Kristumiutut inuunerput kiffartornerpullu – Najoqqutassaq-mut innersuussutit

APRIILIP 2-8

GUUTIP OQAASIANI ERLINNARTUUTIT | MATTHÆUSI 26

“Poorskip eqqaaniaanerullu assigiissutaat assigiinngissutaallu”

nwtsty asseq

Poorskisiut

Poorskisior­nermi pingaarutil­lit ukuup­put: savaaraq siataq (saar­ngi nal­lor­neqas­san­ngil­lat) (1); timiusaq seer­narsaateqan­ngitsoq (2); naatitat qasilitsut (3). (2 Mos 12:5, 8; 4 Mos 9:11) Naatitat qasilitsut – Misjna naaper­torlugu tas­saasin­naasut salaatip niaquusaa, cikorie, kaarsi, endivie in­neruulal­luun­niit – Israelik­kut Egyptenimiin­nermin­ni ‘qasilitsumik’ atugaqar­titaanermin­nut eq­qaaneqaatigisar­tagas­sariunar­paat. Jiisusip timiusaq seer­narsaateqan­ngitsoq timiminut naam­mal­luin­nar­tumut as­sersuup­paa. (Matt 26:26) Apustilil­lu Paulusip Jiisusi tas­saanerar­paa ‘savaaraq uagut poorskisiutis­sar­put’. (1 Kor 5:7) Jiisusip nalaani aam­ma viin­ni (4) poorskimi sas­saal­liutigineqar­tar­poq. Jiisusip viin­ni aam­minut, pil­liutitut kuineqar­tus­samut, as­sersuutitut ator­paa. – Matt 26:27, 28.

nwtsty Matt 26:26-mut nassuiaatit

tassa: Imaluun­niit: “Isumaqar­poq.” Oqaaseq grækerisooq estin (nutsiin­navil­lugu “tas­saavoq”) uani isumaqarsin­naavoq: “Isumaqar­poq; as­sersuutaavoq; in­nersuus­sutaavoq.” Apustilit taama isumaqar­tik­kaat erseq­qip­poq, pisimasumimi tamatumani Jiisusip timaa naam­mal­luin­nar­toq aam­ma timiusaq neriligaat sior­nan­niip­put. Taamaat­tumik timiusaq tas­saasin­naan­ngilaq Jiisusip timaa. Maluginiar­nar­poq oqaaseq grækerisooq taman­na aam­ma Matt 12:7-imi ator­neqarmat, Biibilinilu amerlasuuni ‘isumaqar­poq’-mik nutser­neqarsimavoq.

nwtsty Matt 26:28-mut nassuiaatit

angerutsip aava: Angeruseq nutaaq, Jehovap kristumiul­lu tanitat angerfigeqatigiis­sutaat, Jiisusip pil­liutaa tun­ngavigalugu atulersin­neqar­poq. (Hebr 8:10) Jiisusip uani ator­paa oqaaseq Mosesip Inatsisit tun­ngavigalugit angeruseq akun­nermiliut­tuul­luni qaq­qami Sinajimi atulersik­kamiuk atugaa. (2 Mos 24:8; Hebr 9:19-21) Soorlu angeruseq Guutip inuiaal­lu Israelik­kut Inatsisit tun­ngavigalugit angerfigeqatigiis­sutaat nersutit savaasal­lu angutivis­sat aavisigut atorsin­naatitaalersoq, taamatut­taaq angeruseq nutaaq Jehovap anersaak­kut Israelimik angerfigeqatigin­nis­sutis­saa Jiisusip aavatigut atorsin­naatitaaler­poq. Angeruseq taman­na ukiumi 33-mi piinsip ul­luani atuutilersin­neqar­poq. – Hebr 9:14, 15.

