Sallusuissummik ilinniartitsineq

1, 2. (a) Jiisusip inuunerani suliaq suna pingaar­ner­paava, aam­ma sooq? (b) ‘Guutip suleqataatut’ iluatsik­kumal­luta susariaqar­pugut?

JIISUSI KRISTUSI sanasuuvoq kingusin­nerusuk­kul­lu ilin­niar­titsisalerluni. (Mark 6:3; Joh 13:13) Suliani taak­ku marluk pik­korif­figil­luin­nar­pai. Qisun­nik ator­tunik sananis­samut sanasutut sak­kuni ilin­niar­pai. Ilin­niar­titsisutut inuit tamalaat Guutip oqaasianik sal­lusuis­sum­mik paasin­nin­nis­saan­nut ikiuinermini al­lak­kanik ilisimasaqarluar­nini atorluar­paa. (Matt 7:28; Luk 24:32, 45) Suliaq taman­na pingaar­ner­paajusoq nalun­ngin­namiuk Jiisusi 30-nik ukioqarluni sanasuujun­naarluni ilin­niar­titsisaler­poq. Oqar­poq nunarsuarmut Guutimit aal­lar­tin­neqar­nerminut Guutip naalagaaf­fianik nutaarsias­samik nuan­nersumik oqaluus­sis­sutigin­nin­neq pis­sutaasut ilagigaat. (Matt 20:28; Luk 3:23; 4:43) Jiisusip tamatumin­nga oqaluus­sis­sutigin­nin­neq inuunermini pingaar­ner­paatil­lugulu al­lat oqaluus­seqataasaler­nis­saat kis­saatigaa. – Matt 9:35-38.

² Amerlanersavut sanasuun­ngil­lat, tamat­tali nutaarsias­samik nuan­nersumik al­lanut ilin­niar­titsisuuvugut. Suliaq taman­na pingaaruteqaqim­mat Guuti suleqatigaar­put. Aap, ‘Guutip suleqataatut’ taaneqar­pugut. (1 Kor 3:9; 2 Kor 6:4) Tus­siaasior­tup oqaasii uku isumaqatigaavut: “Oqaatsivit isumaviat tas­sa sal­lusuis­sut.” (Tus­s 119:159, 160) Taamaam­mat “oqaatsimik sal­lusuis­sutaasumik eq­qor­tumik” (NW) atuinis­sar­put qulak­keerusup­par­put. (2 Timotheusi 2:15 atuaruk). Biibilimik – Jehova, Jiisusi Naalagaaf­fil­lu pil­lugit ilin­niar­titsinitsin­ni ator­tumik pingaar­ner­paamik – atuil­laq­qin­nerulerusup­pugut. Oqaluus­sinitsin­ni iluatsil­luar­nis­satsin­nut Jehovap peqatigiis­sor­taanit ator­tus­satsin­nik al­lanik tunineqar­nikuuvugut, taak­kulu qanoq atus­sanerlugit ilin­niar­tariaqar­par­put. Ator­tut taak­ku ilin­niar­titsinermi ator­tak­katsin­niip­put.

3. Oqaluus­sinitsin­ni suna sal­liut­tariaqar­par­put, aam­ma Apustilit Suliaat 13:48 tamatumun­nga qanoq iluaqutigisin­naavar­put?

³ Im­maqa eq­qarsaatigaat sooq ilin­niar­titsinermi ator­tak­katsin­nik, oqaluus­sinermi ator­tak­katsituun­ngitsoq, taagor­nerip­put. “Oqaluus­sineq” tusarlius­sinermik isumaqarmat. ‘Ilin­niar­titsinerli’ isumaqar­poq inuk tusarlius­samik paasin­nin­nis­saanut ikior­niarlugu nas­suiaaneq taas­sumalu ilin­niak­kani najoq­qutaralugit iliuuseqar­nis­saanut kil­liineq. Pis­sutsit aaq­qis­suus­saanerata naangajaler­nerata nalaani inuugat­ta maan­na Biibilimik atuaq­qis­saaqateqar­taler­nis­sar­put inun­nil­lu sal­lusuis­sum­mik ilin­niar­titsinis­sar­put sal­liut­tariaqar­par­put. Taman­na isumaqar­poq “eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” (NW) aal­lus­sil­luarluta ujarlugil­lu Jehovamik kif­far­tuler­nis­saan­nut ikior­tariaqarivut. – Apustilit Suliaat 13:44-48 atuakkit.

