២២ ទោះ​ជា​ស្ដេច​អេហាស​មាន​ទុក្ខ​លំបាក​យ៉ាង​នោះ​ក៏​ដោយ គាត់​បាន​ប្រព្រឹត្ត​មិន​ស្មោះ​ត្រង់​ចំពោះ​ព្រះ​យេហូវ៉ា​លើស​ពី​មុន​ទៅ​ទៀត។ ២៣ គាត់​បាន​ចាប់​ផ្ដើម​ជូន​គ្រឿង​បូជា​ដល់​ព្រះ​របស់​ពួក​អ្នក​ក្រុង​ដាម៉ាស់+ដែល​បាន​វាយ​ឈ្នះ​គាត់។+ អេហាស​បាន​និយាយ​ថា​៖ ​«​ព្រះ​របស់​បណ្ដា​ស្ដេច​ស្រុក​ស៊ីរី​បាន​ជួយ​ពួក​គេ ដូច្នេះ​ខ្ញុំ​នឹង​ជូន​គ្រឿង​បូជា​ដល់​ព្រះ​របស់​ពួក​គេ ដើម្បី​ឲ្យ​ព្រះ​ទាំង​នោះ​ជួយ​ខ្ញុំ​ដែរ​»។+ ប៉ុន្តែ ការ​ប្រព្រឹត្ត​បែប​នេះ​បាន​នាំ​ឲ្យ​គាត់​និង​បណ្ដា​ជន​អ៊ីស្រាអែល​មាន​អន្តរាយ​ទៅ​វិញ។