Anersaakkut erlinnartunik ujarlerneq

nwtsty Matt 26:17-imut nassuiaatit

Nalliussinerup seernarsaateqanngitsumik timiusartorfiusup ulluisa siullianni: Seer­narsaateqan­ngitsumik timiusar­torfiusoq nisanip 15-ian­ni, poorskip (nisanip 14-iata) aqaguani, aal­lar­tit­tar­poq ul­lunil­lu arfineq-marlun­nik sivisus­suseqar­tarluni. (Guutip oqaasianik misissueqqissaarut, imm. 19) Nal­lius­sineq taman­na Jiisusip nalaani poorskimut atatin­neqar­tarmat ul­luni arfineq-pingasuni, nisanip 14-iat ilan­ngul­lugu, nal­liut­torsior­neq taan­na ilaan­nik­kut taaneqar­tar­poq: “Nal­lius­sineq seer­narsaateqan­ngitsumik timiusar­torfiusoq.” (Luk 22:1) Versit ataqatigiin­nerinit erser­poq oqaatsit “ul­luisa siul­lian­ni” aam­ma nutser­neqarsin­naasut: “Ul­loq sioq­qul­lugu.” (Joh 1:15, 30-mut naleq­qiuguk, tas­sani oqaaseq grækerisooq protos [“siul­lian­ni”, Matt 26:17] “sioq­qul­lunga”-mik nutser­neqar­poq). Tas­sa itsaq grækerit oqaasii, aam­mat­taaq juutit ileq­qui, naaper­torlugit ajoqersuk­kat Jiisusi nisanip 13-ian­ni aperisimasin­naavaat. Nisanip 13-ian­ni ul­luk­kut ajoqersuk­kat poorskisior­nis­sar­tik piareersar­paat, kingusin­nerusuk­kul­lu “un­num­mat”, nisanip 14-iat aal­lar­tim­mat, poorskisior­put. – Mark 14:16, 17.

nwtsty Matt 26:39-mut nassuiaatit

ermutsip uuma uanga qaangiinnarlinga: Biibilimi ‘ermuseq’ inuk pil­lugu Guutip piumasaanut, imaluun­niit ‘sulias­siis­sum­mut’, as­sersuutitut ator­neqarajup­poq. (Matt 20:22) Qular­nan­ngitsumik Jiisusip Guutimik mitaatigin­nit­tutut un­nerluun­neqarluni toqutaanis­sami Guutimut narrunarsaataanis­saa isumakuluutigingaaramiuk “ermutsip” qaangiin­nar­tin­neqar­nis­saa qin­nutigaa.

APRIILIP 9-15

GUUTIP OQAASIANI ERLINNARTUUTIT | MATTHÆUSI 27-28

(Matthæusi 28:19, NW) Taamaat­tumik aal­laritsi inuil­lu inuian­nit tamaneersut Ataatap aq­qani, Er­nerup aq­qani anersaal­lu il­ler­nar­tup aq­qani imermut morsutsil­lugit kuinerisigut ajoqersugan­ngor­til­lugit,

nwtsty Matt 28:19-imut nassuiaatit

ajoqersuganngortillugit: Oqaluut grækerisooq matheteuo “ilin­niar­tip­paa”-mik nutser­neqarsin­naavoq, ilin­niarsimasun­ngor­nis­sap tungaanut ilin­niar­titsineq pineqarluni. (Matt 13:52-imut naleq­qiuguk, tas­sani oqaaseq taan­na ‘ajoqersugan­ngorsimasumik’ nutser­neqar­poq). Oqaluutinit ‘kuisitsinermit’ aam­ma ‘ajoqersuinermit’ erser­poq qanoq ‘ajoqersugan­ngor­titsisoqar­tar­toq’.

inuillu inuiannit tamaneersut: Nutsiin­navil­lugu isumaqar­poq “inuiaat tamaasa”, versimili oqaatsit ataqatigiin­neran­nit erser­poq inuit inuian­nit tamaneersut pineqar­tut, oqaluutimimi grækerisuumi kuinerisigut-mik nutser­neqar­tumi pineqar­put inuit, pineqar­natik inuiaat. ‘Inun­nik inuian­nit tamaneersunik’ tusarleeq­qusineq peq­qus­sutaavoq nutaaq. Biibilimit erser­poq Jiisusip kif­far­tor­nera sioq­qul­lugu Guutimik nalusut Jehovamut kif­far­torusuk­kunik Israelik­kun­nut tikil­luaq­qusaasut. (1 Kng 8:41-43) Jiisusili taamatut peq­qusinermigut ajoqersuk­kani juutiun­ngitsunut oqaluus­sinis­saan­nik pigin­naatip­pai, silarsuarmi tamarmi kristumiut ajoqersugan­ngor­titsior­tor­nis­saat erseq­qis­sarlugu. – Matt 10:1, 5-7; 24:14; Saqq 7:9.

