-
ម៉ាថាយ ១៤:៦-១២គម្ពីរបរិសុទ្ធសេចក្ដីបកប្រែពិភពលោកថ្មី
-
-
៦ នៅថ្ងៃមួយ ពេលដែលកំពុងជប់លៀងអបអរថ្ងៃកំណើតរបស់ហេរ៉ូឌ+ នោះកូនស្រីរបស់ហេរ៉ូឌាសបានចូលមករាំក្នុងពិធីនោះ ហើយធ្វើឲ្យហេរ៉ូឌពេញចិត្តខ្លាំងណាស់។+ ៧ ដូច្នេះ គាត់បានស្បថថានឹងឲ្យនាងនូវអ្វីក៏ដោយដែលនាងសុំ។ ៨ រួចមក នាងបានសុំតាមពាក្យបង្គាប់របស់ម្ដាយថា៖ «ខ្ញុំសុំក្បាលរបស់យ៉ូហានជាអ្នកជ្រមុជទឹក ដាក់លើថាស»។+ ៩ ទោះជាការស្នើសុំរបស់នាងធ្វើឲ្យស្ដេចពិបាកចិត្តក៏ដោយ គាត់បានធ្វើតាមសំណូមពររបស់នាង ដោយសារគាត់បានស្បថនៅចំពោះមុខអស់អ្នកដែលបរិភោគជាមួយនឹងគាត់រួចហើយ។ ១០ ដូច្នេះ គាត់បានចាត់គេឲ្យទៅកាត់ក្បាលយ៉ូហាននៅក្នុងគុក។ ១១ រួចមក គេដាក់ក្បាលរបស់យ៉ូហានលើថាសមួយ យកមកឲ្យនាង ហើយនាងយកទៅឲ្យម្ដាយ។ ១២ ក្រោយមក អ្នកកាន់តាមយ៉ូហានបានមកយកសពគាត់ទៅបញ្ចុះ រួចនាំដំណឹងទៅជម្រាបលោកយេស៊ូ។
-