4.  “Eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” qanoq nas­saarisin­naavavut?

⁴ “Eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” qanoq nas­saarisin­naavavut? Kristumiut siul­liit nalaan­ni inuit taak­ku naninis­saan­nut oqaluus­sineq periarfis­satuaavoq. Jiisusip ajoqersuk­kani ima oqarfigai: “Il­loqarfim­mut il­loqarfeeq­qamul­luun­niit pigaangas­si, taava paasiniaasas­saasi kina ilis­sin­nik najugaqar­titsinis­samut naleq­qut­tuunersoq.” (Matt 10:11) Ul­lumik­kut­taaq taamaalior­tariaqar­pugut. Soorunami inuit makital­lutil­luun­niit Guutimik ilumoorlutik soqutigin­nin­ngip­pata nutaarsias­samik nuan­nersumik tusar­naar­nis­saat ilimagin­ngilar­put. Inuit ilumoorlutik soqutigin­nit­tut, maniguut­tut sal­lusuis­sum­mil­lu tusarusut­tut ujar­tar­pavut. Inun­nik ujarler­ner­put Jiisusip sanasuugal­larami iliuuserisar­tagaanut sanil­lius­sin­naavar­put. Pequsior­nis­samut, matulior­nis­samut ersuusior­nis­samut al­lamil­luun­niit sananis­samut qisuk naleq­qut­toq siul­ler­tut nas­saareq­qaar­tariar­paa. Taava san­nataasivini qaqit­tar­paa pigin­naaninilu atorlugit sanalerluni. Aam­ma uagut inuit ilumoorlutik soqutigin­nit­tut nas­saareq­qaas­savavut, taava ator­tuvut pigin­naanivul­lu ajoqersugan­ngor­titsinis­samut ikiuinermi atorsin­naalis­savavut. – Matt 28:19, 20.

5. Ilin­niar­titsinermi ator­tak­katsin­niit­tut pil­lugit suut ilisimasariaqar­pavut? Nas­suiaruk. (Al­laaserisap aal­laq­qaataani as­sit takuk­kit).

⁵ San­nataasivim­miit­tut tamarmik im­mik­kut iluaqutis­sar­taqar­put. Jiisusip sanasutut ator­tagai eq­qarsaatigik­kit.a Uut­tuinis­samut, titar­tuinis­samut, kil­luinis­samut, qil­lerinis­samut qisum­mil­lu ilusiliinis­samut aam­ma qisuit naligiis­sin­nis­saan­nut atatiler­nis­saan­nul­lu ator­tus­sat pisariaqar­tip­pai. Taamatut­taaq ilin­niar­titsinermi ator­tak­katsin­niit­tut ator­tut tamarmik im­mik­kut iluaqutis­sar­taqar­put. Maan­na ator­tut pingaarutil­lit qanoq atus­sanerlutigit sam­meriar­tigu.

ATORTUT UAGUTSINNIK ILISARITITSISUT

6, 7. (a) JW.ORG pil­lugu kor­ti qanoq ator­nikuuiuk? (b) Sooq ilagiin­ni ataatsimiin­ner­nut qaaq­qusis­sutit ator­tar­pavut?

