បណ្ណាល័យអ៊ីនធឺណិតរបស់ប៉មយាម

ដំណើរចាកចេញ ១៥:១១

គម្ពីរបរិសុទ្ធសេចក្ដីបកប្រែពិភពលោកថ្មី
- ១១ ឱព្រះយេហូវ៉ាអើយ! តើមានព្រះណាដូចលោក?+
  
  តើមានព្រះណាមានភាពបរិសុទ្ធយ៉ាងអស្ចារ្យដូចលោក?+
  
  លោកជាព្រះដែលសមនឹងទទួលការគោរពកោតខ្លាច និងគួរឲ្យច្រៀងសរសើរតម្កើង។ លោកជាព្រះដែលធ្វើការអស្ចារ្យ។+

បណ្ដាស្ដេចទី២ ១៩:២២-២៤

គម្ពីរបរិសុទ្ធសេចក្ដីបកប្រែពិភពលោកថ្មី
- ២២ តើអ្នកបានប្រមាថមើលងាយអ្នកណា?+
  
  តើអ្នកបានដំឡើងសំឡេងដាក់អ្នកណា?+
  
  តើអ្នកកំពុងក្រអឺតដាក់អ្នកណា?
  
  អ្នកកំពុងប្រឆាំងនឹងព្រះដ៏បរិសុទ្ធនៃអ៊ីស្រាអែលហើយ!+
  
  ២៣ អ្នកបានចាត់ពួកអ្នកនាំសារ+ឲ្យមកចំអកមើលងាយព្រះយេហូវ៉ា+ ហើយក៏និយាយថា៖
  
  ‹ដោយសារមានរទេះចម្បាំងដ៏ច្រើន
  ខ្ញុំនឹងឡើងទៅលើកំពូលភ្នំនានា
  ខ្ញុំនឹងចូលព្រៃជ្រៅនៃតំបន់ភ្នំលីបង់។
  
  ខ្ញុំនឹងកាប់រំលំដើមស៊ីដារខ្ពស់ៗនិងដើមយូនីពើប្រណីតៗ។
  
  ខ្ញុំនឹងចូលជ្រៅបំផុតក្នុងព្រៃឧទ្យានដ៏ស្រស់បំព្រង។
  
  ២៤ ខ្ញុំនឹងជីកអណ្ដូងនៅស្រុកដទៃ ហើយផឹកទឹកនៅទីនោះ
  ខ្ញុំនឹងធ្វើឲ្យផ្លូវទឹកទាំងអស់*នៅស្រុកអេហ្ស៊ីបរីងស្ងួតទៅដោយបាតជើងរបស់ខ្ញុំ›។

អេសាយ ១០:២០

គម្ពីរបរិសុទ្ធសេចក្ដីបកប្រែពិភពលោកថ្មី
- ២០ នៅគ្រានោះ ពួកអ៊ីស្រាអែលដែលនៅសេសសល់
  និងពូជពង្សយ៉ាកុបដែលរួចជីវិត
  នឹងលែងពឹងផ្អែកលើអ្នកដែលវាយប្រហារពួកគេទៀតហើយ។+
  
  ផ្ទុយទៅវិញ ពួកគេនឹងពឹងផ្អែកដោយស្មោះលើព្រះយេហូវ៉ា
  ដែលជាព្រះបរិសុទ្ធនៃអ៊ីស្រាអែល។

អេសេគាល ៣៩:៧

គម្ពីរបរិសុទ្ធសេចក្ដីបកប្រែពិភពលោកថ្មី
- ៧ ខ្ញុំនឹងធ្វើឲ្យនាមដ៏បរិសុទ្ធរបស់ខ្ញុំល្បីរន្ទឺក្នុងចំណោមអ៊ីស្រាអែលជារាស្ត្រខ្ញុំ ហើយខ្ញុំនឹងមិនអនុញ្ញាតឲ្យគេមើលងាយនាមដ៏បរិសុទ្ធរបស់ខ្ញុំទៀតឡើយ។ ប្រជាជាតិនានានឹងដឹងថាខ្ញុំនេះហើយជាយេហូវ៉ា+ ខ្ញុំជាព្រះដ៏បរិសុទ្ធនៃអ៊ីស្រាអែល›។+