat? (4) Sooq Naham Abitalilu nangaappat? (Matt 24:17, 18) (5) Rachel Jerusalemimit aallarami aamma qanoq uppernikkut misilinneqarpa? (Matt 10:34-37; Mark 10:29, 30) (6) Ethan qanoq uppernermik Jehovamillu tatiginninnermik maligassiuilluarpa? (7) Kristumiut Pellami qanoq erloqinartorsiorpat? (8) Naham Abitalilu qanoq uppernikkut sanngiilliartorpat? (9) Kristumiut Pellamiittut Jehovap qanoq isumassorpai? (Matt 6:33; 1 Tim 6:6-8) (10) Pissutsit aaqqissuussaanerat matuma naggatissaani Aaperaat Saralu qanoq ilaarsinnaavavut? (Hebr 11:8-10) (11) Naham Abitalilu Jerusalemimut uternissaminnut imminnut qanoq qularunnaarsippat, aamma sooq eqqarsartariaasiat kukkunerua? (Luk 21:21) (12) Naham Abitalilu Jerusalemimut utermata pissutsit qanoq ippat? (13) Sooq pissutsit aaqqissuussaanerat matuma suujunnaarsinneqannginnerani uppernerput nakussatsittariaqarparput? – Luk 17:31, 32; 21:34-36.

Uppernermi inuujumalluta (1) Jehovap siulersuinera tatigisariaqarparput, (2) Jehovamit siulersorneqartariaqarpugut aamma (3) anersaakkut ittut pigisaninngarnit pingaarnerutillugit ersersittariaqarparput. Qanortoq ‘silarsuup piumatussusialu nungunnissaat, Guutilli piumasaanik iliortup naassaanngitsumik atanissaa’ qularinagit uppernermi inuunissarput aalajangiusimajuarisigu. – 1 Joh 2:17.