⁶ JW.ORG pillugu kortit. Taak­ku mikisun­nguugaluarlutik sun­niuteqarluarsin­naap­put, kik­kuunitsin­nik inun­nut ilisarititsinis­samut nit­tar­tak­katsin­nul­lu in­nersuus­sutaal­lutik. Nit­tar­tak­katsin­ni uagut pil­luta paasisaqar­nerusin­naal­lutil­lu al­laat Biibilimik atuaq­qis­saaqatigineqar­nis­samik qin­nuteqarsin­naap­put. Inuit 400.000-t sin­nerlugit maan­namut Biibilimik atuaq­qis­saaqatigineqar­nis­samik jw.org-imi qin­nuteqarsimap­put, ul­lul­lu tamaasa inuit hundredelik­kuutaat qin­nuteqar­tarlutik! Visitkor­tinik nas­sarlutil­lu ul­lup ingerlanerani inuit oqaloqatigisatit tunisarsin­naavatit.

⁷ Qaaqqusissutit. Ilagiin­ni ataatsimiit­tar­nitsin­nut qaaq­qusis­sutini ima al­laq­qavoq: “Jehovap Nalunaajaasuinik Biibilimik misis­sueqateqar­nis­san­nut tikil­luaq­qusaavutit.” Taava aam­ma al­laq­qavoq taamaaliorsin­naasut “ataatsimiin­ner­ni” “angerlarsimaf­fim­miluun­niit”. Tas­sa qaaq­qusis­sum­mi kik­kuunersugut al­laq­qal­lunilu “anersaak­kut pisariaqar­titsinermin­nik eq­qumaf­figin­nit­tut” uagutsin­nit Biibilimik atuaq­qis­saaqatigineqar­nis­samut neqeroorfigineqar­put. (Matt 5:3, NW) Soorunami inuit Biibilimik atuaq­qis­saaqatigineqar­nis­samut akuersip­pata akuersin­ngip­pataluun­niit ataatsimiin­nitsin­nut tikil­luaq­qusaap­put. Ataatsimiigiarunik qanoq Biibili pil­lugu ilik­kagaqar­tigisin­naaner­tik paasis­savaat.

8. Sooq inuit min­ner­paamik ataasiarlutik ataatsimiin­nitsin­nut tak­kun­nis­saat pingaaruteqar­pa? As­sersuuteqarit.

⁸ Inuit min­ner­paamik ataasiarlutil­luun­niit ataatsimiin­ner­nut najuun­nias­sam­mata qaaq­qusiuar­nis­sar­put pingaaruteqar­poq. Sooq? Aggerunik takus­sagamik­ku, up­perisarsior­tut eq­qun­ngitsut as­siginagit, Jehovap Nalunaajaasuisa sal­lusuis­sut Biibilimeersoq ilin­niar­titsis­sutigalugulu inuit Guutimik ilisarisiman­niler­nis­saan­nut ikior­taraat. (Es 65:13) As­sersuutigalugu ukiualuit matuma sior­na USA-mi aap­pariit Rayip Lindal­lu as­sigiin­ngis­sut taman­na maluginiar­paat. Guuti up­peraat ilisarisimanerulerusul­lugulu. Aalajanger­put il­loqarfim­min­ni oqaluf­fiit tamaasa alak­karlugil­lu arlaan­nut ilan­ngutin­ngin­nermin­ni marlun­nik maluginiagaqar­niarlutik. Siul­ler­tut, oqaluf­fim­mi arlaan­nik ilik­kagaqarusup­put, aap­paat­tul­lu, ilaasor­taasut Guutimik kif­far­torfigin­nit­tutut atisalersoriaaseqar­tariaqar­put. Oqaluf­fiit amerlangaarmata ukiut arlal­lit taamaalior­put. Pakatsingaar­pul­li. Ilik­kagaqaratil­lu oqaluf­fin­ni ilaasor­tat atisalersoriaatsimik­kut ataq­qin­nip­pasin­ngil­lat. Al­lat­tuk­kamin­ni oqaluf­fik kingul­leq najuuf­figeq­qam­merlugu Linda suliar­tor­poq Rayilu angerlarluni. Angerlar­til­luni Naalagaaf­filersaarfik biilinik saneq­qup­paa. Eq­qarsar­poq ‘iserlunga susoqar­nersoq takulaalaral­larlara’. Soorunami misigisaq taman­na tamanit pitsaaner­paavoq! Naalagaaf­filersaarfim­miit­tut tamarmik inus­siar­nerlutil­lu atisaris­saar­put. Ray saarler­paanut ingip­poq ilik­kak­kanilu nuan­naril­luin­narlugit! Apustilip Paulusip ataatsimiin­nermut najuuteq­qaar­toq imalu oqar­toq pil­lugu as­sersuusiaa eq­qaavar­put: “Ilumut Guuti akor­nas­sin­niip­poq.” (1 Kor 14:23-25) Taman­na aal­lar­nerfigalugu Ray sapaatik­kut ataatsimiigiar­tuaan­naler­poq. Taava ul­luin­nar­ni ataatsimiin­neq najuuf­figisaler­paa. Linda aam­ma ataatsimiigiar­taler­poq, 70-il­lu sin­nerlugit ukioqaraluarlutik Biibilimik atuaq­qis­saar­taler­put kuisil­lutil­lu.

