Sallusuissut ilinniartitsissutigiuk

Septembari aallarnerfigalugu Inuuneq kiffartornerlu pillugit najoqqutassami aallarniutitut siunnersuut nutaaq ima qulequtalik saqqummertalissaaq: “Sallusuissut ilinniartitsissutigiuk.” Apeqqut allassimaffillu atorlugit sallusuissutip Biibilimeersup tunngaviusup oqaluussissutiginissaa siunertaassaaq.

Soqutiginninnermik ersersitsisoqarpat Biibililersaarummik tunniussinitsigut jw.org-imiluunniit filmimik takutitsinitsigut aggeqqinnissatsinnut qilanaartuusiisinnaavugut. Ullualuit qaangiukkaangata eqqartornikuusarput nangeqqinniarlugu aggeqqittassaagut. Aallarniutit ilinniartullu pisassaat nutaat atuakkami What Can the Bible Teach Us?-imi (atuagaq Biibilimi ajoqersuutigineqartut tunngavigalugu paasiuminarsagaq) eqikkaanernit tunngaveqartassapput. Atuakkami Biibilimi ajoqersuutigineqartut-mi apeqqutit allassimaffiillu allat pulaaqqikkutta imaluunniit Biibili taamaallaat atorlugu atuaqqissaaqateqarnermi atugassavut takusinnaavavut.

Inuussummut aqqut ataasiinnaavoq. (Matt 7:13, 14) Inuit assigiinngitsunik upperisallit tunuliaqutallillu oqaloqatigisaratsigit sallusuissutit Biibilimeersut inunnut ataasiakkaanut naleqquttut saqqummiuttariaqarpavut. (1 Tim 2:4) Biibilimi sammineqartut assigiinngitsut ilisimallualerutsigit ‘oqaatsimillu sallusuissutaasumik eqqortumik atuinermut’ (NW) tunngatillugu pikkorinnerulerutta nuannaarnerulissallutalu sallusuissummik allanik ilinniartitsinitsinni iluatsissaagut. – 2 Tim 2:15.