១៤ បន្ទាប់​មក ព្រះ​យេហូវ៉ា​បាន​បណ្ដាល​ឲ្យ​មាន​រោគ​រាត​ត្បាត+ពេញ​ស្រុក​អ៊ីស្រាអែល។ ហេតុ​នេះ ជន​ជាតិ​អ៊ីស្រាអែល​ចំនួន​៧០.០០០​នាក់​បាន​ស្លាប់។+ ១៥ បន្ថែម​ទៅ​ទៀត ព្រះ​ពិត​បាន​ចាត់​ទេវតា​មួយ​រូប​ឲ្យ​ទៅ​បំផ្លាញ​បណ្ដា​ជន​ក្នុង​ក្រុង​យេរូសាឡិម។ ប៉ុន្តែ ពេល​ដែល​ទេវតា​នោះ​ហៀបនឹង​បំផ្លាញ​ពួក​គេ​ចោល ព្រះ​យេហូវ៉ា​ក៏​មាន​ចិត្ត​អាណិត​អាសូរ​ចំពោះ​រាស្ត្រ​លោក។+ លោក​បាន​មាន​ប្រសាសន៍​ទៅ​ទេវតា​នោះ​ថា​៖ ​«​ប៉ុណ្ណឹង​បាន​ហើយ!+ ឈប់​ប្រហារ​ទៅ!​»។ នៅ​ពេល​នោះ ទេវតា​របស់​ព្រះ​យេហូវ៉ា​កំពុង​ឈរ​នៅ​ទី​លាន​បញ្ជាន់​ស្រូវ​របស់​អូណាន+ជា​ជន​ជាតិ​យេប៊ូស។+