nwtsty Matt 28:20-mut nassuiaatit

ajoqersorlugillu: Oqaatsimi grækerisuumi ‘ajoqersuinermik’ nutser­neqar­tumi pineqar­put ilitsersuineq, nas­suiaaneq, qularun­naar­nar­tumil­lu tun­ngavilersuineq up­per­narsaateqar­nerlu. (Matt 4:23-mut nas­suiaat takuuk). Jiisusip peq­qus­sutaasa tamarmik maleruarneqarnissaat – ilaatigut taas­suma ilin­niar­titsis­sutigisai, ilin­niar­titsis­sutigisaasa maleruar­nis­saat taas­sumalu maligas­siaata malin­nis­saa – ilin­niar­titsis­sutigineqar­tus­saam­mata ilin­niar­titsiuar­nerusariaqar­poq. – Joh 13:17; Ef 4:21; 1 Petr 2:21.

Anersaakkut erlinnartunik ujarlerneq

nwtsty Matt 27:51-imut nassuiaatit

saagua: Saagoq alutor­nar­toq pin­nersagaq taman­na naalaf­fim­mi Il­ler­nar­ner­paap Il­ler­nar­tul­lu akun­nequtigaat. Juutit oqalut­tuarisaanerat naaper­torlugu saagoq oqimaatsoq taan­na 18 meterisut takitigaaq, 9 meterisut silitsigaaq aam­ma 7,4 centimeterisut is­sutigaluni. Saagup tamatuma marlun­ngorlugu siin­neratigut Jehovap er­nermi toqutsisuinik kamaas­sinini ersersiin­nar­nagu aam­ma qilaliar­toqarsin­naaler­nera ersersip­paa. – Hebr 10:19, 20.

naalaffiup: Oqaatsip grækerisuup naos-ip uani ator­neqar­nerani pineqar­put naalaf­fim­mi init pingaar­nerit, tas­sa Il­ler­nar­toq aam­ma Il­ler­nar­ner­paaq.

nwtsty Matt 28:7-imut nassuiaatit

ajoqersugai oqarfigiartorsigit toqusunit makissimasoq: Ar­nat taak­ku tas­saagin­nan­ngil­lat Jiisusip makis­simaneranik oqalut­tuun­neqar­tut siuliit, aam­mali tas­saap­put ajoqersuk­kanut al­lanut oqariar­toq­quneqar­tut. (Matt 28:2, 5, 7) Juutit ileq­qutoqaat Biibilimut naaper­tuutin­ngitsut naaper­torlugit ar­nat eq­qar­tuus­sivim­mi nalunaajaaq­qusaan­ngil­lat. Tamatuman­nga al­laanerul­luin­nar­tumik Jehovap in­ngiliata ar­nat nuan­nersumik sulias­sil­lugit ataq­qinaaser­pai.

KRISTUMIUTUT INUUNEQ

(Matthæusi 10:11, NW) “Sumut il­loqarfim­mut nunaqarfim­mul­luun­niit pigaangas­si, tas­sani qin­ngaq­qun­nan­ngitsut tas­sanimiut ujas­savasi, tas­saniit­tuaritsilu aal­larserlusi.”

APRIILIP 16-22

GUUTIP OQAASIANI ERLINNARTUUTIT | MARKUSI 1-2

“Ajortinnik isumakkeerfigineqarputit”

nwtsty Mark 2:9-mut nassuiaatit

Suna ajornannginnerua: Ajor­tinik isumak­keerfigin­nin­neraaneq ajor­nan­ngin­neruvoq, taamatut oqaaseqarneq takus­saasunik up­per­narsaatitaqar­tariaqan­ngim­mat. Oqaraan­nili Nikuigit ... angerlarlutillu Jiisusip ajor­tinik isumak­keerfigin­nis­sin­naatitaneranik ersersitsisumik kik­kut tamarmik erseq­qis­sumik takusin­naasaan­nik tupin­nar­tulior­toqar­tariaqar­poq. Oqalut­tuamit tamatuman­nga aam­ma Es 33:24-mit erser­poq nap­paatit ajor­tiliuner­pul­lu im­min­nut at­tuumas­suteqar­tut.

