បណ្ណាល័យអ៊ីនធឺណិតរបស់ប៉មយាម

យេរេមា ៥:៣១

គម្ពីរបរិសុទ្ធសេចក្ដីបកប្រែពិភពលោកថ្មី
- ៣១ គឺពួកអ្នកប្រកាសទំនាយប្រកាសពាក្យមិនពិត+
  ហើយពួកសង្ឃប្រើអំណាចខ្លួន ត្រួតត្រាលើអ្នកឯទៀត។
  
  ចំណែករាស្ត្ររបស់ខ្ញុំ ពួកគេពេញចិត្តនឹងការទាំងនោះណាស់។+
  
  ប៉ុន្តែ ពេលដែលទីបញ្ចប់មកដល់ តើអ្នករាល់គ្នានឹងធ្វើអ្វីទៅ?»។

យេរេមា ៦:១២-១៥

គម្ពីរបរិសុទ្ធសេចក្ដីបកប្រែពិភពលោកថ្មី
- ១២ អ្នកឯទៀតនឹងដណ្ដើមយកផ្ទះសម្បែង ស្រែចម្ការ និងប្រពន្ធរបស់ពួកគេ+
  ព្រោះខ្ញុំនឹងលើកដៃទៅទាស់នឹងពួកអ្នកស្រុកនោះ»។ នេះជាសេចក្ដីប្រកាសរបស់ព្រះយេហូវ៉ា។
  
  ១៣ «ចាប់ពីអ្នកតូចបំផុតរហូតដល់អ្នកធំបំផុត ពួកគេទាំងអស់សុទ្ធតែរកស៊ីមិនទៀងត្រង់+
  ហើយចាប់ពីពួកអ្នកប្រកាសទំនាយទៅដល់ពួកសង្ឃពួកគេសុទ្ធតែជាជនបោកប្រាស់។+
  
  ១៤ ពួកគេធ្វើឲ្យរបួសរាស្ត្រខ្ញុំជាសះតែបន្តិចបន្តួចទេ ដោយនិយាយថា៖
  
  ‹មានសន្តិភាពហើយ! មានសន្តិភាពហើយ!› តែតាមពិតគ្មានទាល់តែសោះ។+
  
  ១៥ តើពួកគេអៀនខ្មាសចំពោះអំពើដ៏គួរឲ្យស្អប់ខ្ពើមដែលខ្លួនបានប្រព្រឹត្តឬទេ?
  
  ពួកគេគ្មានការអៀនខ្មាសទាល់តែសោះ!
  
  គឺពួកគេមិនទាំងដឹងថាការអៀនខ្មាសជាអ្វីផង។+
  
  ហេតុនេះ ពួកគេនឹងដួលក្នុងចំណោមពួកអ្នកដែលបានដួលរួចហើយ។
  
  ពេលខ្ញុំដាក់ទោសពួកគេ ពួកគេនឹងជំពប់ដួលជាមិនខាន»។ នេះជាប្រសាសន៍របស់ព្រះយេហូវ៉ា។

យេរេមា ២៧:៩

គម្ពីរបរិសុទ្ធសេចក្ដីបកប្រែពិភពលោកថ្មី
- ៩ «‹«‹ហេតុនេះ ចូរកុំស្ដាប់ពួកអ្នកប្រកាសទំនាយ គ្រូទាយ គ្រូស្រាយសុបិន គ្រូវេទមន្ត និងគ្រូធ្មប់ដែលប្រាប់ថា៖ «អ្នករាល់គ្នានឹងមិនត្រូវបម្រើស្ដេចស្រុកបាប៊ីឡូនឡើយ»។

បទទំនួញ ២:១៤

គម្ពីរបរិសុទ្ធសេចក្ដីបកប្រែពិភពលោកថ្មី
- ១៤ អ្វីដែលអ្នកប្រកាសទំនាយឃើញក្នុងគំនិត រួចយកមកប្រាប់នាងគឺសុទ្ធតែមិនពិតនិងគ្មានប្រយោជន៍+
  ហើយពួកគេមិនបានជួយឲ្យនាងដឹងអំពីកំហុសរបស់នាងដើម្បីឲ្យនាងរួចខ្លួនពីការចាប់យកទៅជាឈ្លើយទេ+
  ប៉ុន្តែ ពួកគេចេះតែប្រាប់នាងអំពីរឿងមិនពិតនិងរឿងបោកប្រាស់។+

អេសេគាល ២២:២៨

គម្ពីរបរិសុទ្ធសេចក្ដីបកប្រែពិភពលោកថ្មី
- ២៨ ប៉ុន្តែ ពួកអ្នកប្រកាសទំនាយបានបិទបាំងការប្រព្រឹត្តរបស់អ្នកទាំងនោះ ប្រៀបដូចជាគេយកកំបោរសមកបូកពីលើ។ ពួកគេមិនបានទទួលការបើកបង្ហាញឲ្យឃើញក្នុងគំនិតពីខ្ញុំទេ ហើយពួកគេចេះតែទស្សន៍ទាយបោកបញ្ឆោតបណ្ដាជន។+ ពួកគេនិយាយថា៖ «ព្រះយេហូវ៉ាជាម្ចាស់ដ៏ឧត្ដមបំផុតមានប្រសាសន៍ដូច្នេះ» តែតាមការពិតខ្ញុំយេហូវ៉ា ខ្ញុំមិនបានមានប្រសាសន៍តាមរយៈពួកគេទេ។