Jiisusi kinaava?

Jiisusi oqalut­tuarisaanermi tusaamasaaner­paat ilagaat. Atiali inup­pas­suit nalun­ngik­kaluarlugu taanna pil­lugu ilisimasaqar­pal­laan­ngil­lat. Jiisusillu kinar­piaaneranik isum­mat assigiin­ngitsorujus­suup­put. Biibilimili qanoq allaatigineqarpa?

1. Jiisusi kinaava?

Jiisusi qilammi inngiliuvoq pis­saanilik. Jehovap Guutip taanna siul­ler­paatil­lugu pin­ngor­tip­paa. Taamaat­tumik Jiisusi ‘pinngortitat tamarmik siullersaattut’ taaneqar­poq. (Kolos­simiut 1:15) Aamma Jehovap toq­qaan­nar­tumik kisimiil­luni pin­ngor­titarim­magu Guutip ‘Ernituanik’ Biibilimi taaneqar­poq. (Johan­nesi 3:16) Jehovap sunik tamanik allanik pin­ngor­titsinerani Jiisusi ikiuus­simavoq. (Kolos­simiut 1:16 atuarsiuk). Sulilu Ataatani Jehova qanimut attaveqarfigaa. Guutip oqariar­tuutai ilitsersuutaalu Jiisusip ingerlateq­qit­taramigit “Oqaaseq”-mik aamma taaneqar­tar­poq. – Johan­nesi 1:14.

2. Sooq Jiisusi nunarsuarmut piva?

Ukiut 2.000-t sin­nerlugit matuma siorna Jehovap anersaani iller­nar­toq atorlugu tupin­nar­tuliorluni Jiisusip inuunera qilam­miit arnap inuusut­tup Mariamik atil­lip illiaanut nuup­paa. Taamaalil­luni Jiisusi nunarsuarmi inun­ngorsin­naan­ngor­poq. (Luk­karsi 1:34, 35 atuarsigit). Jehovap Jiisusi nunarsuarmut aal­lar­tip­paa tas­saaleq­qul­lugu Mis­siarsi, tassa Kristusi, neriorsuutigisaq inun­nillu toqumit aniguisitsisus­saq.a Mis­siarsi pil­lugu siulit­tuutit Biibilimi allas­simasut tamarmik Jiisusimut eqquum­mata paasinarsivoq Jiisusi tas­saasoq ‘Kristusi, Guutip uumassuseqartup ernera’. – Matiusi 16:16.

3. Jiisusi massakkut sumiippa?

Jiisusi toqum­mat Guutip toqusunit makitip­paa inngilitullu qilaliar­til­lugu. Qilam­milu ‘Guutip qaffasinnerusumik inissisimaffeqalersippaa’. (Filip­pimiut 2:9) Maanna Jiisusi inngiliuvoq pis­saaneqangaar­toq, Jehovalu kisimi Jiisusimit pis­saaneqar­neruvoq.

4. Jiisusi Guutiunngilaq

Biibilimi allas­simavoq Jiisusi inngiliugaluarluni pis­saanilik Ataataminut, Jehovamut Guutimut, naalat­tus­saasoq. Sooq taamaappa? Biibili naaper­torlugu Jiisusip Guutillu naligiin­ngin­nerat paasiumal­lugu VIDEO takusiuk.

VIDEO: Jiisusi Guutiua? (3:22)

Jehovap Jiisusillu assigiin­ngitsuunerat allas­simaf­finni tul­liut­tuni ersersin­neqar­poq. Allas­simaf­fiit atuarsigit apeq­qutillu tul­liut­tut eqqar­torlugit.

Lukkarsi 1:30-32 atuarsigit.

• ‘Qutsin­ner­paaq’, tassa Jehova Guuti, aamma Jiisusi pil­lugit inngili qanoq oqarpa?

Matiusi 3:16, 17 atuarsigit.

• Jiisusi imermut morsutsin­neqarmat qilam­miit qanoq oqar­toqarpa?

• Kina taama oqarsoraajuk?

Johannesi 14:28 atuarsiuk.

• Kina angajul­liul­lunilu oqar­tus­saas­suseqar­nerua, ataataq ernerluun­niit?

• Jiisusip Jehova Ataataginerar­paa. Tamatuman­nga suna paasivar­put?

Johannesi 12:49 atuarsiuk.

• Jiisusi isumaqarpa Ataatani naligalugu? Illimmi qanoq isumaqar­pit?

5. Jiisusip Missiarsiuneranut uppernarsaatit

VIDEO: Siulittuutit Jiisusimut eqquupput (3:03)

Biibilimi siulit­tuutit uku atuarsigit apeq­qutillu eqqar­torlugit:

Mis­siarsip sumi inun­ngor­tus­saanera paasiumal­lugu Mika 5:1 atuarsiuk.b

• Siulit­tuut Jiisusimut eqquuppa? – Matiusi 2:1.

Mis­siarsip toqunis­saa ilaatigut Biibilimi qanoq siulit­tuutigineqarsimasoq paasiumal­lugu Tussiaat 34:21 aamma Zakaria 12:10 atuarsigit.

• Siulit­tuutit taakku eqquup­pat? – Johan­nesi 19:33-37.

• Isumaqar­pit Jiisusip siulit­tuutit taakku imminut eqquutitis­simasin­naagai?

• Allas­simasut taakku Jiisusip Mis­siarsiuneranut upper­narsaataasoraagit?

EQIKKAANEQ

Jiisusi inngiliuvoq pis­saanilik. Guutip Erneraa Mis­siarsiul­lunilu.

Uteqqiineq

• Sooq Jiisusi ‘pin­ngor­titat tamarmik siul­lersaan­nik’ taaneqarpa?

• Jiisusi nunarsuarmukan­ngik­kal­larami sulerisimava?

• Qanoq nalun­ngilar­put Jiisusi tas­saasoq Mis­siarsi?

NAMMINEQ MISISSUGASSATIT

Jiisusip Mis­siarsiuneranut upper­narsaatit amerlanerusut misis­suk­kit.

“Missiarsimik siulittuutinit uppernarsarneqarpa Jiisusi Missiarsiusoq?” (Nit­tar­tak­katsinni allaaserisaq)

Biibilimi allas­simava inuit meeq­qior­tar­nerat­tut Guuti Jiisusimut ataatan­ngor­toq?

“Sooq Jiisusi Guutip erneratut taaneqarpa?” (Nit­tar­tak­katsinni allaaserisaq)

Ataasiul­lunilu pingasuus­sutsip Biibilimi ilin­niar­titsis­sutigineqan­ngin­nera pil­lugu paasiniaagit.

“Jiisusi Guutiua?” (Napasuliaq Alapernaarsuiffik-mi allaaserisaq)