Paasiuminarsaaneq

Jiisusi qanoq iliortoq

VIDEO: Guutip uagutsinnik isumassuil­luarnera Jiisusip erseqqissaraa

1. VIDEO isiginnaaruk, imaluunniit Matiusi 6:25-27 atuakkit. Apeqqutillu uku eqqarsaatigikkit:

1. Jehovap uagutsinnik isumassuil­luarnera Jiisusip qanoq erseqqissarpaa?

2. Jiisusi timmiaaqqat pillugit ilisimasaqangaarpoq. Sunali immikkut maluginiaqquaa? Sooq periaasia pikkunarpa?

Jiisusi sumik ilinniarfigaarput?

2. Paasiuminartumik ilinniar­titsisarutta ilinniar­titamut eqqaamanar­nerussallunilu killitsin­narnerussaaq.

Jiisusi ilaaruk

3. Oqaluppal­laarnaveersaarit. Sammisarsi pillugu ilisimasatit tamaasa oqaatiginaveersaarlugit Biibililersaarummi paasissutissat atukkit. Apeqquteqaraangavit akinissaanut utaqqisarit. Apeqqut akisinnaan­ngikkaangagu Biibilimul­luunniit naapertuutin­ngitsumik akigaangat apeqqutit allat atorlugit eqqarsalersin­niartaruk. Sammisamik pingaarnermik paasinnippat ingerlaq­qiinnarsin­naavutit.

4. Nutaanik ilinniar­titsigaangavit ilinniar­titavit paasereersimasaanut qanoq atassuteqartut erseqqis­sartakkit. Assersuutigalugu toqusunit makititsineq pillugu ilinniar­tinnginnerani toqusut pillugit paasereersimasai naatsumik eqqartorsin­naavasi.

5. Assersuusioraangavit paasiuminar­tuunissaa qulakkeertaruk. Assersuusiun­nginninni uku eqqarsaatigikkit:

1. ‘Assersuut paasiuminarpa?’

2. ‘Ilinniartitama paasiler­tupallas­sinnaavaa?’

3. ‘Ilinniartitama assersuusiara kisiat eqqaamassavaa, imaluunniit sammisami pingaarneq?’