២៣ រួច​មក សាឡូម៉ូន​បាន​អង្គុយ​លើ​បល្ល័ង្ក​របស់​ព្រះ​យេហូវ៉ា+ជំនួស​ដាវីឌ​ឪពុក​គាត់។ រាជ្យ​របស់​សាឡូម៉ូន​បាន​រុង​រឿង​ថ្កុំ​ថ្កើង។ បណ្ដា​ជន​អ៊ីស្រាអែល​ទាំង​អស់​បាន​ស្ដាប់​បង្គាប់​គាត់។ ២៤ ពួក​អ្នក​គ្រប់​គ្រង​ទាំង​អស់+ និង​ពួក​ទាហាន​ពូកែ​អង់អាច+ ថែម​ទាំង​កូន​ៗ​ទាំង​ប៉ុន្មាន​របស់​ស្ដេច​ដាវីឌ+ បាន​ចុះ​ចូល​នឹង​ស្ដេច​សាឡូម៉ូន។ ២៥ ព្រះ​យេហូវ៉ា​បាន​ធ្វើ​ឲ្យ​សាឡូម៉ូន​កាន់​តែ​ថ្កុំ​ថ្កើង​នៅ​ចំពោះ​មុខ​ជន​ជាតិ​អ៊ីស្រាអែល​ទាំង​អស់។ លោក​ក៏​ធ្វើ​ឲ្យ​សាឡូម៉ូន​មាន​កិត្តិយស​ខ្ពង់​ខ្ពស់ លើស​ស្ដេច​ស្រុក​អ៊ីស្រាអែល​ដែល​នៅ​មុន​គាត់​ទៅ​ទៀត។+