Pilluarpoq Jehova pillugu “assuarnaalluni inuusoq”

1-2. (a) Nunat ilaanni Jehovap innut­tai qanoq akerlilersor­neqar­pat, qanorli qisuariar­pat? (b) Malersor­neqaraluarutta sooq pil­luarsin­naavugut? (Aamma saq­qaani assit oqaaseqarfigik­kit).

MAAN­NAK­KUT suliar­put nunani 30-nit amerlanerusuni kil­lilersugaal­luniluun­niit iner­teq­qutaavoq. Nunat taak­kua ilaanni qatan­ngutigut oqar­tus­saasunit par­naarun­neqarsimap­put. Unioq­qutitsigamik? Naamik, Jehovap eqqun­ngitsuliorsorin­ngilai. Taamaal­laat Biibilimik atuarlutillu misis­suisimap­put, oqaluus­sisimap­put uppeqatitillu ataatsimeeqatigalugit. Aamma politik­kimut tun­ngatil­lugu arlaan­naan­nul­luun­niit illersuin­ngil­lat. Akerlilersor­neqangaaraluarlutik Jehovamut aalajaat­tuar­nermik­kut assuar­naal­lutik inuup­put.b Taman­nalu nuan­naarutigeqaat!

² Nalunaajaasut sapiitsut taak­kua ilaasa assingi takul­lugit qungujulanerat maluginias­sagunar­pat. Aalajaan­ner­tik pil­lugu Jehovap iluarigaatik nalun­ngin­namikku pil­luar­put. (Tuss 15:1, 2) Jiisusi oqar­poq: “Pil­luar­put eqqor­tulior­ner­tik pis­sutigalugu malersugaasimasut … Nuan­naaritsi qiim­mat­tarlusilu, qilam­mimi akis­sarsias­sarsi angingaar­poq.” – Mat 5:10-12.

MALIGASSAALLUARTUT

3. Apustilit malersor­neqaramik qanoq ilior­pat, aamma sooq? (Apustilit Suliaat 4:19, 20)

³ Qatan­ngutitta misigisaat kristumiut siul­liit nalaanni apustilit Jiisusimik oqaluus­sis­sutigin­nin­ner­tik pis­sutigalugu malersugaanerminni pis­sutsit atugaan­nut assingup­put. Juutit eqqar­tuus­siviisa qul­lersaanni eqqar­tuus­sisut arlaleriarlutik peq­qusip­put “Jiisusip atia tun­ngavigalugu oqaluus­sisarun­naas­sasut”. (ApS 4:18; 5:27, 28, 40) Apustilit qanoq ilior­pat? (Apustilit Suliaat 4:19, 20 atuakkit). Nalun­ngilaat Kristusi pil­lugu inun­nut ‘oqaluus­sinis­samik ilisiman­nit­tutullu nas­suiaaq­qis­saar­nis­samik’ oqar­tus­saas­suseqar­nerusumit peq­quneqarsimal­lutik. (ApS 10:42) Taamaat­tumik Petrusi Johan­nesilu sapiil­lutik oqar­put eqqar­tuus­sisut taakku pin­nagit Guuti naalak­kumal­lugu Jiisusilu eqqar­torun­naarsin­naanagu. Soorlulusooq eqqar­tuus­sisunut ima aperisut: ‘Pingaakujun­nermik isumaqar­pisi Guutimit oqar­tus­saas­suseqar­nerul­lusi?’

4. Apustilit Suliaat 5:27-29 naaper­torlugit apustilit qanoq ilior­pat, aamma qanoq ilaarsin­naavagut?

⁴ Apustilit maligas­saal­luar­nerat kristumiut ilumoor­tut tamarmik taamanimiilli ilaarsimavaat. “Inuit pin­nagit Guuti naalak­kersuisutut naalat­tus­saavar­put.” (Apustilit Suliaat 5:27-29 atuakkit). Apustilit Guutimut aalajaan­ner­tik pis­sutigalugu iperar­tor­neqareerlutik juutit eqqar­tuus­siviisa qul­lersaat qimal­lugu Jiisusip “atia pis­sutigalugu naal­liutsitaaner­tik ataq­qinaatitut isigigamikku … nuan­naangaar­put” oqaluus­siner­tillu ingerlatiin­narlugu. – ApS 5:40-42.