Anersaakkut erlinnartunik ujarlerneq

nwtsty Mark 1:11-mut nassuiaatit

nipilu qilannit tutsiuppoq: Iivangkiiliuni al­laatigineqar­poq Jehova pisuni pingasuni toq­qaan­nar­tumik inun­nut oqalut­toq, unalu siul­lersaraat. – Mark 9:7; Joh 12:28.

Illit tassaavutit ernera: Jiisusi anersaajugal­larami Guutimit er­nerineqar­poq. (Joh 3:16) Inut­tut inun­ngorami tas­saaler­poq Adamip naam­mal­luin­nar­tuusimaneratut ‘Guutip er­nera’. (Luk 1:35; 3:38) Imaas­sin­naavorli Guutip uani Jiisusip kinaas­susia nalunaarutigiin­nan­ngik­kaa. Guutim­mi taamatut nalunaar­nini anersaamik il­ler­nar­tumik kuisiner­taqar­tik­kamiuk ersersik­kunar­paa inuk Jiisusi anersaak­kut Er­nerilerini, ‘er­nioq­qit­toq’ qilam­mut uter­nis­saminut neriuuteqar­toq anersaamil­lu tanin­neqar­nermigut Kun­ngiusus­satut Palasiunerusus­satul­lu Guutimit toq­qar­neqar­toq. – Joh 3:3-6; 6:51; naleq­qiutik­kit Luk 1:31-33; Hebr 2:17; 5:1, 4-10; 7:1-3.

nuannarisaraakkit: Imaluun­niit: “Iluaraak­kit; nuan­naarutigingaar­pak­kit.” Oqaaseq taan­na aam­ma Mat­t 12:18-imi ator­neqar­poq, tas­sanilu Es 42:1 Mis­siarsi, tas­sa Kristusi, pil­lugu siulit­tuutaasoq is­suar­neqar­poq. Anersaamik il­ler­nar­tumik kuineqar­neq Guutil­lu Er­nini pil­lugu nalunaarutaa erseq­qis­sumik takutitsip­put Jiisusi tas­saasoq Mis­siarsi neriorsuutigisaq. – Matt 3:17; 12:18.

nwtsty Mark 2:28-mut nassuiaatit

sabbatimuttaaq naalagaavoq: Jiisusip oqaatsit taak­ku im­minut pil­luni ator­pai (Matt 12:8; Luk 6:5) ersersil­lugu Ataatami qilam­miusup sulias­siis­sutai naam­mas­siumal­lugit sabbati piumasaminik atorsin­naagini. (Joh 5:19; 10:37, 38 naleq­qiutik­kit). Sabbatini Jiisusi maluginiar­nar­ner­paanik tupin­nar­tulior­poq, ilaatigut nap­parsimasunik ajorun­naarsitsil­luni. (Luk 13:10-13; Joh 5:5-9; 9:1-14) Taman­na naalagaaf­fim­mini, sabbatitut qasuersaarfiusus­satut it­tumi, qanoq it­tumik oqilial­latsitsiumaar­neranut siumut as­sersuutaagunar­poq. – Hebr 10:1.

APRIILIP 23-29

GUUTIP OQAASIANI ERLINNARTUUTIT | MARKUSI 3-4

“Sabbatimi ajorunnaarsitsineq”

nwtsty Mark 3:5-imut nassuiaatit

kamalluni ... aliasuutigalugit: Pisimasumi tamatumani up­perisarsior­nik­kut siut­tut uum­matimik­kut manngertissimanerat Jiisusip qanoq misigis­suseqarfigigaa Markusip kisimi oqalut­tuaraa. (Matt 12:13; Luk 6:10) Petrusi, angut misigis­suseqangaar­toq, Jiisusip misigis­susiinik Markusimut oqalut­tuar­tuusimasin­naavoq.

