Kristumiutut inuunerput kiffartornerpullu – Najoqqutassaq-mut innersuussutit

JUULIP 2-8

GUUTIP OQAASIANI ERLINNARTUUTIT | LUKASI 6-7

“Tukkortuullutit uuttuigit”

nwtsty Luk 6:37-mut nassuiaatit

Isumakkeerfiginnigitsi, taava ilississaaq isumakkeerfigineqassaasi: Imaluun­niit: “Iperaajuaritsi taava ilis­sis­saaq iperar­neqas­saasi.” Grækerit oqaasiat ‘isumak­keerfigin­nin­neq’-mik nutser­neqar­toq nutsiin­navil­lugu isumaqar­poq: “Aniguisitsineq; aal­lar­titsineq; iperaaneq (as­sersuutigalugu par­naarus­samik).” Versit ataqatigiin­neran­nit uani oqaaseq taan­na eq­qar­tuus­sinerup as­suarler­nerul­lu akerliatut ator­neqarmat isumaqar­tin­neqar­poq pil­laanis­samut akiniaanis­samul­luun­niit tun­ngavis­saqar­pasik­kaluar­toq pin­ngitsuutitsinermik isumak­keerfigin­nin­nermil­lu.

nwtsty Luk 6:38-mut nassuiaatit

Tunisigitsi: Grækerit oqaasian­ni uani ator­neqar­tumi erser­poq iliuuserineqar­tuar­toq pineqar­toq, taamaat­tumik ima nutser­neqarsin­naavoq: “Tunisiuaritsi.”

nwtsty Luk 6:38-mut nassuiaatit

ilissinnut: Grækerit oqaasiat uani ator­neqar­toq nutsiin­navil­lugu isumaqar­poq “il­lit sakis­san­nut”, versil­li ataqatigiin­neran­ni pineqarunar­poq qaavatigut atisap nerutusuup un­ngersap qulaatigut puujusan­ngor­tin­nera. Oqaatsini “ilis­sin­nut tun­niun­neqarumaar­put”-mi pineqarsimasin­naavoq tuniniaasar­tup pisianik pisiniar­tup atisaata qul­lun­neranut kuisisar­nera.

Anersaakkut erlinnartunik ujarlerneq

nwtsty Luk 7:35-mut nassuiaatit

qitornamigut: Imaluun­niit: “Kingunerisigut.” Uani ilisimassuseq kinaas­susiligaavoq qitor­naqar­tutul­lu al­laatigineqarluni. Oqalut­tuap tamatuma Matt 11:19-imi oqalut­tuarineqar­nerani ilisimas­suseq ‘suliaqar­tutut’ al­laatigineqar­poq. Ilisimas­sutsip qitor­nai imaluun­niit suliai – tas­sa Johan­nesip Kuisisup Jiisusil­lu iliuusii – taak­kunun­nga un­nerluus­sutit eq­qun­ngitsuuneran­nik up­per­narsaataap­put. Jiisusi ima oqar­porlusooq: ‘Suliat iliuutsil­lu naaper­tuil­luar­tut takuk­kit taava nalus­san­ngilat un­nerluutigin­nin­nerit eq­qun­ngitsuusut.’

JUULIP 9-15

GUUTIP OQAASIANI ERLINNARTUUTIT | LUKASI 8-9

“Malinnga – Susariaqarpugut?”