OQALOQATIGIINNERMIK AALLARNIUTISSATUT ATORTUSSAT

9, 10. (a) Sooq naqitaaq­qat atoruminar­pat? (b) Naqitaaraq Guutip naalagaaffia suua? qanoq ator­neqas­sanersoq nas­suiaruk.

⁹ Naqitaaqqat. Naqitaaq­qat arfineq-pingasut ilin­niar­titsinermi ator­tar­pavut. Atoruminarlutil­lu oqaloqatigiin­nermik aal­lar­titsiniar­ner­ni sun­niuteqarluar­put. Naqitaaq­qat siul­liit taak­ku 2013-imili saq­qum­mermata 5 mil­liardit mis­saat naqiter­neqarsimap­put! Naqitaaq­qat taak­ku tamarmik as­sigiim­mik ilusilersugaap­put. Taamaam­mat arlaat ataaseq ator­nis­saa ilik­karuk­ku tamaasa atorsin­naalis­savatit! Oqaloqateqaler­nermi naqitaaraq qanoq atorsin­naaviuk?

¹⁰ Naqitaaraq Guutip naalagaaffia suua? im­maqa misilik­kusup­pat. Saq­qaaniit­toq apeq­qut oqaluus­san­nut takutiguk aperalutil­lu: “Guutip naalagaaf­fia suunersoq eq­qarsaatiginikuuiuk? Tas­saasoraajuk ...” Taava akis­sutit pingasut taak­kua arlaat sorleq toq­qas­saneraa aperiuk. Akis­sutaa eq­qor­nersoq eq­qun­ngin­nersorluun­niit oqaatiginagu naqitaaraq qup­peruk qulequtaararlu “Akis­sut Biibilimeersoq” takutil­lugu, al­las­simaf­fiil­lu Danieli 2:44 aam­ma Esaja 9:5 atuarlugit. Oqaloqatigiin­nerup naggataani naqitaaq­qap tunuatungaaniit­tut “Eq­qarsaatis­siis­sut”-mmiit­toq “Guutip naalagaaf­fia naalak­kersuiler­pat pis­sutsit qanoq ilis­sap­pat?” apeq­qutigiuk. Tul­liani oqaloqatigeeq­qilerus­si apeq­qut taman­na akisin­naavat. Naapeq­qik­kuk­ku qup­persak­kami Tusagassat nuannersut Guutimeersut!-mi ilin­niagas­saq 7 atuarsin­naavarsi. Biibilimik atuaq­qis­saaqateqaler­nis­samik aal­lar­titsinis­samik qup­persagaq taan­na ator­tar­par­put.

