Ulloq eqqartuussiffissaq suua?

UL­LOQ eq­qar­tuus­sif­fis­saq qanoq takorloor­piuk? Inup­pas­suit takorloor­tar­paat tar­nit mil­liardil­lit ataasiak­kaarlutik Guutip is­siavis­saarsuanut sas­sar­titaasut tas­sanilu tamarmik im­mik­kut eq­qar­tuun­neqar­tut. Takorloor­tar­paal­lu ilaat qilam­mi pil­luar­nermik akis­sarsis­sasut al­lal­lu naas­saan­ngitsumik naal­liutsitaanis­samut eq­qar­tuun­neqas­sasut. Biibilimili pif­fis­saq kil­lilik taman­na al­laanerul­luin­nar­tumik al­laatigineqar­poq. Guutip oqaasiani pif­fis­satut siooranar­tutut al­laatigineqar­nani, isumal­luarfiusutut kingumul­lu aaq­qiif­fiusutut al­laatigineqar­poq.

Apustilip Johan­nesip ul­loq eq­qar­tuus­sif­fis­saq ima al­laatigaa: ‘Takuak­ka is­siavis­saarsuaq qaqor­toq tas­sanilu is­siasoq. Kiinaanit nuna qilal­lu qimaasariaqar­put inis­saarutitaal­lutil­lu. Takuak­kalu toqusimasut, angisuut mikisul­lu, is­siavis­saarsuup sioraani qeqar­tut, map­persak­kal­lu map­per­neqar­put. Map­persagarlu al­la map­per­neqar­poq, tas­saal­luni inuunerup map­persagaa, toqusimasul­lu eq­qar­tuun­neqar­put suliatik naaper­torlugit, map­persak­kani al­las­simasut malil­lugit.’ (Saq­qum­mersitat 20:11, 12) Eq­qar­tuus­sisoq uani pineqar­toq kinaava?

Tas­saavoq Jehova Guuti, inuiaat Eq­qar­tuus­sisuat qutsin­ner­paaq. Eq­qar­tuus­sinerul­li sulias­sar­taa al­lamut sulias­siis­sutigis­savaa. Apustilit Suliaat 17:31 naaper­torlugu apustili Paulusi oqar­poq Guutip ‘aalajangersimagaa ul­loq silarsuarmik tamarmik naaper­tuil­luar­tumik eq­qar­tuus­sif­fis­sani angutik­kut tamatumun­nga qinereersimasamigut’. Eq­qar­tuus­sisus­satut toq­qagaa taan­na tas­saavoq Jiisusi Kristusi makititaasimasoq. (Johan­nesi 5:22) Ul­loq eq­qar­tuus­sif­fis­saq qaqugu aal­lar­tis­sava? Qanorlu sivisutigis­sava?

Saq­qum­mersitani erser­poq ul­loq eq­qar­tuus­sif­fis­saq aal­lar­tis­sasoq Saatanip nunarsuarmi aaq­qis­suus­sinera sorsun­nermi Harmagedonimi piuneerun­neqar­pat.a (Saq­qum­mersitat 16:14, 16; 19:19-20:3) Harmagedonip kingor­na Saatani in­ngilipiluil­lu ukiuni 1000-ni itinersuarmi par­naarus­saas­sap­put. Pif­fis­sami kil­lilim­mi tamatumani tanitat 144.000-usut qilam­mi eq­qar­tuus­sisuul­lutil­lu ‘Kristusi kun­ngioqatigis­savaat’. (Saq­qum­mersitat 14:1-3; 20:1-4; Romamiut 8:17) Ul­loq eq­qar­tuus­sif­fis­saq tas­saagin­nas­san­ngilaq pisus­saq qaangiutipal­lat­tus­saq nalunaaqut­tap-akun­nerinik 24-nik sivisus­susilik. Ukiunik 1000-nik sivisus­suseqas­saaq.

Ukiut 1000-t taak­kua ingerlaneran­ni Jiisusi Kristusi ‘inuusunik toqusimasunil­lu eq­qar­tuus­sis­saaq’. (2 Timotheusi 4:1) ‘Inuusut’ tas­saas­sap­put “inup­pas­suit” Harmagedonimi aniguisut. (Saq­qum­mersitat 7:9-17) Apustilip Johan­nesip aam­ma “toqusimasut ... is­siavis­saarsuup [eq­qar­tuus­sif­fiup] sioraani qeqar­tut” takuai. Jiisusip neriorsuineratut toqungasut makititaas­sap­put. (Johan­nesi 5:28, 29; Apustilit Suliaat 24:15) Inuil­li taak­ku tamarmik suna tun­ngavigalugu eq­qar­tuun­neqas­sap­pat?

