-
បណ្ដាស្ដេចទី២ ២៥:៦, ៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
៦ បន្ទាប់មក ពួកគេបានចាប់ស្ដេចយូដា+ ហើយនាំគាត់ទៅជួបស្ដេចស្រុកបាប៊ីឡូននៅក្រុងរីបឡា រួចបានកាត់ទោសគាត់នៅទីនោះ។ ៧ ពួកគេបានសម្លាប់កូនៗរបស់គាត់នៅចំពោះមុខគាត់។ បន្ទាប់មក ស្ដេចនេប៊ូក្នេសាបានចាក់ភ្នែកគាត់ឲ្យខ្វាក់ រួចដាក់ខ្នោះស្ពាន់ ហើយក៏នាំគាត់ទៅស្រុកបាប៊ីឡូន។+
-
-
យេរេមា ៣៩:៥-៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
៥ ប៉ុន្តែ ទ័ពខាល់ដេបានដេញតាមសេដេគានិងទាហានរបស់គាត់ ហើយតាមទាន់នៅត្រង់តំបន់វាលទំនាបក្បែរក្រុងយេរីខូ។+ ទ័ពខាល់ដេបានចាប់សេដេគា ហើយនាំគាត់ទៅប្រគល់ឲ្យនេប៊ូក្នេសាស្ដេចស្រុកបាប៊ីឡូននៅក្រុងរីបឡា+ ក្នុងទឹកដីហាម៉ាត។+ នៅទីនោះ ស្ដេចស្រុកបាប៊ីឡូនបានកាត់ទោសសេដេគា។ ៦ នៅក្រុងរីបឡា ស្ដេចស្រុកបាប៊ីឡូនបានបញ្ជាឲ្យគេសម្លាប់កូនប្រុសៗរបស់សេដេគានៅចំពោះមុខគាត់។ បន្ថែមទៅទៀត ស្ដេចស្រុកបាប៊ីឡូនក៏បញ្ជាឲ្យគេប្រហារពួកអ្នកដែលមានវង្សត្រកូលខ្ពស់ក្នុងស្រុកយូដាដែរ។+ ៧ បន្ទាប់មក ស្ដេចស្រុកបាប៊ីឡូនបានចាក់ភ្នែករបស់សេដេគា ហើយដាក់ច្រវាក់ស្ពាន់ រួចនាំគាត់ទៅស្រុកបាប៊ីឡូន។+
-
-
យេរេមា ៥២:៩-១១គម្ពីរបរិសុទ្ធសេចក្ដីបកប្រែពិភពលោកថ្មី
-
-
៩ បន្ទាប់មក ពួកគេបានចាប់ស្ដេចស្រុកយូដា ហើយនាំគាត់ទៅជួបស្ដេចស្រុកបាប៊ីឡូននៅក្រុងរីបឡាក្នុងទឹកដីហាម៉ាត រួចបានកាត់ទោសគាត់នៅទីនោះ។ ១០ ស្ដេចស្រុកបាប៊ីឡូនបានសម្លាប់កូនៗរបស់សេដេគានៅចំពោះមុខគាត់។ បន្ទាប់មក ស្ដេចនោះក៏បានសម្លាប់ពួកអ្នកគ្រប់គ្រងទាំងអស់ក្នុងស្រុកយូដានៅក្រុងរីបឡាដែរ។ ១១ ក្រោយនោះ ស្ដេចស្រុកបាប៊ីឡូនបានចាក់ភ្នែកសេដេគាឲ្យខ្វាក់+ និងដាក់ខ្នោះស្ពាន់ ហើយនាំគាត់ទៅស្រុកបាប៊ីឡូន រួចឃុំឃាំងគាត់រហូតដល់ថ្ងៃស្លាប់។
-