-
ច្បាប់លេវី ៣:១៦, ១៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៦ រួចមក សង្ឃត្រូវដុតចំណែកទាំងនោះនៅលើទីបូជាជាអាហារ។* នេះជាគ្រឿងបូជាដែលដុតឲ្យមានក្លិនឈ្ងុយជូនព្រះយេហូវ៉ា។* ខ្លាញ់ទាំងអស់ជាចំណែករបស់លោក។+
១៧ «‹អ្នករាល់គ្នាមិនត្រូវបរិភោគខ្លាញ់ឬឈាម+ជាដាច់ខាត។ នេះជាច្បាប់ដែលអ្នករាល់គ្នាត្រូវកាន់តាមគ្រប់ជំនាន់តរៀងទៅ ទោះជាអ្នករាល់គ្នារស់នៅកន្លែងណាក៏ដោយ›»។
-
-
ច្បាប់លេវី ៤:៨-១០គម្ពីរបរិសុទ្ធសេចក្ដីបកប្រែពិភពលោកថ្មី
-
-
៨ «‹បន្ទាប់មក គាត់ត្រូវចៀរខ្លាញ់ទាំងអស់របស់សត្វគោដែលត្រូវជូនជាគ្រឿងបូជាសម្រាប់អំពើខុសឆ្គង គឺស្បៃខ្លាញ់ស្រោបពោះវៀន និងខ្លាញ់ដែលនៅជាប់នឹងពោះវៀន ៩ ព្រមទាំងតម្រងនោមទាំងពីរនិងខ្លាញ់រុំជុំវិញ ដែលនៅក្បែរចំឡក។ គាត់ក៏ចៀរខ្លាញ់ដែលស្រោបថ្លើម រួចយកចេញជាមួយនឹងតម្រងនោមដែរ។+ ១០ គាត់ត្រូវចៀរខ្លាញ់ចេញពីគោនោះ ដូចគោដែលត្រូវជូនជាគ្រឿងបូជានៃមេត្រីភាពដែរ។+ បន្ទាប់មក សង្ឃត្រូវយកចំណែកទាំងនោះទៅដុតនៅលើទីបូជាឲ្យផ្សែងហុយឡើង។
-
-
សាំយូអែលទី១ ២:១៦, ១៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៦ ពេលដែលអ្នកនោះនិយាយថា៖ «ចាំឲ្យគេដុតខ្លាញ់ហើយសិន+ រួចសឹមយកតាមចិត្តចុះ»។ អ្នកបម្រើសង្ឃតបថា៖ «អត់ទេ! ឲ្យសាច់មកភ្លាម បើមិនឲ្យទេ ខ្ញុំនឹងចាប់យកទៅ!»។ ១៧ ដោយហេតុនេះ ពួកអ្នកបម្រើសង្ឃមានកំហុសកាន់តែធំចំពោះព្រះយេហូវ៉ា+ ដោយសារពួកគេមើលងាយគ្រឿងបូជារបស់ព្រះយេហូវ៉ា។
-