Guutip oqaasianiittut ilinniarfigikkit atortaruk
1. Oqaluussinermi iluaqutissarput nutaaq suna pigilerparput?
1 Ataatsimeersuarnermi 2014-imi quppersakkamik nutaamik Guutip oqaasianiittut ilinniarfigikkit-mik taaguuteqartumik peqalerpugut. Quppersakkap imai New World Translation-mit nutartikkamit issuagaapput. Quppersagaq taanna oqaluussinissamut aallarniinissatsinnut piareersarnitsinni qanoq iluaqutigisinnaavarput? Quppersagaq ‘Ræsonnerebogen’-tut suliaammat immikkoortut assigiinngitsut Biibilimut tunngasut, allassimaffiit ilanngullugit, oqaluussinermi aallarniinissamut iluaqutigilluarsinnaavarput.
2. Guutip oqaasianiittut ilinniarfigikkit qanoq oqaluussinermi atorsinnaavarput?
2 Quppersakkami pineqartumi apeqqut 8 atorlugu ima oqarsinnaavutit: “Inuppassuit eqqarsaatigisarpaat ‘Guuti inuit naalliunnerannut pisuunersoq’, tamanna pillugu inoqativut sivikitsumik oqaloqatigaavut. [Angalaarfigisartakkat ilaanni, apeqqut pulaakkamut takutillugu ajunnginnerusarpoq]. Illit qanoq isumaqarpit? [Akissutaanut tusarnaarit]. Apeqqummut tamatumunnga naammaginartumik Biibilimi akissuteqarpoq”. Versi ataaseq arlallilluunniit issuarneqarsimasut Biibili atorlugu eqqartorsiuk. Pulaagaq soqutiginnippat qupperneq 1-imiittut apeqqutit takutissinnaavatit tullianillu eqqartugassassinnik toqqaatillugu. Imaluunniit atuaqqissaaqatigiissutissamik eqqartukkassinnik itinerusumik paasissutissiisumik tunisinnaavat.
3. Guutip oqaasianiittut ilinniarfigikkit angalaarfigisartakkami Guutimik upperisaqanngitsunut kristumiussutsimilluunniit allaanerusumik upperisalinnut qanoq atorsinnaavarput?
3 Apeqqutit 4 aamma 13-imiit 17 ilanngullugu angalaarfigisartakkami pingaartumik Guutimik upperisaqanngitsunut imaluunniit kristumiussutsimit allaanerusumik upperisalinnut iluaqutaasinnaapput. Assersuutigalugu apeqqut 17 atorniarukku ima oqarsinnaavutit: “Ilaqutariinnut iluaqutaasinnaasoq pillugu inoqativut sivikitsunnguamik oqaloqatigiumallugit pulaartarpavut. Isumaqarpit ilaqutariit ullumikkut unamminiarnartorpassuit nalaattaraat? [Akissutaanut tusarnaarit]. Siunnersuutitsialaat uku aappariippassuit iluaqutigisimavaat: ‘Uiusut nuliatik asassavaat namminneq timimittut’ aamma ‘nuliaasup uini mianerisussaavaa’. Siunnersuutitsialaat taakku aappariittut iluaqutaasinnaassasoraagit?”
4. Guutimik upperisaqanngitsunut imaluunniit kristumiussutsimit allaannerusumik upperisalinnut oqaloqatiginninnerit qanoq naggasersinnaaviuk?
4 Oqaloqatigiinnersi naggasernialerukku oqaloqatigiinnissi nangeqqinnissaanik piffissamik allamik isumaqatigiissuteqarfigiuk. Immaqa allassimaffik apeqqutip atukkavit arlaat oqaloqatigiissutiginiarsinnaavat. Tulluarpat pulaakkat ilisimatiguk siunnersuutitsialaat eqqartukkasi Biibiliminngaanneersuunerarlugit. Suna siuliini oqaloqatigiissutigisimanerissi oqaloqatigisavillu Biibili qanoq isumaqarfigineraa apeqqutaalluni atuagassiaq oqaloqatigisannut tulluarsorisat neqeroorutigiuk. — Takuuk Guutip naalagaaffianut kiffartorneq decembari 2013 qupp. 3-5.