ATORTUT SOQUTIGINNILERSITSISUT

11. Atuagas­siaativut sumik siuner­taqar­pat, aam­ma taak­kunun­nga suut pil­lugit ilisimasariaqar­pavut?

¹¹ Atuagassiat. Napasuliaq Alapernaarsuiffik aam­ma Iteritsi! nunarsuaq tamak­kerlugu siam­marsimaner­paajul­lutil­lu oqaatsinut amerlaner­paanut nutser­neqar­ner­paajup­put! Inuit nunar­pas­suar­nit tamalaaneersut atuagas­sianik taak­kunin­nga atuar­tarmata qulequt­tat saq­qaan­niit­tut inun­nut sumiit­tunul­luun­niit soqutiginar­tun­ngorlugit ilusilersugaap­put. Inuunermi suna pingaar­ner­paajunersoq inuit paasitin­niarlugit atuagas­siat taak­ku atorsin­naavut. Siul­ler­tul­li atuagas­siat sorliit kik­kun­nut soqutiginar­nersut ilisimasariaqar­par­put.

12. (a) Iteritsi! kik­kun­nut naleq­qus­sagaava, sunalu anguniagaava? (b) Taan­na atorlugu qanit­tuk­kut nuan­nersumik misigisaqar­pit?

¹² Iteritsi! inun­nut Biibili pil­lugu ilisimasaqar­pian­ngitsunut ilisimasaqan­ngitsunul­luun­niit naleq­qus­sagaavoq. Im­maqa kristumius­suseq pil­lugu ilisimasaqan­ngil­lat, up­perisarsior­nermik tutsuigisaqaratik im­maqaluun­niit nam­mineq inuunermin­ni Biibili iluaqutigisin­naal­lugu paasisiman­ngilaat. Iteritsi!-mi anguniagaq pingaar­neq tas­saavoq Guuteqar­neranik atuar­tumik qularun­naarsitsinis­saq. (Rom. 1:20; Hebr. 11:6) Aam­ma Biibili ilumut ‘Guutip oqaaserigaa’ atuar­tup up­perin­niler­nis­saanut iluaqutis­saavoq. (1 Th 2:13) 2018-imi saq­qum­mer­tut pingasut ima qulequtaqar­put: “Inooriaaseq pil­luar­nar­toq”, “Ilaqutariit iluaqutis­saat aq­qaneq-marluk” aam­ma “Toquk­kut qimagaasunut iluaqutis­sat”.

13. (a) Napasuliaq Alapernaarsuiffik tamanoor­toq kik­kun­nut naleq­qus­sagaava? (b) Taan­na atorlugu qanit­tuk­kut nuan­nersumik misigisaqar­pit?

¹³ Napasuliaq Alapernaarsuiffik tamanoor­toq inun­nut Guuti Biibililu pil­lugit ataq­qin­nis­suseqalaareersunut naleq­qus­sagaavoq. Biibilimi ilin­niar­titsis­sutigineqar­tut nas­suiar­nis­saat pingaar­nerutin­neqar­poq. Im­maqa taak­ku Biibili pil­lugu ilisimasaqalaareeraluarlutik ilin­niar­titsis­sutigineqar­tut paasil­luan­ngilaat. (Rom 10:2; 1 Tim 2:3, 4) 2018-imi saq­qum­mer­tuni apeq­qutit uku akineqar­put: “Biibili ul­lumik­kut iluaqutaava?”, “Qanoq siunis­saqar­pugut?” aam­ma “Guutip soqutigaatit?”

ATORTUT KAJUMISSISITSISUT

14. (a) Filmit sisamat taak­ku sumut naleq­qus­sagaap­pat? (b) Filmit taak­ku takutin­nerini nuan­nersumik misigisaqar­nikuuit?