5. Apeq­qutit suut sam­mis­savagut?

⁵ Apustilinik oqalut­tuaq eqqarsaatigalugu pingaarutilin­nik apeq­qutis­saqaler­poq: Apustilit qanoq ilil­lutik inuit pin­nagit Guuti naalak­kersuisutut naalal­lugulu “oqar­tus­saasunut kajumil­lutik” naalas­sin­naap­pat? (Rom 13:1) Uagut qanoq ‘naalak­kersuisunut oqar­tus­saasunullu kajumil­luta naalas­sin­naavugut’ sulilu Guuti naalak­kersuisutut ilumoorfigiuarlugu? – Tit 3:1.

‘OQARTUSSAASUT’

6. (a) “Oqar­tus­saasunut” Romamiut 13:1-imi eqqaaneqar­tunut qanoq pisus­saaf­feqar­pugut? (b) Sooq inuit aqutsisuusut oqar­tus­saas­suseqarsin­naap­pat?

⁶ Romamiut 13:1 atuaruk. Kristumiut oqar­tus­saasunut naalat­tus­saap­put. Oqar­tus­saasut inatsisit eqqis­sisimanis­sarlu ator­tin­niar­tar­paat ilaan­nik­kullu allaat Jehovap innut­tai illersor­tarlugit. (Saqq 12:16) Piumasaqaataan­nik akileraarutinik akitsuutinillu tunis­sal­lugillu ataq­qis­savagut. (Rom 13:7) Inuilli aqutsisut oqar­tus­saas­suseqar­neran­nik Jehovap akuersinerin­naatigut oqar­tus­saas­suseqar­put. Kaasarip sin­niisuata Pontiusip Pilaatusip apersormani Jiisusip ilumoor­toq taanna erseq­qis­sar­paa. Pilaatusi oqarmat toqutaatin­ngin­nis­saanut toqutaatin­nis­saanul­luun­niit pigin­naatitaal­luni Jiisusip akivaa: “Pavan­nga pigin­naatitaasiman­ngik­kaluaruit iliuuseqarfigisin­naas­san­ngik­kaluar­parma.” (Joh 19:11) Nalitsinni naalak­kersuisut politik­kerillu oqar­tus­saas­suseqar­nerat kil­leqar­poq, soorlu aamma Pilaatusip oqar­tus­saas­suseqar­nera kil­leqar­toq.

7. Qaquguk­kut naalak­kersuisunut naalat­tas­san­ngilagut, taak­kualu suna eqqaamas­savaat?

⁷ Naalak­kersuisut inatsisaat Guutip inatsisaanut akerliun­ngitsut kristumiut maleruar­tar­paat. Inuilli Guutip iner­teq­qutigisaanik iliuuseqaq­qusigaangata Guutil­luun­niit iliuusereq­qusaanik iner­teq­quteqaraangata naalan­neq ajor­pagut. Assersuutigalugu imaas­sin­naavoq angutit inuusut­tut sak­kutuun­ngoq­qugaat.c Imaluun­niit immaqa Biibili – Nunarsuup nutaanngornissaanik nutsigaq, Biibililersaarutit ator­tak­kagut, oqaluus­siner­put guutisioqatigiin­ner­pullu iner­teq­qutigaat. Naalak­kersuisut oqar­tus­saas­sutsimin­nik ator­nerluisut, soorlu kristumiut malersor­nerisigut, Guutip akisus­saatis­savai. Jehovap nak­kutigai! – Oqal 5:7.

