២៥ ​«​កូន​មនុស្ស​អើយ! នៅ​ថ្ងៃ​ដែល​ខ្ញុំ​បំផ្លាញ​ទី​ពំនាក់​របស់​ពួក​គេ​ចោល ជា​កន្លែង​ស្អាត​ដែល​ពួក​គេ​ស្រឡាញ់​ពេញ​ចិត្ត​និង​មាន​អំណរ នោះ​ខ្ញុំ​ក៏​នឹង​បំផ្លាញ​កូន​ប្រុស​កូន​ស្រី​ពួក​គេ​ដែរ។+ ២៦ ពេល​នោះ បុគ្គល​ម្នាក់​ដែល​រត់​រួច នឹង​នាំ​ដំណឹង​មក​ប្រាប់​អ្នក។+ ២៧ នៅ​ថ្ងៃ​នោះ​ឯង អ្នក​នឹង​បើក​មាត់​និយាយ​ទៅ​កាន់​បុគ្គល​ដែល​រត់​រួច​នោះ ហើយ​អ្នក​នឹង​លែង​នៅ​ស្ងៀម​ទៀត។+ អ្នក​នឹង​ទៅ​ជា​សញ្ញា​សម្គាល់​ដល់​ពួក​គេ ហើយ​ពួក​គេ​នឹង​ដឹង​ថា​ខ្ញុំ​នេះ​ហើយ​ជា​យេហូវ៉ា​»។