Saqqummiinermut siunnersuutit

Februaarimi arfininngornermi siullermi Biibilimik atuaqqissaaqateqarneq qanoq aallartinneqarsinnaasoq

“Qanoq isumaqarnersutit paaserusupparput. Guuti qanoq ateqarsoraajuk? [Akissutaa tusarnaaruk]. Una maluginiariaruk.” Napasuliaq Alapernaarsuiffik januaari-februaarimeersoq allaaserisaq tunuaniittoq takutiguk qulequtaaqqallu siulliup ataaniittoq sammisiuk minnerpaamillu allassimaffik ataaseq atuarlugu. Atuagassiaq neqeroorutigiuk, apeqqutillu tulliuttup oqaloqatigiissutiginissaanut pulaaqqinnissannik isumaqatigiissuteqarfigiuk.

Napasuliaq Alapernaarsuiffik Januaari-februaari

“Inuppassuit silarsuup naggatissaa eqqartorajuttarpaat. Silarsuup naggatissaa siooragissavarput? [Akissutaa tusarnaaruk]. Biibilimi allassimaffik una naapertorlugu aniguisoqarumaarpoq. [1 Johannesi 2:17 atuaruk]. Silarsuup naggatissaa pillugu apeqqutigineqarajuttut ilaasa sisamat akissutaat Biibilimeersut atuagassiami uani atuarsinnaavatit.”

Vågn op! Februaari

“Ullumikkut inuit ajunnginnerusumik inoorusullutik nunamut allamut nunasisarnerat nalinginnaasuuvoq. Illit iluatsitsilluartarsoraagit? [Akissutaa tusarnaaruk]. Nunasisarneq takornartaanngilaq. Biibilimi atuakkami siullermi assersuut maluginiariaruk. [1 Mosesi 46:5, 6 atuakkit]. Atuagassiami apeqqutit makku sammineqarput.” Apeqqutit qupperneq 6-ip naggataatungaaniittut pulaakkamut takutikkit.