8. Oqar­tus­saasut Jehovalu qanoq assigiin­ngis­suteqar­pat, aamma sooq tamanna paasis­sal­lugu pingaaruteqarpa?

⁸ Naalak­kersuisut oqar­tus­saas­susiliup­put, Jehovalli oqar­tus­saas­suseq tamaat pigaa. Tassa oqar­tus­saasut pis­saaneqaraluar­tut Jehova pis­saaneqar­ner­paajuvoq. Biibilimi arlaleriarluni ‘Qutsin­nerus­saar­tumik’ taaneqar­poq. – Dan 7:18, 22, 25, 27.

“QUTSINNERUSSAARTOQ”

9. Pruf­fiitip Daanialip takorluuisitaal­luni suut takuai?

⁹ Pruf­fiitip Daanialip takorluuisin­neqarluni Jehovap oqar­tus­saas­suseqar­ner­paajuneranik ersersitsisut takuai. Uumasut angisoorsuit sisamat itsaq nalitsin­nilu nunarsuarmi naalagaaf­fis­suar­nut – tassa Babylon­nimut, Medo-Persiamut, Grækenlandimut, Romamut nalitsin­nilu Tuluit Nunaat USA-llu naalagaaf­fis­suan­nut – assersuutaasut siul­liul­lugit Daanialip takuai. (Dan 7:1-3, 17) Taava Jehova Guuti qilammi eqqar­tuus­sivimmi issiavis­saarsuarmi issiasoq takuaa. (Dan 7:9, 10) Pruf­fiitip aalajaatsup tamatuma kingorna takusai nalitsinni naalak­kersuisunut mianersoq­qus­sutaap­put.

10. Jehovap nunarsuarmut pis­saaneqas­suseq kik­kun­nut tun­niup­paa, iliuuseqar­neralu sumut upper­narsaataava? (Danieli 7:13, 14, 27)

¹⁰ Danieli 7:13, 14, 27 atuakkit. Guutip inuit naalak­kersuisut naalagaas­susermik arsaariarlugit piuk­kun­nar­nerusunut pis­saaneqar­nerusunullu tun­niup­paa. Kik­kun­nut? ‘Inuup erneratut isik­koqar­tumut’, tassa Jiisusimut Kristusimut, aamma “Qutsin­nerus­saar­tup innut­taanut iller­nar­tunut”, tassa 144.000-nut ‘naas­saan­ngil­luin­nar­tumik’ naalak­kersuiumaar­tunut. (Dan 7:18) Jehovap kisimi taama iliuuseqarsin­naanera ‘Qutsin­nerus­saar­tuuneranut’ upper­narsaataavoq.

11. Daanialip allataanit qanoq erserpa Jehova qutsin­nerus­saar­tuusoq?

¹¹ Daanialip takusai sior­natigut oqaasiinut naaper­tuup­put. Daaniali allap­poq ‘qilaap Guutia kun­nginik soraarsitsisar­toq iver­titsisarlunilu’. Aamma allap­poq “Qutsin­nerus­saar­tup kun­ngeqarfik nunarsuarmiit­toq naalagaaf­figigaa piumasaminullu tun­nius­sin­naagaa”. (Dan 2:19-21; 4:14) Ilumut Jehova kun­nginik soraarsitsisarlunilu iver­titsisarsimava? Aap.

12. Itsaq Jehovap kun­nginik ‘soraarsitsisar­neranik’ assersuuteqarit. (Assiliaq takuuk).

¹² Jehovap ersaris­sumik takutis­simavaa ‘oqar­tus­saasunit’ qutsin­nerus­saar­tuul­luni. Assersuutit pingasut sam­meriar­tigit. Egyptenimi Faaruup Jehovap innut­tai inus­sian­ngor­tip­pai aal­lar­nis­saallu akueriumanagu. Guutilli aniguisip­pai, Faaruulu Immami Aap­palaar­tumi ipivoq. (Mos 2. 14:26-28; Tuss 136:15) Babylon­nimi kun­ngip Belshas­sarip ‘Qilaap Naalagaanut anneruniarluni’ Jehova pin­nagu ‘guutiliaatini kuultiusut sølviusullu unnersiutigai’. (Dan 5:22, 23) Angulli makitasooq taanna Guutip nikanarsar­paa. ‘Unnuami taas­sumani’ Belshas­sari toqutaavoq kun­ngeqarfialu Mederinut Perserinullu tun­niun­neqarluni. (Dan 5:28, 30, 31) Palæstinami kun­ngiusup Herodasip Agrip­pap siul­liup apustili Jaaku toqutaatip­paa, aamma apustili Petrusi toqutaatik­kumal­lugu par­naarup­paa. Jehovalli Herodasip pilersaarutaanik akor­nuser­paa. “Jehovap inngiliata” pil­lar­paa toqul­lugulu. – ApS 12:1-5, 21-23.