nwtsty Luk 9:59, 60-imut nassuiaatit

ataataga iliartoqqaarumagaluarpara: Oqaatsinit ator­neqar­tunit erser­poq angutip taas­suma angutaa toqoq­qam­min­ngitsoq ilisaanis­saanul­lu piareersaaq­qaarusut­toq. Angun­ni toqusimasuup­pat pif­fis­sami tamatumani Jiisusi oqaluus­simanavian­ngik­kaluar­paa. Itsaq Kangiani Qiterlermi ilaqutaq toqusoq iliaar­neqar­tar­poq, amerlaner­tigut ul­lormi toquf­fiani. Taamaat­tumik angutip angutaa, toqusimanani, peq­qiil­liorsimasin­naavoq utoq­qaal­luniluun­niit. Jiisusil­li angut taan­na nap­parsimasumik pisariaqar­titsisumil­lu angajoq­qaaqar­pat sumigin­naaq­qul­lugu oqarfiginavian­ngilaa, taamaat­tumik angut taan­na al­lamik ilaqutaqarsimas­saaq angum­mi pisariaqar­titaanik inuunermut pingaarutilin­nik isumagin­nis­sin­naasumik. (Mark 7:9-13) Angut ima oqar­porlusooq: ‘Malis­savak­kit, kisian­ni aatsaat ataataga toqup­pat ilisaareer­pal­lu.’ Jiisusil­li isigin­nit­taasia naaper­torlugu angutip taas­suma Guutip naalagaaf­fianut at­tuumas­suteqar­tunik sal­liutitsinis­saminut periarfis­sani asuliin­nar­tip­paa. – Luk 9:60, 62.

Toqusut toqusortatik iliartorlisigit: Luk 9:59-imut nas­suiaam­mi ersersin­neqar­tutut angutip Jiisusimik oqaloqatigin­nit­tup angutaa, toqusimanani, nap­parsimagunar­poq utoq­qaal­luniluun­niit. Taamaat­tumik Jiisusi ima oqar­porlusooq: ‘Anersaak­kut toqusut toqusor­tatik iliar­torlisigit,’ tas­sa angutip angun­ni toqunis­saata ilisaanis­saatalu tungaanut ilaqut­taminut al­lanut isumagitis­savaa. Angutip Jiisusi malik­kuniuk naas­saan­ngitsumik inuunerup aq­qutaatiguus­saaq, Guutip isaani anersaak­kut toqungasunut ilaanani. Jiisusip akis­sutimini ersersip­paa Guutip naalagaaf­fianik sal­liutitsineq sumilu tamani oqaluus­sineq anersaak­kut uum­maarit­tuar­nis­samut pingaaruteqarluin­nar­tut.

nwtsty asseq

Assallatserineq

Is­soq aasak­kut seqiner­til­luni man­nger­tis­simasoq ukiak­kut sialum­mit aqilisin­neqaraangat as­sal­latser­neqar­tar­poq. (Guutip oqaasianik misissueqqissaarut, imm. 19 takuuk). As­sal­latserutit ilaat qisum­mik im­maqa saviminermik nuulerlugit sananeqar­tar­put, taan­nalu quas­sut­tuuminermut qiler­neqar­tar­poq uumasumil­lu ataatsimik arlalin­nil­luun­niit uniar­neqar­tarluni. Is­soq as­sal­latser­neqareer­pat naatsiias­sat siaruar­ter­neqar­tar­put. Al­lak­kani Hebræerisuuni as­sal­latserineq ilisimaneqarluar­toq as­sersuutigineqarajup­poq. (Eqq 14:18; Es 2:4; Jer 4:3; Mika 4:3) Jiisusip nunaleril­luni iliuuserineqar­tar­tut pingaarutilin­nik ilin­niar­titsinermini as­sersuutigigajup­pai. As­sersuutigalugu as­sal­latserinermi suliaqar­neq eq­qar­tor­paa uum­matik­kut iluun­ngarluni ajoqersugaanerup pingaaruteqar­nera erseq­qis­sar­niarlugu. (Luk 9:62) As­sal­latserisoq suliaminit al­lamut saasar­neqaruni as­sal­latsigaa narlujun­naas­saaq. Taamatul­li Kristusip ajoqersugai akisus­saaf­fim­min­nit al­lamut saasar­neqarunik Guutip naalaf­fianut naleq­quk­kun­naas­sap­put.