Anersaakkut erlinnartunik ujarlerneq

nwtsty Mark 3:29-mut nassuiaatit

Anersaamulli Illernartumut mitallertoq: Mital­ler­neq taamaat­toq tas­saavoq Guutimut il­ler­nar­tunul­lu tun­ngatil­lugu nikanarsaaneq, narrunarsaaneq oqaasipilun­nerluun­niit. Anersaaq il­ler­nar­toq Guutimeersuum­mat naam­mas­sisaqar­neranik piaaraluni as­sor­tuineq miserratigin­nin­nerluun­niit Guutimik mital­ler­neruvoq. Matt 12:24, 28-mi aam­ma Mark 3:22-mi ersersin­neqar­tutut juutit up­perisarsior­nik­kut siut­tuisa Jiisusi Guutip anersaavanit sun­ner­neqarluni tupin­nar­tulior­toq takugaluarlugu Saatanip Diaavulup pis­saaneratigut taman­na pisimanerar­paat.

ajortuliarli naassaanngitsoq pisuussutigissavaa: Tamatumani pineqar­pasip­poq piaaraluni ajor­tuliaq naas­saan­ngitsumut kingunerlut­tus­saq; ajor­tuliaq taamaat­toq pil­lium­mit qanorluun­niit it­tumit matus­suser­neqarsin­naan­ngilaq. – Takuuk versimi matumani Anersaamulli Illernartumut mitallertoq-mut nas­suiaat.

APRIILIP 30-MAAJIP 6

GUUTIP OQAASIANI ERLINNARTUUTIT | MARKUSI 5-6

“Jiisusi toqukkut annaasimasatsinnik makititsinissaminut pissaaneqarpoq”

nwtsty Mark 5:39-mut nassuiaatit

toqunngilaq, siniinnarpoq: Biibilimi toqu sinin­nermut as­sersuun­neqar­tar­poq. (Tuss 13:4; Joh 11:11-14; ApS 7:60; 1 Kor 15:51; 1 Th 4:13) Niviarsiaraq uum­mar­teq­qileramiuk Jiisusi taama oqarsimasin­naavoq takutin­niarlugu inuit sin­naaris­sut itersar­neqarsin­naanerat­tul­li toqusut uum­mar­teq­qin­neqarsin­naasut. Jiisusip niviarsiaq­qamik uum­mar­titseq­qin­nis­samut pis­saanini Ataataminit pivaa, taan­nami tas­saavoq Guuti ‘toqusunik uum­mar­titsisoq pioriin­ngitsunil­lu qaaq­qusil­luni piulersitsisoq’. – Rom 4:17.

Anersaakkut erlinnartunik ujarlerneq

nwtsty Mark 5:19-imut nassuiaatit

oqaluttuutikkillu: Jiisusi tupin­nar­tulioraangami al­lanut oqalut­tuus­seq­qusin­ngit­tar­nermi akerlianik angut taan­na oqarfigaa eq­qarlini pisimasumik oqalut­tuutis­sagai. (Mark 1:44; 3:12; 7:36) Taama peq­qusisimagunar­poq nunamit tamatuman­nga qimaguteq­quneqarami nam­mineerluni nalunaajaaf­figisin­naan­ngin­namigit; aam­ma puulukinik an­naasaqar­titsinini pis­sutigalugu tusaamanerlugaaleq­qunani.

nwtsty Mark 6:11-mut nassuiaatit

isikkasilu pujoralaajarsigit: Ajoqersuk­kat taamaalior­nermik­kut takutip­paat kingunerlutsitsiner­nut Guutimeersunut tun­ngatil­lugu akisus­saanatik. Oqaatsit as­singusut Matt 10:14-imi aam­ma Luk 9:5-imi ator­neqar­put. Markusip Lukasil­lu oqaatsit uku ilan­ngup­paat: taakkuninnga unnerluutiginnissutaasumik. Paulusi Bar­nabalu Antiokiami Pisidiamiit­tumi Jiisusip peq­qus­sutaatut ilior­put (ApS 13:51), Paulusilu Korinthimiil­luni tamatumun­nga as­singusumik ilior­poq atisani pujoralaajarlugu is­sut­toramiuk, iliuutsinilu ima nas­suiaaser­paa: “Aas­si niaqus­sin­nut pili, uanga pin­ngitsuuvunga.” (ApS 18:6) Taamaalior­tar­neq ajoqersuk­kat nalun­ngereerunar­paat; juutit inatsisinik malin­neq­qis­saar­niar­tut Guutimik nalusut nunaat aq­qusaaraangamik­ku pujoralak mingut­tuusorisar­tik aloqutimin­nit peer­tar­paat juutit nunaan­nut iser­tin­natik. Jiisusil­li ajoqersuk­kani taama peq­qugamigit taman­na pin­ngik­kaa erseq­qip­poq.