13. Jehovap aqutsisunik iligiin­nik ajorsar­titsisimaneranik assersuuteqarit.

¹³ Jehovap aamma takutis­simavaa aqutsisunit iligiin­nit oqar­tus­saas­suseqar­ner­paajul­luni. Israalik­kut Jehova ikior­tigalugu Kaanaanik­kut kun­ngiisa 31-t iligiin­nerat suujun­naarsip­paat nunallu neriorsuutigisap ilaa tiguarlugu. (Jos 11:4-6, 20; 12:1, 7, 24) Aamma Jehovap ikiuineratigut Israalik­kut Aramæerit kun­ngiat Ben-Hadadi kun­ngillu 32-t sorsuk­kiar­toqatigisai ajugaaf­figil­luin­nar­paat. – Kng 1. 20:1, 26-29.

14-15. (a) Kun­ngit Nebukadnesari Dareiosilu Jehovap Qutsin­nerus­saar­tuunera pil­lugu qanoq oqar­pat? (b) Tus­siaasior­toq Jehova innut­taalu pil­lugit qanoq allappa?

¹⁴ Jehovap arlaleriarluni upper­narsarsimavaa Qutsin­nerus­saar­tuul­luni! Babylon­nip kun­ngiata Nebukadnesarip makitasuup Jehova unnersiutigineqar­tariaqar­toq unnersiutigin­ngilaa ima oqarataarami: “Tassa Babyloni uanga pis­saanik­kut artorsajuitsuk­kut kun­ngimut najugas­siara uanga ataq­qinaatis­san­nik.” Guutillu silaarutsip­paa. Peq­qis­sigami ‘Qutsin­nerus­saar­toq nersorlugulu’ miserratigin­ngilaa Jehovap ‘Naalagaas­susia naalagaas­susiusoq soraajuitsoq’. Aamma Jehova pil­lugu oqar­poq: “Kialuun­niit akor­nusersorsin­naan­ngilaa.” (Dan 4:27, 30-32) Daanialip assuar­naatsuunera misilin­neqarmat Jehovallu løvit inaan­nit aniguisereermagu kun­ngi Dareiosi ima peq­qusivoq: “Danielip Guutia [mianerineqas­saaq] uul­lutigineqarlunilu. Taanna Guutiuvoq uumasoq, naas­saan­ngitsumillu ittuin­nas­saaq. Kun­ngeqarfia soraarfeqas­san­ngilaq, naalagaas­susialu atajuas­saaq.” – Dan 6:8-11, 20-23, 27, 28.

¹⁵ Tus­siaasior­toq Jehova pil­lugu ima allap­poq: “Piujun­naarsit­tar­pai inuiaat siun­nersuutigisaat, aseror­tarlugillu inuiaqatigiit pilersaarutaat.” Ima nangip­poq: “Pil­luar­put inuiaat Naalak­kamik [Jehovamik, NW] Guuteqar­tut, inuiaat pigisas­samisut qinigai.” (Tuss 33:10, 12) Tamanna assuar­naal­luta Jehovamut aalajaat­tuar­nis­samut pis­sutaal­luar­poq!

NAGGATAARUTAASUMIK SORSUNNEQ

16. ‘Annikil­lior­nar­tus­sarsuaq’ pil­lugu suna qularin­ngis­sin­naavar­put, aamma sooq? (Assiliaq takuuk).