Anersaakkut erlinnartunik ujarlerneq

nwtsty Luk 8:3-mut nassuiaatit

taakku isumagisarpaat: Imaluun­niit: “Taak­ku pilersor­tar­paat (kif­far­tuut­tar­paat).” Grækerit oqaasiat diakoneo isumaqarsin­naavoq al­lat timik­kut pisariaqar­titaan­nik nerisas­sanik pis­sarsis­sus­sineq, iggas­sineq sas­saal­ler­neq il.il. Taamatut isumaqar­til­lugu ukunani ator­neqar­poq: Luk 10:40 (“kif­far­tuus­sitim­manga”), Luk 12:37; 17:8 (‘saqis­sutin­nga’) aam­ma ApS 6:2 (“nerisas­sat isumaginis­saat”), aam­mali al­latigut isumas­suineq pineqarsin­naavoq. Versi 2-mi 3-milu oqalut­tuarineqar­put ar­nat Jiisusimik ajoqersugaanil­lu Guutip sulias­siis­sutaanik naam­mas­sin­nis­sin­naaq­qul­lugit isumas­suisut. Taamaalior­nermik­kut ar­nat taak­kua Guuti naalan­narsisip­paat, taamaalior­neral­lu Guutip pingaar­til­lugu tuk­kor­tuunerisa oqalut­tuas­sar­taat Biibilimi tam­matsaalivaa siunis­sami kinguaariit tamarmik atuarsin­naanias­sam­mas­suk. (Uss 19:17; Hebr 6:10) Matt 27:55-imi aam­ma Mark 15:41-mi Grækerit oqaasiat taan­na ar­nat pil­lugit ator­neqar­poq.

JUULIP 16-22

GUUTIP OQAASIANI ERLINNARTUUTIT | LUKASI 10-11

“Samariamiumik tullerminik asannittumik assersuusiaq”

nwtsty filmi

Jerusalemimiit Jerikomut aqqutaa

Aq­qusineq (1) filmimi naatsumi takutin­neqar­toq itsaq Jerusalemimiit Jerikomut aq­qutaanut as­singugunar­poq. Aq­qusineq 20 kilometerit sin­nerlugit isorar­tutigaaq sivinganer­taqarlunilu, Jerusalemimiit Jerikomut 1 kilometerisut takitigisumik am­mukariaqar­poq. Nunami inoqar­nanilu soqan­ngitsumi ujajaasoqar­tarmat angalasut il­lersor­niarlugit tamaani sak­kutuut nak­kutil­liisin­neqar­tar­put. Romamiut il­loqarfiat Jeriko (2) Judæap inoqajuitsuata kil­linganiip­poq. Il­loqarfik al­la Jerikotoqaq (3) Romamiut il­loqarfianit Jerikomit 2 kilometerisut ungasitsigivoq.

nwtsty Luk 10:33, 34-mut nassuiaatit

Samariamiulli: Juutit Samariamiut nikagisar­paat at­tavigiumasar­nagil­lu. (Joh 4:9) Al­laat juutit ilaasa taaguut “Samariamiu” narrugin­nin­nermik nikas­saanermil­lu ersersitsiniarlutik ator­tar­paat. (Joh 8:48) Rabbinerit ilaat Mishnahmi ima is­suar­neqar­poq: “Samariamiut if­fiugaan­nik nerisup puulukip neqaanik nerisoq as­sigaa.” (Shebith 8:10) Juuter­pas­suit Samariamiut up­per­narsaanerat up­periumaneq ajor­paat, taak­kualuun­niit ilaan­nik kif­far­tuun­neqarumaneq ajor­put. Juutit taamatut nikas­saasar­nerat Jiisusip nalun­ngin­namiuk Samariamiumik naak­kin­nit­tumik taaneqar­tar­tumik pingaarutilim­mik ilin­niar­titsil­luni as­sersuusior­poq.

ikii uuliamik viinnimillu kuerarpai mattuserlugillu: Nakorsap Lukasip uani Jiisusip as­sersuusiaa, taamani ikinik pas­sus­sisar­neq naaper­torlugu, eq­qor­tumik al­laatigaa. Uulia aam­ma viin­ni ikinik nakorsaanermi angerlarsimaf­fin­ni ator­neqar­tar­poq. Uulia ilaan­nik­kut ikinik aqilisaanermi ator­neqar­tar­poq (Naleq­qiuguk Es 1:6), viin­nilu aseruut­toor­naveersaataavoq tunil­lan­nar­tuiaataal­lunilu sak­kukitsoq. Lukasip aam­ma al­laatigaa iki ajor­neruleq­qunagu ikinik mat­tusersuineq.