Apustilip Johan­nesip takorruugaa naaper­torlugu ‘map­persak­kat map­per­neqar­put’, “toqusimasul­lu eq­qar­tuun­neqar­put suliatik naaper­torlugit, map­persak­kani al­las­simasut malil­lugit”. (Saq­qum­mersitat 20:12) Inuit sior­natigut iliuuserisimasaat map­persak­kani taak­kunani al­lat­tor­neqarsimap­pat? Naagga, inun­nik eq­qar­tuus­sinermi taak­kua toqun­ngin­nermin­ni iliuuserisimasaat tun­ngavius­san­ngil­lat. Taman­na qanoq nalun­ngilar­put? Biibilimi ima al­las­simavoq: ‘Toqusoq ajor­timut naalat­taajun­naar­poq. Ajor­tip akis­sarsiarititaa tas­sa toqu.’ (Romamiut 6:7, 23) Tas­sa inuunermut makititaasut ajor­tuliarisimasamin­nut akisus­saatin­neqaq­qis­san­ngil­lat. Taamaat­tumik map­persak­kat tas­saasimas­sap­put piumasaqaatit nutaat Guutimeersut. Harmagedonimi aniguisut toqusunil­lu makititaasut tamarmik naas­saan­ngitsumik inuulerumal­lutik Guutip peq­qus­sutai, aam­ma peq­qus­sutit nutaat taas­suma ukiut 1000-t taak­kua ingerlaneran­ni im­maqa saq­qum­mersik­kumaagai, naalat­tariaqar­paat. Tas­sa inuit ataasiak­kaat ul­lup eq­qar­tuus­sif­fiup ingerlanerani suliatik naaper­torlugit eq­qar­tuun­neqas­sap­put.

Ul­lormi eq­qar­tuus­sif­fis­sami inuit mil­liardil­lit Guutip piumasaata ilin­niar­nis­saanut maleruar­nis­saanul­lu aatsaat periarfis­saqalis­sap­put. Tas­sa ilin­niar­titsinersuaqarumaar­poq. Aap, naaper­tuil­luar­neq pil­lugu ilin­nias­sap­put. (Esaja 26:9) Tamarmiun­ngitsorli Guutip piumasaanik maleruaajumas­sap­put. Esajap al­lagai 26:10-mi ima al­las­simavoq: “Iluaatsup saam­maan­neqaraluaraangami iluas­suseq ilik­kar­tarin­ngilaa; iluar­tumik iliorfis­sarigaluamini iluaatsulior­tar­poq Naalak­kap angingaas­susia isiginagu.” Ul­lup eq­qar­tuus­sif­fis­sap ingerlanerani guutiitsut taak­ku piuneerus­saas­sap­put. – Esaja 65:20.

Ul­loq eq­qar­tuus­sif­fis­saq naap­pat inuit aniguisut oqaatsip isumaviatut ‘uum­mas­sap­put’ inut­tut naam­mal­luin­nar­tun­ngorsimas­sagamik. (Saq­qum­mersitat 20:5) Tas­sa ul­lup eq­qar­tuus­sif­fis­sap ingerlanerani inuit aal­laq­qaam­mut naam­mal­luin­nar­tuunermis­sut ilersin­neqaq­qis­sap­put. (1 Korinthimiut 15:24-28) Taava inaarutaasumik misilin­neqar­neq pis­saaq. Saatani par­naarus­saanerminit iperagaas­saaq inun­nil­lu naggataamik tam­mar­titsiniar­nis­saminut periarfis­sin­neqas­sal­luni. (Saq­qum­mersitat 20:3, 7-10) Taamanik­kus­samut Saatanimik akiuisut Biibilimi neriorsuutigineqar­tup uuma tamak­kiisumik eq­quun­nera misigis­savaat: “Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsumik.” (Tus­siaat 37:29) Aap, ul­loq eq­qar­tuus­sif­fis­saq inun­nut Guutimut aalajaatsunut tamanut pil­luar­nangaas­saaq!