¹⁶ Itsaq Jehovap qanoq iliuuseqar­tarsimaneri pil­lugit atuar­pugut. Taavami siunis­sami ungasin­ngitsuk­kut qanoq pisoqas­sasoq naatsorsuutigisin­naavar­put? Jehovap kif­fani aalajaatsut ‘annikil­lior­nar­tus­sarsuarmi’ aniguisis­sagai qularin­ngil­luin­narsin­naavar­put. (Mat 24:21; Dan 12:1) Naalagaaf­fiit iligiit, Gogi Magogimeersutut taaneqar­tut, nunarsuaq tamak­kerlugu Jehovamik ilumoorfigin­nit­tut saas­sutiler­patigit Jehovap innut­tani aniguisis­savai. Naalagaaf­fiit Peqatigiin­nut ilaasor­taasut 193-t tamarmik naalagaaf­fin­nut iligiin­nut taak­kunun­nga ilaagaluarunik Qutsin­nerus­saar­toq sak­kutuuilu qilam­miusut akiorsin­naas­san­ngilaat! Jehova neriorsuivoq: “Takutis­savakka angingaas­susera naalan­nas­suseralu ilisaritil­lungalu inuiaqatigiip­pas­suit tak­kuanni. Taava paasis­savaat uanga tas­saasunga Naalagaq [Jehova, NW].” – Ez 38:14-16, 23; Tuss 46:11.

17. Nunarsuarmi kun­ngit Jehovamillu ilumoorfigin­nit­tut pil­lugit Biibilimi qanoq siulit­tuuteqarpa?

¹⁷ Gogip saas­sus­siler­nera Harmagedon­nimik kinguneqas­saaq, Jehovallu “nunarsuarmi tamarmi kun­ngit” suujun­naarsis­savai. (Saqq 16:14, 16; 19:19-21) “[Peq­qusersuitsul­li] nunami najugaqas­sap­put, assuar­naatsut kisimik tas­saniilis­sap­put.” – Uss 2:21.

ASSUARNAALLUTA AALAJAATTUARTARIAQARPUGUT

18. Kristumiut ilumoor­tut qanoq ilior­nis­samut kajumis­suseqar­pat, aamma sooq? (Danieli 3:28)

¹⁸ Ukiut ingerlanerini kristumiut ilumoor­tut Jehova Kisimi Oqar­tus­saasoq asagamikku kif­faan­ngis­suser­tik allaallu inuuner­tik akigeriaan­naasimavaat. Kristumiut taak­kua Jehovamik ilumoorfigin­nin­ner­tik aalajangiusimal­luin­nar­paat. Hebræerit pingasut Qutsin­nerus­saar­tumut aalajaan­ner­tik pil­lugu aatsitsivim­mit aamaan­naasumit aniguisin­neqar­tut assigaat. – Danieli 3:28 atuaruk.

19. Suna tun­ngavigalugu Jehovap innut­tani eqqar­tuutis­savai, maan­nak­kullu susariaqar­pugut?

¹⁹ Assuar­naal­luni Jehovamut aalajaan­nerup pingaaruteqas­susia pil­lugu Daavi ima allap­poq: ‘Naalak­kap inuiaqatigiit eqqar­tuus­savai; Naalagaq, eqqar­tuun­nga iluarsusera mis­siliorlugu assuar­naas­suseralu uan­niit­toq mis­siliorlugu.’ (Tuss 7:9, tastamantitoĸaĸ) Aamma allap­poq: ‘Assuar­naal­lungalu peq­qusersuil­lungalu ser­nigisaalanga.’ (Tuss 25:21, tastamantitoĸaĸ) Qanorluun­niit nalaataqaraluarutta assuar­naal­luni Jehovamut aalajaat­tuar­neq inooriaasiuvoq nuan­ner­ner­paaq! Taava tus­siaasior­tutut ima allat­tutut misigis­saagut: “Pil­luar­poq assuar­naal­luni inuusoq Naalak­kallu inatsisaanik maleruaasoq.” – Tuss 119:1.