akunnittarfimmukaallugulu: Grækerit oqaasiat taan­na nutsiin­navil­lugu isumaqar­poq: “Kik­kut tamarmik ilas­sineqar­tarfiat iserfigisin­naasaal­lu.” Angalasut uumasuutitil­lu taamaat­tuni un­nuif­fis­sarsisar­put. Akun­nit­tarfiutil­lip angalasut pisariaqar­titaan­nik neqeroorfigisar­pai, inuil­lu tas­sunga qiman­neqar­tut akilersil­luni isumagisin­naavai.

Anersaakkut erlinnartunik ujarlerneq

nwtsty Luk 10:18-imut nassuiaatit

Saatani innaallannertut qilammit nakkartoq takuara: Jiisusip oqaasii siulit­tuutaap­put Saatani qilam­mit peersitaanera pereersimasutul­lusooq oqaatigalugu. Saqq 12:7-9-mi qilam­mi sorsun­neq al­laatigineqar­poq Saatanil­lu igitaanera Guutip naalagaaf­fiani Mis­siarsip naalak­kersuiler­neranut atas­suserlugu. Jiisusip ajoqersugai, inuin­naasut naam­mal­luin­nan­ngitsut, anersaapilun­nik anisitsisin­naatil­lugit Guutip pis­saaneqalersim­magit al­las­simaf­fim­mi pineqar­tumi Jiisusip erseq­qis­sar­paa Saatanip anersaapiluisalu qilam­mi sorsun­nermi tamatumani ajorsarumaar­nerat. – Luk 10:17.

nwtsty Luk 11:5-9-mut nassuiaatit

Asasara ikinngut, timiusanik pingasunik atukkinnga: As­sersuusiami matumani ersersin­neqar­tutut Kangiani Qiterlermi kulturi naaper­torlugu inoroorsaar­neq pisus­saaf­fiuvoq pingaaruteqar­toq inoroorsaar­tumul­lu nuan­naarutaasar­toq. Taamanik­kut angalatil­luni qaquguk­kut apuutis­sanerluni nalunar­tarsin­naavoq. Tikeraaq ilimagineqarani unnuakkut tikit­toq il­lumi it­tuusup, al­laat nerisas­sanik saniliminut ator­niar­tariaqaraluaruni, nerler­tariaqarlugu misigivoq.

Pisarissersoqinanga: As­sersuusiami matumani saniliusoq ikiuerusup­pal­laan­ngilaq, imaan­ngitsoq inus­siar­niik­kami, in­nareer­ninili pis­sutigalugu. Taamanik­kut il­lut, ingam­mik piitsut il­lui, angisuumik ataasiin­narmik initaqar­tar­put. Il­lumi it­tuusoq makis­saguni ilaqut­tani tamaasa, ilaatigut qitor­nani sinit­tut, akor­nusis­savai.

innimiillisaarnera: Versit ataqatigiin­neran­nit erser­poq oqaaseq taman­na isumaqar­toq “uteriin­neq” imaluun­niit “kimigiiser­neq”. Jiisusip as­sersuusiaani angutip pisariaqar­titani piumal­lugu tunuarsimaan­ngilaq kimigiiser­ninilu kan­ngusuutiginagu, Jiisusil­lu ajoqersuk­kani oqarfigai qinugaangamik taamatut kimigiiser­tas­sasut. – Luk 11:9, 10.

JUULIP 23-29

GUUTIP OQAASIANI ERLINNARTUUTIT | LUKASI 12-13

“Qupaloraarsuppassuarnit pingaarneruvusi”

nwtsty Luk 12:6-imut nassuiaatit

Qupaloraarsuit: Grækerit oqaasiat strouthion oqaasiuvoq mikisorsiut tim­miaaq­qanut sunul­luun­niit ator­neqar­tar­toq, qupaloraarsuil­li tim­mis­sanit nerineqar­tar­tunit akikin­ner­paajusut pineqar­nerusar­put.

nwtsty Luk 12:7-imut nassuiaatit

ilissi nutsasiluunniit tamarmik kisissimapput: Inuup nujai agguaqatigiis­sil­lugu 100.000-nit amerlanerunerar­neqar­tar­put. Jehovap suminin­nguanik taamaat­tunik ilisiman­neq­qis­saar­nera Kristusip ajoqersugaanik soqutigin­nil­luin­nar­neranut up­per­narsaataavoq.

