-
ម៉ាថាយ ១៦:៥-១២គម្ពីរបរិសុទ្ធសេចក្ដីបកប្រែពិភពលោកថ្មី
-
-
៥ រួចមក អ្នកកាន់តាមលោកបានឆ្លងទៅត្រើយម្ខាង តែភ្លេចយកនំប៉័ងទៅជាមួយ។+ ៦ លោកយេស៊ូមានប្រសាសន៍ទៅពួកគាត់ថា៖ «ចូរប្រុងស្មារតីជានិច្ច ហើយប្រយ័ត្ននឹងដំបែរបស់ពួកផារិស៊ី និងពួកសាឌូស៊ី»។+ ៧ ដូច្នេះ ពួកគាត់ចាប់ផ្ដើមជជែកគ្នាថា៖ «យើងមិនបានយកនំប៉័ងមកជាមួយទេ»។ ៨ លោកយេស៊ូជ្រាបអំពីរឿងនេះ ក៏បានសួរថា៖ «អ្នកមានជំនឿតិចអើយ! ហេតុអ្វីបានជាជជែកគ្នាដោយសារគ្មាននំប៉័ងដូច្នេះ? ៩ តើអ្នករាល់គ្នានៅតែមិនយល់ទេឬ? ឬក៏អ្នកមិនចាំទេថា ពេលដែលមាននំប៉័ង៥ដុំសម្រាប់បុរស៥.០០០នាក់ តើអ្នកប្រមូលបានអាហារប៉ុន្មានកញ្ជើ?+ ១០ ឬក៏អ្នកមិនចាំទេថា ពេលដែលមាននំប៉័ង៧ដុំសម្រាប់បុរស៤.០០០នាក់ តើអ្នកប្រមូលបានអាហារប៉ុន្មានកញ្ឆេធំៗ?+ ១១ ហេតុអ្វីបានជាអ្នករាល់គ្នាមិនយល់ថា ខ្ញុំមិនមែននិយាយអំពីនំប៉័ងនោះទេ? ប៉ុន្តែ ចូរប្រយ័ត្ននឹងដំបែរបស់ពួកផារិស៊ី និងពួកសាឌូស៊ី»។+ ១២ នោះទើបពួកគាត់យល់ថា លោកមិនមែនប្រាប់ឲ្យប្រុងប្រយ័ត្ននឹងដំបែនំប៉័ងនោះទេ តែប្រាប់ឲ្យប្រុងប្រយ័ត្ននឹងសេចក្ដីបង្រៀនរបស់ពួកផារិស៊ី និងពួកសាឌូស៊ីវិញ។
-