-
ការបំភ្លឺច្បាប់ ៧:១៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៣ លោកនឹងស្រឡាញ់ ហើយឲ្យពរដល់អ្នករាល់គ្នា ថែមទាំងធ្វើឲ្យអ្នករាល់គ្នាមានចំនួនកើនឡើង។+ លោកនឹងឲ្យពរអ្នករាល់គ្នាមានកូនច្រើនក្នុងស្រុកនោះ ហើយមានភោគផលជាបរិបូរ ទាំងស្រូវ ទាំងស្រាថ្មី ទាំងប្រេង+ ព្រមទាំងហ្វូងគោនិងហ្វូងចៀមរបស់អ្នករាល់គ្នា ក៏នឹងចម្រើនឡើងដែរ ដូចដែលលោកបានស្បថនឹងបុព្វបុរសរបស់អ្នករាល់គ្នា។+
-
-
ការបំភ្លឺច្បាប់ ២៨:៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
៨ ព្រះយេហូវ៉ានឹងឲ្យពរអ្នករាល់គ្នាមានភោគផលពេញជង្រុក+ ហើយលោកនឹងឲ្យពរគ្រប់កិច្ចការដែលអ្នករាល់គ្នាធ្វើ។ ព្រះយេហូវ៉ាជាព្រះនៃអ្នករាល់គ្នានឹងឲ្យពរអ្នករាល់គ្នាជាប្រាកដ នៅក្នុងស្រុកដែលលោកនឹងប្រគល់ឲ្យ។
-
-
ការបំភ្លឺច្បាប់ ៣០:១៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៦ បើអ្នករាល់គ្នាធ្វើតាមបញ្ញត្តិរបស់ព្រះយេហូវ៉ាជាព្រះនៃអ្នករាល់គ្នា ជាបញ្ញត្តិដែលខ្ញុំបង្គាប់នៅថ្ងៃនេះ ដោយស្រឡាញ់ព្រះយេហូវ៉ាជាព្រះនៃអ្នករាល់គ្នា+ ដោយដើរតាមផ្លូវលោក ដោយកាន់ខ្ជាប់តាមច្បាប់និងបញ្ញត្តិ ព្រមទាំងក្រឹត្យក្រមទាំងប៉ុន្មានរបស់លោក នោះអ្នករាល់គ្នានឹងរស់រានមានជីវិត+ ហើយមានចំនួនច្រើនឡើងៗ។ លើសពីនេះទៅទៀត ព្រះយេហូវ៉ាជាព្រះនៃអ្នករាល់គ្នានឹងឲ្យពរអ្នករាល់គ្នានៅក្នុងទឹកដីដែលអ្នករាល់គ្នាហៀបនឹងចូលទៅចាប់យក។+
-