Anersaakkut erlinnartunik ujarlerneq

nwtsty Luk 13:24-mut nassuiaatit

Ilungersoritsi: Imaluun­niit: “Tamaviaar­tuaritsi.” Jiisusip oqaaq­qis­saarutaanit erser­poq iser­tarfik­kut nerukitsuk­kut iser­niarluni tar­nik­kut iluun­ngarluni iliuuseqar­toqar­tariaqar­toq. Grækerit oqaluutaat agonizomai, uani ator­neqar­toq, aam­ma grækerit taggisaat agon isumamik­kut as­singup­put, kingul­liul­lugulu taaneqar­toq timersor­nermut tun­ngatil­lugu ator­neqarajup­poq. Taggit taman­na Hebr 12:1-imi kristumiut inuunermi ‘ar­pan­neran­nut’ as­sersuutaasutut ator­neqar­poq. Grækerit oqaasii taak­ku marluk aam­ma ima nutser­neqar­put: ‘Ilungersor­neq’ (Luk 13:24; Kol 1:29; 2:1; 4:12), ‘sorsun­neq’ (Fil 1:30; 1 Tim 6:12; 2 Tim 4:7), “timersorlutik unam­misut” (1 Kor 9:25), “sulivugut tamaviaarluta” (1 Tim 4:10). Oqaatsip agonizomai-p nagguia timersorluni unam­minermut at­tuumas­suteqarmat isumaqar­toqar­poq Jiisusip ilungersoq­qusil­luni kajumis­saarinini timersor­tar­tup ajugaasup pis­saa piniarlugu nukiminik tamanik atuil­luni ilungersor­neranut naleq­qiuk­kaa.

nwtsty Luk 13:33-mut nassuiaatit

allami toqunneqarsinnaanngimmat: Imaluun­niit: “Taamaat­toqarsin­naan­ngim­mat (ilimagineqarsin­naan­ngim­mat).” Mis­siarsip Jerusalemimi toqutaanis­saa erseq­qis­sumik Biibilimi siulit­tuutigineqan­ngik­kaluar­toq isum­mer­toqarsimasin­naavoq taman­na Dan 9:24-26-mi pineqar­toq. Aam­ma juutit pruf­fiitimik, ingam­mil­lu Mis­siarsimik, toqutsinias­sagunik il­loqarfim­mi tamatumaner­piaq taamaalior­nis­saat ilimanarsin­naavoq. Kil­lisiuisoqatigiin­ni, eq­qar­tuus­siviit qul­lersaan­ni, ilaasor­taasut 71-it Jerusalemimi katersuut­tar­put, taamaat­tumik pruf­fiitiusuusaar­tutut un­nerluus­siniarunik tas­sani misiliis­sap­put. Aam­ma Jiisusip eq­qarsaatigisimasin­naavaa Guutimut pil­liutit Jerusalemimi, al­lamiun­ngitsoq, pil­liutigineqar­tar­nerat savaararlu poorskisiutis­saq tas­sani toqun­neqar­tar­nera. Paasinarsivorlu Jiisusip oqaasii eq­quut­tut. Jerusalemimi Kil­lisiuisoqatigiin­nut sas­sar­tin­neqar­poq un­nerluutigineqarlunilu. Jerusalemimilu, qarmarsuit avatin­nguan­ni, ‘savaaq­qatut poorskisiutis­satut’ toqutaavoq. – 1 Kor 5:7.

