Guutip iluarisaatut qanoq guutisiorsin­naavugut?

Ilin­niagas­sami 13-imi sam­mineqareersutut, Guutip upperisarsioqatigiit amerlanersaat akuerin­ngilai. Pin­ngor­titsisut­tali nuan­naarutigisaanik ‘guutisioriaaseqar­poq’. (Jaaku 1:27) Guutip iluarisaanik qanoq guutisioriaaseqas­sagatta? Biibilimi allas­simasut misis­sor­tigit.

1. Guutisiornerput sumik tunngaveqartariaqarpa?

Guutisior­ner­put Biibilimik tun­ngaveqar­tariaqar­poq. Jiisusi Guutimut ima oqar­poq: “Illit oqaatsit ilumoortuuvoq.” (Johan­nesi 17:17) Upperisarsioqatigiilli ilaasa Biibilimi allas­simasut soqutigin­ngilaat. Taak­kua ilumoor­toq Biibilimiit­toq inuit ilin­niar­titsis­sutigisaan­nik ileq­qutoq­qanillu taarsersimavaat. Jehovap ‘inas­sutiminik maleruaasan­ngitsut’ iluarin­ngilai. (Mak­korsi 7:9 atuarsiuk). Biibilimili allas­simasut tun­ngavigalugit guutisioraangatta siun­nersuutillu tas­saniit­tut maleruaraangatsigit Jehova nuan­naangaar­tar­poq.

2. Jehova qanoq guutisiorfigissavarput?

Jehova Pin­ngor­titsisuum­mat asasariaqarlugulu taanna kisiat guutisiorfigisariaqar­par­put. (Saq­qum­mersitat 4:11) Aamma guutisior­nitsinni guutiliat assilis­sallu ator­tas­san­ngilagut. – Esaja 42:8 atuarsiuk.

‘Illernartumik Guutimillu akuerisaasumik’ guutisioriaaseqar­tariaqar­pugut. (Romamiut 12:1) Taamaalius­sagutta Jehovap inatsisai naaper­torlugit inuusariaqar­pugut. Assersuutigalugu Jehovamik asan­nit­tup aap­pariin­nermut najoq­qutas­siat Biibilimiit­tut maleruar­tar­pai. Aamma ileq­qut ajoqutaasut, soorlu pujor­tar­tar­neq aamma ikiaroor­nar­tunik aalakoor­nar­tunillu ator­nerluisar­neq, ingalas­simas­savai.a

3. Sooq uppeqatigut guutisioqatigisassavagut?

Jehova ‘katersorsimasuni qutsavigerusupparput’, taamaalior­nis­samullu sapaatit-akun­neri tamaasa ataatsimiin­nitsinni periarfis­saqar­tar­pugut. (Tus­siaat 111:1, 2) Ilaatigut taamaalior­tar­pugut erinarsoqatigiin­nik­kut. (Tus­siaat 104:33) Jehovap asagamitigut ataatsimiigiaq­qusar­paatigut. Nalun­ngilaami ataatsimiin­nitsinni qiim­mas­saqatigiit­tar­nigut naas­saan­ngitsumik pil­luar­nis­satsin­nut iluaqutigis­sagigut.

ITISILIINEQ

4. Assilissat qiperukkallu guutisiornermi atortussaanngilagut

VIDEO: Guutilianik atuineq Guutip akueraa? (3:26)

• Itsaq Guutip innut­taasa ilaat guutiliaq atorlugu guutisiormata qanoq pisoqarpa?

Inuit ilaasa Guuti qanin­nerorusul­lugu guutisior­nerminni assilis­sat qiperuk­kallu ator­tar­paat. Taamaalior­tar­neralli Guutip iluaraa? Mosesimik 2. 20:4-6 aamma Tussiaat 106:35, 36 atuarsigit apeq­qutillu uku eqqar­torlugit:

• Guutiliat assilis­sallu guutisior­nermi ator­neqar­tar­tut sorliit illit takunikuuigit?

• Guutisior­nermi assilis­sanik atuineq Jehovap qanoq isumaqarfigaa?

• Guutisior­nermi assilis­sanik atuineq illit qanoq isumaqarfigaajuk?

5. Jehova kisiat guutisiorfigigutsigu salluliuutinit uukapaatitaasarun­naassaagut

VIDEO: Ilumoortumit inussiaajunnaarsinneqarpunga (5:16)

Tussiaat 91:14 atuarsiuk apeq­qullu una eqqar­torlugu:

• Jehova asal­lugulu taanna kisiat guutisiorfigigatsigu qanoq neriorsor­neqar­pugut?

6. Ilagiittut ataatsimiinnerni guutisioqatigiit­tarpugut

Ataatsimiin­nitsinni erinarsoqatigiin­nik­kut eqqar­tueqatigiit­tar­nik­kullu Jehova unnersiutigisar­par­put kajumis­saaqatigiit­tarlutalu. Tussiaat 22:23 atuarsiuk apeq­qutillu uku eqqar­torlugit:

• Ataatsimiin­nerni akis­sutit ilaat qiim­maal­las­sutiginikuuigit?

• Akis­suteqar­nis­san­nut piareersarusus­sin­naavit?

7. Biibilimi ilikkakkagut allanut oqaluttuarigaangatsigit Jehova nuannaartarpoq

Biibilimi allas­simasut assigiin­ngitsutigut allanut oqalut­tuarisarsin­naavagut. Tussiaat 9:2 aamma 34:2 atuarsigit apeq­qullu una eqqar­torlugu:

• Biibilimi ilik­kak­kavit ilaat sorleq allanut oqalut­tuarerusup­piuk?

EQIKKAANEQ

Pin­ngor­titsisor­put kisiat guutisiorfigigutsigu, ilagiit­tut ataatsimiin­nerni unnersiutigisarutsigu ilik­kak­kagullu allanut oqalut­tuarisarutsigit nuan­naar­tis­savar­put.

Uteqqiineq

• Guutisior­ner­put sumik tun­ngaveqar­tariaqarpa?

• Sooq Jehova kisiat guutisiorfigisas­savar­put?

• Sooq Guutimik nuan­naar­titserusut­tut guutisioqatigisas­savagut?

NAMMINEQ MISISSUGASSATIT

Allaaserisami “Guutilianut inus­siaataajun­naar­punga”-mi arnap guutisior­nermini guutiliat qanoq atorun­naarsimagai paasiniaruk.

“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)

Ataatsimiin­nerni akis­suteqar­nis­samut piareersar­nis­san­nut siun­nersuutit misis­suk­kit.

“Ilagiinni Jehova unnersiutigiuk” (Napasuliaq Alapernaarsuiffik, januaari 2019)

Angutip inuusut­tup ilungersunarigaluarlugu ataatsimiigiar­tar­nini qanoq iluaqutigisar­neraa videumi takuuk.

Jehovap isumassorpaanga (3:07)

Inup­pas­suit san­ningasulik kristumius­susermut atas­suser­tar­paat. Guutisior­nitsin­nili ator­tas­savar­put?

“Sooq Jehovap Nalunaajaasuisa sanningasulik pallorfiginninnerminni atorneq ajorpaat?” (Nit­tar­tak­katsinni allaaserisaq)