¹⁴ Filmit. Jiisusip nalaani sanasut sak­kui nam­mineq sanaajusar­put. Nalitsin­nili sanasut aam­ma in­naal­lagiator­tunik sak­koqar­tar­put, soorlu pilat­taatit, qil­lerutit manis­saris­saatil­lu. Taamatut­taaq oqaluus­sigaangat­ta Biibililersaarutit naqiter­tak­kat saniatigut maan­na aam­ma filminik nuan­nersunik inun­nut takutis­sin­naasatsin­nik peqar­pugut. Taak­kua sisamat ilaat ilin­niar­titsinermi ator­tar­pavut: Sooq Biibilimik atuaqqissaartariaqarpit?, Qanoq Biibilimik atuaqqissaartoqartarpa?, Naalagaaffilersaarfimmi susoqartarpa? aam­ma Jehovap Nalunaajaasui – Kikkuuvugut? Filmit naan­nerit minutsit marluk inorlugit takutin­neqarsin­naal­lutil­lu pulaaq­qaar­nermi sun­niuteqarluar­tar­put. Filmit sivisunerulaat pulaaq­qiiner­ni pif­fis­saqar­nerusunul­lu takutin­neqarsin­naap­put. Filmit taak­ku nuan­nersut inun­nut Biibilimik atuaq­qis­saar­nis­samik ataatsimiigiar­tar­nis­samil­lu kajumis­sis­sutaangaarsin­naap­put.

15. Nam­mineq oqaatsitik atorlugit filmiaraatitsin­nik isigin­naar­neq inun­nut qanoq sun­niuteqarsin­naava? As­sersuuteqarit.

¹⁵ As­sersuutigalugu ar­naq Mikronesiameersoq Yapimiutut oqalut­toq qatan­ngutit­ta ar­nap naapip­paa. Qatan­ngutip filmi Sooq Biibilimik atuaqqissaartariaqarpit? Yapimiutut takutip­paa. Filmi aal­lar­tim­mat ar­naq ima oqar­poq: “Tas­sa oqaatsik­ka! Up­periuminaak! Sumior­paluusaasigut tusaasin­naavara angut oqalut­toq uanga qeqer­tarisan­neersuusoq. Uat­tul­li oqaaseqar­poq!” Kingusin­nerusuk­kut oqar­poq jw.org-imi oqaatsimini saq­qum­mersin­neqar­tut tamaasa atuarlugil­lu isigin­naar­niarlugit. (ApS 2:8, 11 naleq­qiuguk). As­sersuutigisin­naasar­put al­la tas­saavoq qatan­ngut ar­naq USA-mi najugalik, taas­suma soraluaa nunami al­lami najugaqar­poq. Filmimut taas­sumun­nga in­nersuus­sum­mik oqaasianik nas­sius­sivoq. Soraluaata filmi isigin­naar­paa imalu e-mailerfigalugu: “Ajor­tup silarsuarmik aqutsisuunera as­sut soqutiginar­poq. Biibilimik atuaq­qis­saaqatigineqar­nis­samik qin­nuteqar­punga.” Taman­na pingaar­tumik pis­sanganar­poq, soraluaami nunami suliatsin­nik iner­teq­qutaaf­fiusumi najugaqar­poq!

ATORTUT SALLUSUISSUMMIK ILINNIARTITSISSUTIT

16. Qup­persak­kat uku im­mik­kut tamarmik suna siuner­taraat: (a) Guuti tusarnaaruk naassaanngitsumik inuusinnaaqqullutit. (b) Tusagassat nuannersut Guutimeersut! (c) Ullumikkut kikkut Jehovap piumasaatut iliorpat?

¹⁶ Quppersakkat. Soqutigin­nit­tormi atuarluarsin­naan­ngip­pat nam­minerluun­niit oqaatsimini Biibililersaaruteqan­ngip­pat? Qup­persagaq Guuti tusarnaaruk naassaanngitsumik inuusinnaaqqullutit atorsin­naavar­put.b Aam­ma qup­persagaq Tusagassat nuannersut Guutimeersut! Biibilimik atuaq­qis­saaqateqaler­nis­samik aal­lar­niutaal­luar­tar­poq. Sam­misat 14-it tunuatungaaniit­tut takutis­sin­naavatit aperalugulu sorleq soqutigineruneraa. Taava ilin­niagas­saq taan­na atuaq­qis­saarlugu aal­lar­tis­siuk. Pulaaq­qiiner­ni taman­na misilin­nikuuiuk? Qup­persak­kat ator­tak­kat­ta pingajuat tas­saavoq Ullumikkut kikkut Jehovap piumasaatut iliorpat? Peqatigiif­fip­put pil­lugu Biibilimik atuaq­qis­saaqatigisar­tak­katsin­nik ilin­niar­titsinis­samut suliaavoq. Biibilimik atuaq­qis­saaqateqaraangavit tamatuma qanoq ator­nis­saa paasiniarlugu Kristumiutut inuunerput kiffartornerpullu – Najoqqutassaq marsi 2017-imoor­toq atuaruk.