JUULIP 30-AGGUSTIP 5

GUUTIP OQAASIANI ERLINNARTUUTIT | LUKASI 14-16

“Ernermik tammaraluartumik assersuusiaq”

nwtsty Luk 15:11-16-imut nassuiaatit

Anguteqarpoq marlunnik ernilimmik: Er­nermik tam­maraluar­tumik as­sersuusiamut tun­ngas­suteqar­tut ilaat im­mik­kuul­laris­suup­put. Jiisusip as­sersuusiaanit takinersaasut ilagaat. Im­mik­kuul­laris­sutigaa ilaqutariit at­taveqatigiin­nerat oqalut­tuarineqarmat. Jiisusip as­sersuusiamini al­lani uumas­suseqan­ngitsut, soorlu naatsiias­sat as­sigiin­ngitsut is­sorlu imaluun­niit naalak­kap inus­sial­lu at­tavigiin­nerat, as­sersuutigisar­pai. (Matt 13:18-30; 25:14-30; Luk 19:12-27) As­sersuusiamili matumani Jiisusip er­neriit qanimut at­taveqatigiin­nerat oqalut­tuaraa. Oqalut­tuamik tamatumin­nga tusar­tut ilar­pas­sui im­maqa taama asan­nitsigisumik ataataqan­ngil­lat. As­sersuusiami Ataatat­ta qilam­miusup qitor­naminik nunamiit­tunik, im­minut aalajaat­tuarsimasunik tam­maraluarsimal­lutil­lu im­minut uter­tunik, misigin­neqatigin­nil­lunilu asan­nin­nera oqalut­tuarineqar­poq.

Nukarleq: Mosesip inatsisai naaper­torlugit angajul­liliaq marloriaam­mik kingor­nus­sis­saaq. (5 Mos 21:17) Taamaat­tumik er­neq nukarleq angajumi angajul­liliap kingor­nus­saata nalingata af­faanik kingor­nus­sis­saaq.

inuunerlunnermini: Imaluun­niit: “Atuipilul­luni (soqutigit­taal­luni) inuunermini.” Grækerit oqaasiat tamatumun­nga as­singusoq taamatut isumaqar­til­lugu ukunani ator­neqar­poq: Ef 5:18; Tit 1:6; 1 Petr 4:4.

nungulussinnarpai: Grækerit oqaasiat nutsiin­navil­lugu isumaqar­poq: “Avis­saar­tor­tip­pai (sam­mivin­nut as­sigiin­ngitsunut).” (Luk 1:51; ApS 5:37) Matt 25:24, 26-mi ‘siam­mar­terinermik’ nutser­neqar­poq. Uani atuipilun­nermik, tas­sa sianiitsumik atuinermik, isumaqar­tin­neqar­poq.

puulukit paareqqullugit: Mosesip inatsisai naaper­torlugit uumasut tamak­ku mingun­nar­tuup­put, taamaat­tumik tamak­kulerineq juutimut nikanarsaataavoq maajun­nar­tuul­lunilu. – 3 Mos 11:7, 8.

eertaasanik: Naatitat tamak­ku suli ul­lumik­kut hestinut, nersutaatinut puulukinul­lu nerisas­satut ator­neqar­tar­put. Angutip inuusut­tup qanoq nikanarsingaarsisimatiginera puulukit nerisas­saan­nik nererusuler­neranit erseq­qis­sar­neqar­poq.

nwtsty Luk 15:17-24-mut nassuiaatit

ilinnullu: Imaluun­niit: “Isigitil­lutil­lu.” Grækerit oqaasiat enopion nutsiin­navil­lugu isumaqar­poq: “Sior­nani; isigitil­lugu.” Oqaaserlu taman­na as­singusumik isumaqar­til­lugu Septuaginta-mi 1 Sam 20:1-imi ator­neqar­poq. Versimi tamatumani Daavip Jonatani ima aperaa: “Sunaana ataatannut ajor­tuliarisimagak­ku toqun­niaraanga?”

