-
បណ្ដាស្ដេចទី២ ១២:៤, ៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
៤ នៅថ្ងៃមួយ យេហូអាសនិយាយទៅកាន់ពួកសង្ឃថា៖ «ចូរប្រមូលប្រាក់ទាំងអស់ដែលបណ្ដាជនបានយកមកប្រគល់ដល់វិហារព្រះយេហូវ៉ាជាវិភាគទានបរិសុទ្ធ+ គឺប្រាក់ដែលបណ្ដាជនត្រូវបង់ជាពន្ធវិហារ+ ប្រាក់ដែលទទួលពីអ្នកដែលបានស្បថ និងប្រាក់ដែលបណ្ដាជនជូនដោយស្ម័គ្រពីចិត្តដល់វិហារព្រះយេហូវ៉ា។+ ៥ ចូរអ្នករាល់គ្នាទទួលប្រាក់ទាំងនោះដោយផ្ទាល់ពីអ្នកដែលជូន ដើម្បីទុកសម្រាប់ជួសជុលវិហាររបស់ព្រះ»។+
-
-
ប្រវត្តិហេតុទី២ ២៩:៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣ នៅខែទី១ ក្នុងឆ្នាំទី១នៃរាជ្យរបស់គាត់ គាត់បានបើកទ្វារវិហារព្រះយេហូវ៉ា ហើយបានជួសជុលទ្វារទាំងនោះឡើងវិញ។+
-
-
ប្រវត្តិហេតុទី២ ៣៤:៩, ១០គម្ពីរបរិសុទ្ធសេចក្ដីបកប្រែពិភពលោកថ្មី
-
-
៩ ដូច្នេះ ពួកគេក៏ទៅជួបហ៊ីលគីយ៉ាជាសម្ដេចសង្ឃ ហើយឲ្យគាត់នូវប្រាក់ដែលបណ្ដាជនយកមកជូនព្រះនៅឯវិហារ គឺប្រាក់ដែលពួកលេវីជាអ្នកយាមទ្វារបានទទួលពីបណ្ដាជនដែលមកពីកុលសម្ព័ន្ធម៉ាណាសេ កុលសម្ព័ន្ធអេប្រាអ៊ីម និងពីកុលសម្ព័ន្ធឯទៀតក្នុងស្រុកអ៊ីស្រាអែល+ ព្រមទាំងពីបណ្ដាជនដែលមកពីកុលសម្ព័ន្ធយូដា កុលសម្ព័ន្ធបេនយ៉ាមីន និងពីអ្នកក្រុងយេរូសាឡិម។ ១០ រួចមក ពួកគេបានប្រគល់ប្រាក់នោះឲ្យដល់ពួកអ្នកមើលការខុសត្រូវក្នុងការជួសជុលវិហារព្រះយេហូវ៉ា។ បន្ទាប់មក អ្នកទាំងនោះបានប្រើប្រាក់នោះដើម្បីជួសជុលវិហារព្រះយេហូវ៉ាឡើងវិញ។
-