Oqaluus­sinermi pikkorin­nerulerit – Anersaak­kut siuariar­tun­ngit­sut atuaq­qis­saaqatigisarun­naar­nerisigut

SOOQ PINGAARUTEQARTOQ: Inuk kinaluun­niit an­naan­neqarumal­luni ‘Jehovap aq­qanik torlorfigin­nit­tariaqar­poq’. (Rom 10:13, 14) Taamaat­torli Biibilimik atuaq­qis­saarusut­tut ilaasa Jehovap najoq­qutas­siai inuunermin­ni maleruar­neq ajor­paat. Jehovamik iluarineqarusul­lutik inuunermin­ni al­lan­nguerusut­tut oqaluus­sinitsin­ni ikior­nerisigut pif­fis­sar­put naleqangaaqisoq atorluar­nerus­savar­put. Pif­fis­sap naleq­qut­tup ingerlanerani Biibilimik atuaq­qis­saar­tar­toq anersaak­kut siuariar­tun­ngip­pat atuaq­qis­saaqatigisarun­naarutsigu ajun­ngin­nerus­saaq pif­fis­sar­pul­lu Jehovap im­minut peqatigiis­sor­taminul­lu kajungilersitaanut atorlugu. (Joh 6:44) Soorunami inuunermini al­lan­nguip­pat taamatul­lu ‘eq­qor­tumik isigin­nit­taaseqar­nini pis­sutigalugu naas­saan­ngitsumik inuulersin­naanini’ (NW) ersersip­pagu atuaq­qis­saaqatigisaleq­qik­kusus­savar­put. – ApS 13:48.

QANOQ TAAMAALIOR­SIN­NAASUTIT:

• Eq­qorluar­tumik ilisimasaqalerusun­nera pil­lugu nersualaaruk. – 1 Tim 2:4

• Ilik­kak­kami maleruar­nis­saata pingaaruteqas­susia ersersiguk. – Luk 6:46-49

• Jiisusip naatsiias­sanik siaruar­terisumik as­sersuusiaa inus­siar­nersumik eq­qar­toruk, qin­nuigalugulu sooq ilik­kak­kaminik maleruaan­ngin­nini eq­qarsaatigis­sagaa. – Matt 13:18-23

• Pis­suseris­saarlutit nas­suiaruk sooq atuaq­qis­saar­tar­nersi unitsilerit

• Paasitiguk kajumis­saarumal­lugu saaf­figil­lat­taasarumaarit, siunis­samilu ilik­kak­kani tun­ngavigalugit iliuuseqar­talersimap­pat atuaq­qis­saar­taleq­qis­sin­naasusi

FILMI ISIGIN­NAARIARLUGU APEQ­QUTIT UKU AKIKKIT:

• Atuaq­qis­saar­tar­tup anersaak­kut siuariar­tun­ngin­nera oqaloqatigiin­nermi qanoq erser­pa?

• Oqaluus­sisar­tup atuaq­qis­saaqatigisar­tak­kami inuunermini al­lan­nguisariaqar­neranik qanoq paasitip­paa?

• Oqaluus­sisar­tup atuaq­qis­saaqatigisar­tak­kani qanoq ilisimatip­paa atuaq­qis­saaqatigiit­tar­ner­tik siunis­sami aal­lar­teq­qis­sin­naasoq?