qinngaqqutilerpunga: Oqaatsip tamatuma kingor­na al­lagatoq­qat as­sam­mik al­latat ilaan­ni uku ilan­ngun­neqarsimap­put: “Ilin­nut kif­far­tor­tuin­nan­ngor­tin­nga sulisitatit al­lat as­sigitil­lugit.” Al­lagatoq­qal­li tutsuiginar­tut pisoqaanerusut as­sigiin­ngitsut naaper­torlugit taamatut ilan­ngus­sineq tun­ngavis­saqan­ngilaq. Biibilimik ilisimatuut ilaat isumaqar­put Luk 15:19-imi al­las­simasumut naleq­qus­saaniarluni ilan­ngus­sisoqarsimasoq.

sulisitatit: Er­neq nukarleq angerlaruni angun­ni aperis­samaar­paa er­nituun­ngitsoq, sulisitatul­li, ilas­sisin­naaneraani. Angut sulisitaq inoqutigiin­nut, inus­siat inoqutigiin­nut ilaaler­tar­nerat­tut, ilaaler­neq ajor­poq, sulisitaavoq avataaneersoq ul­lormul­lu sulisus­sarsiarineqarajut­tarluni. – Matt 20:1, 2, 8.

kunillugulu: Grækerit oqaasiat uani ator­neqar­toq aam­ma “asan­nit­tumik kunip­paa”-mik nutser­neqarsin­naavoq. Asan­nit­tumik ikin­ngutin­nersumil­lu ilas­sineratigut as­sersuusiami ataataasup er­nerminik peq­qis­simisumik tikil­luaq­quserusun­nini ersersip­paa.

annoraaq assuut ... assammiulersiullu aloquserlugulu: An­noraaq taman­na atisaan­ngilaq nalingin­naasoq tas­saavorli kusanarnerpaaq – im­maqa al­lapalaagaal­luar­toq tikeraaq ataq­qiniarlugu atitin­neqar­tar­toq. Er­nerup as­sam­miuler­neqar­neranit erser­poq angutaata iluaralugulu asagaa, aam­mat­taaq ataq­qin­nit­tuliorfigalugulu ilaqutariin­ni inis­sisimalerseq­qik­kaa. Inus­siat as­sam­mioqar­natil­lu aloquteqar­neq ajor­put. Taamaat­tumik angutaata erseq­qis­sar­paa er­nini ilaqutariin­nut ilaal­luin­nar­tutut tikil­luaq­qul­lugu.

Anersaakkut erlinnartunik ujarlerneq

nwtsty Luk 14:26-mut nassuiaatit

uumiginngikkunigit: Biibilimi oqaatsit “uumigaa; qin­ngaraa” as­sigiingitsunik isumaqar­put. Akeq­qersimaar­nermik isumapiloqarluni al­lanik ajoquseerusun­nermik isumaqarsin­naavoq. Imaluun­niit isumaqarsin­naavoq inum­mik arlaan­nil­luun­niit iluaagisaqar­toq nuan­narin­ngisaqar­torluun­niit, inuit taamatut uumigin­nit­tut ajorisatik ingalas­simaniar­tar­paat. Imaluun­niit isumaqaan­narsin­naavoq asan­nin­nikin­neq. As­sersuutigalugu al­las­simavoq Jaakup Lea ‘qin­ngarinerarsimagaa’ Rakelilu asanerarsimal­lugu, taman­na isumaqar­poq Rakeli Leamit asanerugaa (1 Mos 29:31, tastamantitoĸaĸ; 5 Mos 21:15, tastamantitoĸaĸ), oqaaserlu taama isumaqar­til­lugu itsaq juutit al­lagaataan­ni al­lani ator­neqar­poq. Taamaat­tumik Jiisusi isumaqan­ngilaq ajoqersuk­kani ilaqut­tamin­nut im­min­nul­luun­niit akeq­qersimaarlutil­lu maajugin­nis­sasut, taamaaliorunim­mi Al­lak­kani al­las­simasut sin­nerinut akerliusumik ilius­sagaluar­put. (Naleq­qiutik­kit Mark 12:29-31; Ef 5:28, 29, 33). Versit ataqatigiin­neranit matumani oqaaseq “uumigin­ngik­kunigit” ima nutser­neqarsin­naavoq: “Asan­ngin­nerugunigit.”