-
ម៉ាថាយ ១២:១-៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
១២ នៅពេលនោះ លោកយេស៊ូបានធ្វើដំណើរកាត់វាលស្រែនៅថ្ងៃឈប់សម្រាក។* ពួកអ្នកកាន់តាមលោកក៏ចាប់ឃ្លាន ហើយបានកាច់កួរស្រូវមកបរិភោគ។+ ២ ឃើញដូច្នេះ ពួកផារិស៊ីជម្រាបលោកថា៖ «មើល! ពួកអ្នកកាន់តាមអ្នកកំពុងធ្វើអ្វីដែលគ្មានច្បាប់ធ្វើនៅថ្ងៃឈប់សម្រាក»។+ ៣ លោកមានប្រសាសន៍ទៅពួកគេថា៖ «តើអ្នករាល់គ្នាមិនធ្លាប់អានអំពីអ្វីដែលដាវីឌបានធ្វើ ពេលគាត់និងពួកបុរសដែលនៅជាមួយនឹងគាត់ឃ្លានទេឬ?+ ៤ គាត់បានចូលក្នុងវិហារ*របស់ព្រះ ហើយយកនំប៉័ងតាំងទុកជាគ្រឿងបូជា មកបរិភោគជាមួយនឹងពួកបុរសរបស់គាត់+ ដែលតាមច្បាប់ពួកគាត់គ្មានសិទ្ធិបរិភោគឡើយ លើកលែងតែពួកសង្ឃប៉ុណ្ណោះដែលមានសិទ្ធិបរិភោគ មែនទេ?+ ៥ ឬតើអ្នកមិនធ្លាប់អានច្បាប់ទេឬ ថានៅថ្ងៃឈប់សម្រាក ពួកសង្ឃនៅតែធ្វើការក្នុងវិហារ តែគ្មានទោសទេ?+ ៦ ប៉ុន្តែ ខ្ញុំប្រាប់អ្នករាល់គ្នាថា អ្នកដែលវិសេសជាងវិហារនោះ គឺនៅទីនេះហើយ។+ ៧ ក៏ប៉ុន្តែ ប្រសិនបើអ្នករាល់គ្នាបានយល់អត្ថន័យនៃពាក្យថា៖ ‹ខ្ញុំចង់បានសេចក្ដីមេត្តាករុណា+ មិនមែនគ្រឿងបូជាឡើយ›+ នោះអ្នកមុខជាមិនបានផ្ដន្ទាទោសអ្នកដែលគ្មានទោសនោះទេ។ ៨ ពីព្រោះកូនមនុស្សជាម្ចាស់លើថ្ងៃឈប់សម្រាក»។+
-
-
លូកា ៦:១-៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
៦ នៅថ្ងៃឈប់សម្រាកមួយ លោកកំពុងដើរកាត់វាលស្រូវសាលី ហើយពួកអ្នកកាន់តាមលោកដើរបណ្ដើរ កាច់កួរស្រូវមកឈ្លីបរិភោគបណ្ដើរ។+ ២ ឃើញដូច្នេះ ពួកផារិស៊ីខ្លះសួរថា៖ «ហេតុអ្វីអ្នករាល់គ្នាកំពុងធ្វើអ្វីដែលច្បាប់មិនអនុញ្ញាតឲ្យធ្វើនៅថ្ងៃឈប់សម្រាកដូច្នេះ?»។+ ៣ លោកយេស៊ូក៏តបថា៖ «តើអ្នករាល់គ្នាមិនធ្លាប់អានអំពីអ្វីដែលដាវីឌបានធ្វើ ពេលគាត់និងពួកបុរសដែលនៅជាមួយនឹងគាត់ឃ្លានទេឬ?+ ៤ គាត់បានចូលក្នុងវិហារ*របស់ព្រះ ហើយយកនំប៉័ងតាំងទុកជាគ្រឿងបូជា មកបរិភោគជាមួយនឹងពួកបុរសរបស់គាត់ ដែលគ្មានអ្នកណាមានច្បាប់បរិភោគទេ ក្រៅពីពួកសង្ឃ មែនទេ?»។+ ៥ រួចលោកមានប្រសាសន៍ទៅពួកគេទៀតថា៖ «កូនមនុស្សជាម្ចាស់លើថ្ងៃឈប់សម្រាក»។+
-