Kristumiutut inuunerput kiffartornerpullu – Najoqqutassaq-mut innersuussutit

SEPTEMBARIP 3-9

GUUTIP OQAASIANI ERLINNARTUUTIT | JOHANNESI 1-2

Anersaakkut erlinnartunik ujarlerneq

nwtsty Joh 1:1-imut nassuiaatit

Oqaaseq: Imaluun­niit: “Logos.” Grækerisut: ho logos. Matumani taaguutitut ator­neqar­poq, aam­ma Joh 1:14-imi Saqq 19:13-imilu ator­neqar­poq. Johan­nesip paasinarsisip­paa kia taan­na taaguutigineraa, tas­sa Jiisusip taaguutigigaa. Taaguut taan­na Jiisusip inut­tut inun­ngun­ngik­kal­larami anersaajutil­luni, inut­tut naam­mal­luin­nar­tuul­luni nunarsuarmi kif­far­tor­til­luni qilaliareeramilu taaguutigaa. Jiisusi tas­saavoq Guutip oqaasia, imaluun­niit oqaaseqar­tit­tagaa, paasis­sutis­sanik ilitsersuutinil­lu Pin­ngor­titsisup er­nerinut anersaajusunut al­lanut inun­nul­lu ingerlatitseq­qiisar­toq. Taamaat­tumik pis­sutis­saqarluarluni isumaqar­toqarsin­naavoq Jiisusi suli nunarsuarmukan­ngitsoq Jehovap Oqaaseq, tusarliisar­toq in­ngiliusoq, aq­qutigalugu inuit at­taveqarfigisarai. – 1 Mos 16:7-11; 22:11; 31:11; 2 Mos 3:2-5; Eqq 2:1-4; 6:11, 12; 13:3.

nwtsty Joh 1:29-mut nassuiaatit

Guutip savaaraa: Jiisusi kuisereermat Diaavulumil­lu us­ser­neqareerluni utermat Johan­nesip Kuisisup ‘Guutip savaaraatut’ ilisaritip­paa. Oqariar­taaseq taman­na taamaal­laat matumani aam­ma Joh 1:36-mi ator­neqar­poq. (Guutip oqaasianik misissueqqissaarut, imm. 4 takuuk). Jiisusip savaaq­qamut as­sersuun­neqar­nera tul­luar­poq. Biibilimi savat pil­liutigineqar­tut al­laatigineqaraangata ajor­tuliamik nas­suerutigin­nin­neq Guutimul­lu qanil­liniar­neq pineqar­tar­put. Tamatumani Jiisusip inuiaat pil­lugit inuunerminik naam­mal­luin­nar­tumik pil­liuteqar­nis­saa siumut as­sersuutigineqar­poq. Oqariar­taaseq ‘Guutip savaaraa’ Al­lak­kani isumas­sarsiarititaasuni al­las­simasunut arlalin­n­nut in­nersuus­sutaap­put. Johan­nesip Kuisisup Al­lak­kanik Hebræerisuunik ilisiman­nil­luarmat oqaasii uku arlaan­nut tun­ngasin­naap­put: Sava angutiviaq Aaperaap nam­mineq er­nerminut Iisaamut taarsiul­lugu pil­liutigisaa (1 Mos 22:13), sava poorskisiut Egyptenimi toqun­neqar­toq Israelik­kut inus­sian­ngor­titaasimasut aniguisin­neqaq­qul­lugit (2 Mos 12:1-13) imaluun­niit sava angutiviaq pil­liivim­mi Jerusalemimiit­tumi ul­laat un­nuil­lu tamaasa Guutimut pil­liutigineqar­tar­toq (2 Mos 29:38-42). Johan­nesip aam­ma eq­qarsaatigisimasin­naavaa Esajap siulit­tuutaa, tas­sani al­las­simavoq Jehovap ‘kif­famisut’ taasaa ‘savaaq­qatut toquk­kiar­tor­neqar­toq’. (Es 52:13; 53:5, 7, 11) Apustilip Paulusip Korinthimiunut al­lak­kamini siul­ler­ni Jiisusi ‘savaaq­qatut poorskisiutis­satut’ eq­qar­tor­paa. (1 Kor 5:7) Apustilip Petrusip Kristusip aava eq­qar­tor­paa ‘erlin­nar­tutut, savaaq­qap as­suar­naatsup in­narluuteqan­ngitsul­lu aavatut’. (1 Petr 1:19) Aam­ma Saq­qum­mersitani Jiisusi naalan­narsisitaasimasoq 25-nit amerlanerusunik as­sersuutaasumik ‘Savaaq­qatut’ eq­qaaneqar­poq. – Ilaatigut ukunani: Saqq 5:8; 6:1; 7:9; 12:11; 13:8; 14:1; 15:3; 17:14; 19:7; 21:9; 22:1.

