៣៩ ដូច្នេះ នៅ​ថ្ងៃ​នេះ ចូរ​ដឹង​ហើយ​ចាំ​ទុក​ក្នុង​ចិត្ត​ថា នៅ​ស្ថាន​សួគ៌​ខាង​លើ និង​នៅ​ផែនដី​ខាង​ក្រោម មាន​តែ​ព្រះ​យេហូវ៉ា​ប៉ុណ្ណោះ​គឺ​ជា​ព្រះ​ពិត+ គ្មាន​ព្រះ​ណា​ទៀត​ឡើយ។+

៦ គាត់​បាន​និយាយ​ថា​៖

​«​ឱ​ព្រះ​យេហូវ៉ា​ជា​ព្រះ​នៃ​បុព្វ​បុរស​របស់​យើង​អើយ! លោក​ជា​ព្រះ​នៃ​ស្ថាន​សួគ៌។+ លោក​គ្រប់​គ្រង​លើ​រាជាណាចក្រ​ទាំង​អស់។+ លោក​មាន​ឫទ្ធានុភាព​ខ្លាំង​ក្លា ហើយ​គ្មាន​អ្នក​ណា​ម្នាក់​អាច​ត​ទល់​នឹង​លោក​បាន​ទេ។+

៣៥ មនុស្ស​ទាំង​អស់​ដែល​រស់​នៅ​ផែនដី គឺ​តូច​តាច​ណាស់​បើ​ប្រៀប​នឹង​លោក។ លោក​ប្រព្រឹត្ត​ទៅ​លើ​បណ្ដា​ទេវតា​នៅ​ស្ថាន​សួគ៌​និង​មនុស្សជាតិ​ទាំង​ឡាយ​នៅ​ផែនដី ស្រប​តាម​បំណង​ប្រាថ្នា​របស់​លោក។ គ្មាន​អ្នក​ណា​ម្នាក់​អាច​រា​រាំង​លោក+ ឬ​សួរ​លោក​ថា​៖ ‹ហេតុ​អ្វី​ក៏​លោក​ធ្វើ​ដូច្នេះ?›។+