17. (a) Atuak­kani atuaq­qis­saarutini im­mik­kut suna siuner­tarineqar­pa? (b) Kuisit­tut tamarmik susariaqar­pat, aam­ma sooq?

¹⁷ Atuakkat. Qup­persagaq atorlugu atuaq­qis­saaqateqaleraangavit qaquguk­kul­luun­niit atuagaq Biibilimi sorpiaat ajoqersuutigineqarpat? aal­lar­tis­sin­naavarsi. Biibilimi ilin­niar­titsis­sutit tun­ngaviusut ilin­niar­nerunis­saan­nut inuit taan­na iluaqutigisin­naavaat. Atuaq­qis­saar­tar­tup anersaak­kut siumukarlunilu atuagaq taan­na naap­pagu, atuagaq “Guutip asanninneraniittuinnaritsi” atorlugu atuaq­qis­saar­tar­nersi ingerlateq­qis­sin­naavarsi. Ul­luin­nar­ni inuunermini Biibilimi najoq­qutas­siat qanoq maleruarsin­naanerlugit paasinis­saanut atuaq­qis­saar­tar­tup ilin­niar­nis­samut taan­na iluaqutigis­savaa. Eq­qaamajuk kuisereeraluaruniluun­niit atuak­kat marluk naam­mas­sinis­saata tungaan­nut nutaap taas­suma atuaq­qis­saaqatigineqar­tar­nini ingerlat­tariaqarmagu. Taman­na Jehovamut up­perluar­nis­samut ilumoorfigin­nit­tuar­nis­samul­lu iluaqutigis­savaa. – Kolossemiut 2:6, 7 atuakkit.

18. (a) Sal­lusuis­sum­mik ilin­niar­titsisutut Timotheusimut al­lak­kat siul­liit 4:16 sunis­samut kajumis­saarutaava, qanorlu kinguneqar­tumik? (b) Ilin­niar­titsinermi ator­tak­kavut sumik siuner­taqar­pat?

¹⁸ Nutaarsias­saq nuan­nersoq, tusarlius­saq sal­lusuitsoq, inuunermik naas­saan­ngitsumik kinguneqar­titsisin­naasoq inun­nut ilin­niar­titsis­sutiginis­saa Jehovap Nalunaajaasuisut akisus­saaf­figaar­put. (Kol 1:5; 1 Timotheusi 4:16 atuaruk). Taamaalior­nis­samut iluaqutis­satsin­nik ilin­niar­titsinermi ator­tus­satsin­nik peqar­pugut. (Takuuk ungalusaq “Ilin­niar­titsinermi ator­tak­kavut”). Ilin­niar­titsis­sutit taak­ku sapin­ngisatsin­nik atorluar­tar­tigit. Tamat­ta im­mik­kut taak­ku sorliit qaquguk­kul­lu ator­niar­nerlutigit aalajangersin­naavar­put. Eq­qaamajul­li atuagas­sanik agguaagin­nar­nis­saq anguniagarin­ngin­natsigu, aam­ma tusarlius­satsin­nik soqutigin­nin­ngitsunut Biibililersaarutinik tun­nius­sineq ajor­pugut. Inuit ilumoorlutik soqutigin­nit­tut, maniguut­tut, ilumoorlutik Guutimik ilisarisiman­nilerusut­tut, “eq­qor­tumik isigin­nit­taaseqar­ner­tik pis­sutigalugu naas­saan­ngitsumik inuulersin­naasut” (NW) ajoqersugan­ngor­tin­nis­saat anguniagaraar­put. – ApS 13:48; Matt 28:19, 20.