SEPTEMBARIP 10-16

GUUTIP OQAASIANI ERLINNARTUUTIT | JOHANNESI 3-4

“Jiisusi arnamut Samariamiumut nalunaajaavoq”

nwtsty Joh 4:6-imut nassuiaatit

pisukatassimagami: Imaluun­niit: “Qasusimagami.” Biibilimi uaniin­naq Jiisusi qasusutut al­laatigineqar­poq. Ul­lup-qeq­qata mis­sarivaa, ul­laarlu taan­na Jiisusi Judæami Jordanip Qooruaniit Sykarimut Samariamiit­tumut angalasimagunarpoq 900 meterisut por­tutigisumut por­tunerusumul­luun­niit qum­mukarluni. – Joh 4:3-5; Guutip oqaasianik misissueqqissaarut, imm. 4 takuuk.

Anersaakkut erlinnartunik ujarlerneq

nwtsty Joh 3:29-mut nassuiaatit

uissalli ikinngutaata: Biibilip nalaani uis­samut qanimut ikin­ngutaasoq inatsisitigut sin­niisuusar­poq katit­torsior­nis­samut pingaar­ner­tut piareersaasuusarluni. Uis­samik nulias­samil­lu naapeqatigiis­sitsisutut isigineqar­tar­poq. Ul­lormi katif­fis­sami nulias­saq taas­sumalu ingiaqatai uis­sap taas­sumaluun­niit ataataata il­luani katit­torsiorfis­samukar­tar­put. Katit­torsior­nermi uis­sap ikin­ngutaata uis­sap nulias­saminik oqaloqateqar­nera nuannaarutigisarpaa, ikin­ngutaasoq misigisarami pisus­saaf­fini iluatsit­tumik naam­mas­sisimal­lugu. Johan­nesi Kuisisoq ‘uis­sap ikin­ngutaanut’ im­minut as­sersuup­poq. Tamatumani Jiisusi tas­saavoq uis­saq, ajoqersuk­kal­lu ataatsimut isigalugit tas­saap­put as­sersuutaasumik nulias­saq. Mis­siarsip tikiun­nis­saanut piareersaal­luni Johan­nesip Kuisisup ‘nulias­samut’ ilaasut siul­liit Jiisusimut Kristusimut ilisaritip­pai. (Joh 1:29, 35; 2 Kor 11:2; Ef 5:22-27; Saqq 21:2, 9) Johan­nesip ‘uis­sap ikin­ngutaatut’ anguniak­kani anguaa. Taamaalil­luni Jiisusitut taas­sumalu ajoqersugaatut pingaar­tigiun­naar­poq. Taamaat­tumik Johan­nesi Jiisusimut tun­ngatil­lugu ima oqar­poq: “Taan­na al­liar­tus­saaq, uangali mil­liar­tus­saanga.” – Joh 3:30.

nwtsty Joh 4:10-mut nassuiaatit

imermik inuussutaasumik: Nutsiin­navil­lugu: “Imermik uumasumik.” Grækerit oqaasii taama nutser­neqar­tut ator­neqar­put imeq kuut­toq puilasorluun­niit imaluun­niit imeq tarajuun­ngitsoq puilasuliameersoq pil­lugu. Imeq taan­na imermit imiisivim­mi unin­ngaan­nar­tumit al­laaneruvoq. 3 Mos 14:5-imi hebræerit oqaasii “puilasup er­nganik” nutser­neqar­tut nutsiin­navil­lugit isumaqar­put “imeq uumasoq”. Jer 17:13-imi Jehova al­laatigineqar­poq ‘er­ngup uumanar­tup puilaf­fiatut’, tas­sa er­ngup as­sersuutaasup uumas­suseqalersitsisup puilaf­fiatut. (Jer 2:13) Jiisusip ar­naq Samariamiu oqaloqatigigamiuk oqaatsit “imeq inuus­sutaasoq” as­sersuutitut ator­pai, ar­nal­li Jiisusip oqaasii aal­laq­qaam­mut imivit­tut paasisimagunar­pai. – Joh 4:11.

