Guutip naalagaaffia – suua?
Inuppassuit Guutip naalagaaffiata tikiunnissaa qinnutigisarpaat. Eqqarsaatigisimaviulli Guutip naalagaaffia suunersoq sunillu naammassisaqassanersoq?
BIIBILIMI ALLASSIMASUT EQQARSAATIGIKKIT
Guutip naalagaaffia suua?
Tassaavoq Jiisusi Kristusi kunngigalugu naalakkersuisut qilammiittut. – Esaja 9:5, 6; Matthæusi 5:3; Lukasi 1:31-33.
Guutip naalagaaffiata suut naammassissavai?
Pissutsit ajortut tamaasa atorunnaarsillugit nunarsuarmi naassaanngitsumik eqqissineqartitsissaaq. – Danieli 2:44; Matthæusi 6:10.
Guutip naalagaaffianik ‘ujaaseqqaarneq’ qanoq isumaqarpa?
Isumaqarpoq Guutip naalagaaffianik tapersersuineq naalagaaffiullu tamatuma nunami pissutsinik Guutip piumasaanut naapertuuttumik aaqqiisinnaasutuaaneranik tatiginninneq. – Matthæusi 6:33; 13:44.