“Allamiut guutiisa assingi pigisasi ... peersigit”

Jaakup nalun­ngilaa Jehova kisimi pal­lorfigineqar­tariaqar­toq, naak suli guutipiluit pil­lugit inatsiseqan­ngik­kaluar­toq. (2 Mos 20:3-5) Jaaku Jehovamit Betelimut uteq­quneqareerluni ilani oqarfigai guutipiluit tamaasa piias­sagaat. Jaakul­lu guutipiluit, ilaatigut iverutit aar­nus­satut ator­neqar­tarunar­tut, eq­qar­pai. (1 Mos 35:1-4) Qularutis­saan­ngilaq Jaakup iliuusii Jehovamit iluarineqar­tut.

Nalitsin­ni Jehova qanoq kisiat pal­lorfigisin­naavar­put? Guutipilus­sior­nermut anersaarsior­nermul­lu tun­ngasut tamaasa ingalas­simasariaqar­pavut. Ilaatigut taamaaliorsin­naavugut anersaarsior­nermut tun­ngasut tamaasa pigiun­naar­nerisigut suul­lu aliik­kutarisar­nerlugit eq­qarsaatiginerisigut. As­sersuutigalugu im­minut ima aperigit: ‘Atuak­kani filminiluun­niit aliik­kutarisar­tak­kan­ni vampyrit, zombiet anersaanil­luun­niit pis­saaneqar­titaasut ilaasar­pat? Angak­kuar­niutit, angak­kuar­tin­neq perloq­qusinerluun­niit nuan­naar­niutitut ajoqutaan­ngitsutut saq­qum­miun­neqar­tar­pat?’ Jehovap uumigisai tamaasa aliik­kutarin­ngil­luin­nar­tariaqar­pavut. – Tuss 97:10.

FILMI PISSANGANARSAGAQ “AFVIS DJÆVELEN” ISIGINNAARUK APEQQUTILLU UKU AKILLUGIT:

• 

  Biibilimik atuaq­qis­saaqatigineqar­tar­tup Palesamik atil­lip suna ajor­nar­torsiutigaa?

• 

  Anersaarsior­nermut tun­ngasunik sam­misaqar­toqar­tar­pat sooq utoq­qaaner­tanit siun­nersoq­quneq silatusaar­nerua?

• 

  Jehovamit il­lersor­neqarumasut suut pigiun­naar­tariaqar­paat?

• Palesa pingaarutilim­mik qanoq iliuuseqar­pa?

• Nunagisan­ni anersaapilun­nit qanoq sun­ner­tin­naveersaarsin­naavit?