SEPTEMBARIP 17-23

GUUTIP OQAASIANI ERLINNARTUUTIT | JOHANNESI 5-6

“Eqqortumik tunngaveqarlutit Jiisusi maliguk”

nwtsty Joh 6:10-mut nassuiaatit

Angutillu 5.000-it missigisaat issaapput: Tupin­nar­tuliap tamatuma oqalut­tuarineqar­nerani Mat­thæusip kisimi “ar­nat meeq­qal­lu” eq­qaavai. (Matt 14:21) Tupin­nar­tulior­nik­kut nerisin­neqar­tut taak­ku katil­lugit 15.000-nit amerlanerusimasin­naap­put.

nwtsty Joh 6:14-imut nassuiaatit

Pruffiiti taanna: Kristumiut siul­liit nalaan­ni juuter­pas­suit ilimagaat pruf­fiiti Mosesitut it­toq, 5 Mos 18:15, 18-imi al­laatigineqar­toq, tas­saajumaar­toq Mis­siarsi. Versimi pineqar­tumi oqaatsit silarsuarmut tikiuttussaq-mi pineqar­pasip­poq Mis­siarsi tikiut­tus­saq. Pisut versimi matumani eq­qaaneqar­tut Johan­nesip kisiar­taal­luni al­laatigai.

nwtsty Joh 6:27, 54-imut nassuiaatit

Inuussutissat nungujasut ... inuussutissat piujuarlutik naassaanngitsumik inuussutaasussat: Jiisusip paasivaa inuit ilaasa ajoqersuk­kanilu ilagerusut­taraatsik pigisatigut iluanaar­niaan­narlutik. Timik­kut inuus­sutis­sat ul­lormiit ul­lormut inuugin­nar­titsisar­put, ‘inuus­sutis­sal­li’ Guutip oqaasianeersut naas­saan­ngitsumik inuus­sutaalersitsisin­naap­put. Jiisusip inup­pas­suit kajumis­saar­pai “inuus­sutis­sat piujuarlutik naas­saan­ngitsumik inuus­sutaasus­sat” pissarsiariniarlugit suleqqullugit, tas­sa anersaak­kut pisariaqar­titatik matus­suser­niarlugit ilik­kak­katil­lu up­peralugit iliuuseqaq­qul­lugit. – Matt 4:4; 5:6; Joh 6:28-39.

uanga uininnik nerisoq uangalu aannik imertoq: Versit ataqatigiin­nerinit erser­poq nerisut imer­tul­lu as­sersuutaasumik taamaalior­tut Jiisusimut Kristusimut up­per­nermik ersersitsinik­kut. (Joh 6:35, 40) Jiisusi taama oqar­poq ukiumi 32-mi, taamaat­tumik Naalak­kap un­nuk­korsior­titsinis­saa ukioq ataaseq qaangiup­pat pisus­saq eq­qar­tun­ngilaa. Taamatut oqar­poq “poorski juutit nal­lius­siviat” (Joh 6:4) sioq­qutitsiarlugu, tusar­naar­tuisalu eq­qaasimas­savaat nal­lius­sinis­saq taman­na aam­ma savaaq­qap aavata, un­num­mi Israelik­kut Egyptenimit aniguif­fian­ni inuit an­naan­neqaatigisaata, pingaaruteqas­susia (2 Mos 12:24-27). Jiisusip erseq­qis­sar­paa aan­ni ajoqersuk­kami naassaanngitsumik inuuneqalernissaannut taamatul­li pingaaruteqarluin­narumaar­toq.

Anersaakkut erlinnartunik ujarlerneq

nwtsty Joh 6:44-mut nassuiaatit

kajungilersinngippani: Grækerit oqaluutaat ‘kajungilersip­paa’-mik nutser­neqar­toq aalisak­kanut qas­sutinik amooraanermut (Joh 21:6, 11) tun­ngas­suteqaraluar­toq isumaqan­ngilaq Guuti inun­nik piuman­ngitsunik pin­ngitsaaliil­luni im­minut kajungilersitsisar­toq. Jiisusi taama oqarami eq­qarsaatigisimasin­naavaa Jer 31:3-mi al­las­simasut, tas­sani Jehova itsaq in­nut­taminut ima oqar­poq: “Ilin­nut ilumoor­nera atatit­tuar­para.” (Septuaginta-mi grækerit oqaluutaat ator­neqar­toq taan­na aam­ma Joh 6:44-mi ator­neqar­poq). Joh 12:32-mit erser­poq Jiisusi inun­nik tamalaanik im­minut kajungilersitsisar­toq. Biibilimit erser­poq Jehovap inuit nam­min­neq piumasamit­tut iliorsin­naatik­kai. Inuit tamarmik taas­sumun­nga kif­far­tus­sanerlutik nam­min­neq aalajangersin­naavaat. (5 Mos 30:19, 20) Guutip eq­qor­tuliorusut­tut inus­siar­nerluni im­minut kajungilersit­tar­pai. (Tus­s 11:5; Uss 21:2) Jehova taamaalior­tar­poq tusarlius­saq Biibilimiit­toq anersaanilu il­ler­nar­toq atorlugit. Es 54:13-imi siulit­tuutigineqar­toq Joh 6:45-mi is­suar­neqar­toq Ataatamit kajungilersitaasunut tun­ngavoq. – Naleq­qiuguk Joh 6:65.

