Sutigut tamatigut unneqqaris­suugit

Inuit tamarmik unneq­qaris­sunik ikin­nguteqarusut­tar­put. Aamma Jehovap ikin­ngutimi unneq­qaris­suunis­saat kis­saatigaa. Taman­nali nalingin­naan­ngim­mat unneq­qaris­suunis­saq saper­narsin­naasar­poq. Sutigut tamatigut unneq­qaris­suuneq qanoq iluaqutis­sar­taqarpa?

1. Pingaarnertut suna pissutigalugu unneqqarissuussaagut?

Unneq­qarik­kaangatta ersersit­tar­par­put Jehova asal­lugulu ataq­qigip­put. Jehovap eqqarsaatigut iliuutsigullu tamaasa nalun­ngin­namigit unneq­qarin­ner­put maluginiar­tarlugulu nuan­naarutigisar­paa. (Hebræerit 4:13) Biibilimilu allas­simavoq Jehovamik ikin­nguteqar­toq “assuarnaalluni inuusoq, innarluitsumik iliortoq ilumoortumillu uummammit pisumik oqalulluni”. – Tus­siaat 15:1, 2.

2. Ulluinnarni sutigut unneqqarissuusinnaavugut?

Jehovap kis­saatigaa ‘immitsinnut ilumoortumik oqaluffigisassasugut’. (Zakaria 8:16, 17) Tassa ilaqut­tagut, suleqatigut, uppeqatigut oqar­tus­saas­susil­lillu oqaloqatigigaangatsigit sal­luneq ajorlutalu piaaraluta paatsoorsin­naasaan­nik oqalun­naveersaar­tar­pugut. Til­lin­neq ajorlutalu unneq­qaserlun­neq ajor­pugut. (Ussatit 24:28 aamma Efesos­simiut 4:28 atuarsigit). Aamma akileraar­tar­pugut. (Romamiut 13:5-7) Taamaalior­tar­nitsigut ‘sutigut tamatigut unneq­qaris­soorusun­ner­put’ ersersit­tar­par­put. – Hebræerit 13:18.

3. Unneqqarissuuneq sunik iluaqutissartaqarpa?

Unneq­qaris­sutut ilisimaneqarutta tatigineqas­saagut. Aamma ilagiinni eqqis­seqatigiil­lutalu ilaqutariiusutut asaqatigiis­saagut. Aamma unneq­qaris­suugatta ilerasuuteqan­ngilagut. Taamatullu pis­suseqar­ner­put ‘Aniguisitsisitta, Guutip, ilinniartitsissutaanut ataqqinaataammat’ inuit allat ilumoor­toq pil­lugu paasisaqarusulis­sutigisin­naavaat. – Tit­tusi 2:10.

ITISILIINEQ

4. Jehovap unneqqarinneq nuannaraa

Tussiaat 44:22 aamma Malaki 3:16 atuarsigit apeq­qutillu uku eqqar­torlugit:

• Isumaqar­pit sal­luneq iser­tor­neqarsin­naasoq? Sooq taama isumaqar­pit?

• Saper­naraluar­toq ilumoor­tumik oqalun­niarluta aalajangeraangatta Jehova qanoq misigisarsoraajuk?

5. Tamatigut unneqqarissuugit

VIDEO: Suut pillualissutaasarpat? – Ilerasuuteqannginneq (2:32)

Hebræerit 13:18 atuarsiuk ukunanilu qanoq unneq­qaris­suusin­naasugut eqqar­torlugu:

• Ilaqutariit iluanni

• Sulif­fimmi atuarfim­milu

• Pis­sutsini allani

6. Unneqqarissuuneq iluaqutigisarparput

Unneq­qarin­ner­put pis­sutigalugu ajor­nar­torsiorsin­naavugut. Siunis­sarli eqqarsaatigalugu unneq­qaris­suuneq iluaqutaaner­paajuaan­nar­poq. Tussiaat 34:13-17 atuarsigit apeq­qullu una eqqar­torlugu:

• Unneq­qarin­nerit qanoq iluaqutigisar­piuk?

1. Uiusut nuliaasullu unneq­qaris­sut aap­pariil­luar­neruler­tar­put

2. Sulisut unneq­qaris­sut sulisitsisumin­nit tatigineqar­tar­put

3. Innut­taasut unneq­qaris­sut oqar­tus­saas­susilin­nit nuan­narineqar­tar­put

EQIKKAANEQ

Jehovap kis­saatigaa ikin­ngutini oqaatsimik­kut iliuutsimik­kullu tamatigut unneq­qaris­suus­sasut.

Uteqqiineq

• Ilaatigut qanoq unneq­qaris­suusin­naavugut?

• Sooq sal­lumik iser­tuisin­naasorineq silatusaar­nerun­ngila?

• Sooq sutigut tamatigut unneq­qaris­soorusup­pit?

NAMMINEQ MISISSUGASSATIT

Angajoq­qaat meeq­qatik unneq­qaris­sooq­qul­lugit qanoq ilin­niar­tis­sin­naavaat?

Ilumoortumik oqaluttarit (1:44)

Neriorsuutigisatsitut ilior­tar­ner­put qanoq iluaqutigisar­par­put?

Neriorsuutigisattut iliortaruit pilluaqquneqassaatit (9:09)

Akileraarutigisagut ator­nerlun­neqaraluaraangataluun­niit sooq akileraar­tas­sasugut paasiniaruk.

“Ilumut akileraartariaqarpugut?” (Napasuliaq Alapernaarsuiffik-mi allaaserisaq)

Peq­quserlut­tup inuunerminik allan­nguil­luni unneq­qaris­sun­ngor­nis­saminut suna kajumis­sis­sutigaa?

“Paasivara Jehova nallittuisuullunilu isumakkeerfiginnittuusoq” (Napasuliaq Alapernaarsuiffik, juulip aal­laq­qaataat 2015)