nwtsty Joh 6:64-imut nassuiaatit

Jiisusimmi ... nalunngereerpaa ... kiallu killuutigiumaaraani: Jiisusip Judasi Iskarioti pivaa. Jiisusi apustilinik aq­qaneq-marlun­nik toq­qaatin­nani un­nuaq naal­lugu Ataataminut qinuvoq. (Luk 6:12-16) Taamaat­tumik aal­laq­qaam­mut Judasi Guutimut aalajaatsuuvoq. Jiisusil­li Al­lak­kani Hebræerisuuni siulit­tuutinit nalun­ngilaa qanimut peqatigisar­tak­kaminit kil­luutigineqarumaarluni. (Tus­s 41:10; 109:8; Joh 13:18, 19) Judasi ajor­tun­ngoriar­tulermat Jiisusip uum­matinik eq­qarsaatinil­lu atuaasin­naasup taas­suma al­lan­ngor­nera malugaa. (Matt 9:4) Guutip siumut ilisiman­nereersin­naanini atorlugu nalun­ngilaa Jiisusip tatigisaa kil­luus­sisun­ngorumaar­toq. Isumaqarut­tali Judasi tas­saasimas­sasoq kil­luus­sisus­saq, soorlulusooq kil­luus­sinis­saa siumut aalajangeriigaasoq, Guutip pis­susiinut sior­natigul­lu iliuuserisimasaanut naaper­tuutin­ngitsumik eq­qarsas­saagut.

aallaqqaataanilli: Oqaaseq taan­na Judasip inun­ngor­neranut apustilitul­luun­niit toq­qagaaneranut, Jiisusip un­nuaq naal­lugu qinoreermat pisumut, tun­ngas­suteqan­ngilaq. (Luk 6:12-16) Oqaaseq taan­na Judasip ilumuun­ngitsulior­taler­neranut, Jiisusip ingerlaan­naq malugisaanut, tun­ngavoq. (Joh 6:70; 13:11; naleq­qiutik­kit Joh 2:24, 25; Saqq 1:1; 2:23). Tamatuman­ngat­taaq paasinarsivoq Judasip iliuutsini pilersaarusioreerai, imaan­ngitsoq uum­mataa al­lan­ngoriataarsimasoq. Kristumiut Al­lagaataan­ni Grækerisuuni oqaaseq ‘aal­laq­qaataani’-mik (grækerisut: arkhe) nutser­neqar­toq versit ataqatigiin­neran­nut naleq­qiul­lugu isumaa paasisas­saavoq. As­sersuutigalugu 2 Petr 3:4-mi grækerit oqaasiat taan­na pin­ngor­titsisoqaq­qaar­neranut tun­ngatin­neqar­poq. ApS 11:15-imili oqaaseq taan­na ator­neqar­poq ukiumi 33-mi piinsip ul­luanut tun­ngatil­lugu, tas­sa aalajangersimasumik siuner­taqarluni anersaamik il­ler­nar­tumik kuisinerup ‘aal­lar­tin­neranut’. (ApS 2:1-4) Oqaaseq taan­na aam­ma Luk 1:2-mi Joh 15:27-milu ator­neqar­poq, taak­kunanilu isumaa versit ataqatigiin­neran­nit paasisas­saavoq.

SEPTEMBARIP 24-30

GUUTIP OQAASIANI ERLINNARTUUTIT | JOHANNESI 7-8

Anersaakkut erlinnartunik ujarlerneq

nwtsty Joh 8:58-imut nassuiaatit

tassaareerpunga: Juutit akerlilersuisut Jiisusi ujaq­qanik mil­loor­niar­paat ‘suli 50-inik ukioqalin­ngik­kaluarluni’ Aaperaat ‘takusimanerarmagu’. (Joh 8:57) Jiisusip akil­lugit Aaperaat inun­ngun­ngik­kal­larmat nam­minerlu inut­tut inun­ngun­ngik­kal­larami anersaatut pis­saanilit­tut qilam­mi piunini oqalut­tuaraa. Oqar­toqar­tar­poq Jiisusi versimi tamatumani Guutiunerar­toq. Tun­ngavilersuisar­put grækerit oqaasiat matumani ator­neqar­toq, ego eimi, oqaatsimut nutsik­kami Septuaginta-mi 2 Mos 3:14-imi ator­neqar­tumut in­nersuus­sutaasoq. Versimili matumani Jiisusip ersersip­paa “Aaperaat pin­ngun­ngik­kal­larmal­li” piulereerluni. Taamaat­tumik “tas­saareer­punga” eq­qor­tumik nutser­neqarsimavoq, aam­ma nutsik­kani itsar­nitsani nutaanerusunilu oqaatsip tamatuma isumaanut as­singusumik nutser­neqarsimavoq. Aam­mat­taaq Jiisusip Joh 8:54, 55-imi nas­suiaaneranit erser­poq tas­saaneran­ngitsoq Ataatani.