សេចក្ដីជូនដំណឹង
▪ ឧបករណ៍ផ្សាយសំរាប់ខែកុម្ភៈ សៀវភៅអ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។ មីនា: សៀវភៅចំណេះដែលនាំទៅដល់ជីវិតអស់កល្បជានិច្ច។ នឹងមានការខំព្យាយាមជាពិសេសដើម្បីចាប់ផ្ដើមការសិក្សាព្រះគម្ពីរតាមផ្ទះ។ មេសានិងឧសភា: ទស្សនាវដ្ដីប៉មយាម។ ពេលដែលត្រឡប់ទៅជួបគេ និងគេបង្ហាញចំណាប់អារម្មណ៍ នោះអាចស្នើផ្ដល់ឲ្យគេជាវបានដែរ។ ស្នើផ្ដល់នូវសៀវភៅចំណេះ ឬក៏សៀវភៅស្តើងតម្រូវ ដោយមានគោលបំណងចង់ចាប់ផ្ដើមការសិក្សាព្រះគម្ពីរតាមផ្ទះ។
▪ ប្រធានត្រួតពិនិត្យឬក៏អ្នកណាម្នាក់ដែលគាត់ចាត់តាំង គួរជំរះបញ្ជីគណនីរបស់ក្រុមជំនុំនៅថ្ងៃទី១ ខែមីនា ឬក៏ជាប្រញាប់បំផុតដែលអាចធ្វើទៅបានបន្ទាប់ពីថ្ងៃនោះ។ ពេលដែលកិច្ចការនេះបានត្រូវធ្វើហើយ សូមជំរាបក្រុមជំនុំបន្ទាប់ពីសេចក្ដីរាយការណ៍គណនីជាបន្ទាប់ត្រូវអាន។
▪ លេខានិងអ្នកត្រួតពិនិត្យកិច្ចបំរើ គួរសើរើមើលនូវសកម្មភាពរបស់អស់អ្នកត្រួសត្រាយពេញពេល។ បើសិនជាមានអ្នកណាម្នាក់ដែលកំពុងតែមានការពិបាកមិនមានម៉ោងគ្រប់គ្រាន់ទេ នោះអ្នកចាស់ទុំទាំងឡាយគួររៀបចំឲ្យគាត់ទទួលជំនួយ។ ដើម្បីទទួលយោបល់ថែមទៀត សូមសើរើមើលសំបុត្រប្រចាំឆ្នាំពីសមាគមយើង សំបុត្រលេខS-201 ថ្ងៃទី១ ខែតុលា។ សូមមើលវគ្គ១២-២០ ក្នុងឯកសារកិច្ចបំរើព្រះរាជាណាចក្រយើង ខែសីហា ឆ្នាំ១.៩៨៦ (ជាភាសាអង់គ្លេស)។
▪ ពេលអ្នកផ្សាយកំពុងតែផ្សព្វផ្សាយក្នុងតំបន់ដែលមិនទាន់បានកំណត់ឲ្យក្រុមជំនុំណាមួយទេ នោះអ្នកផ្សាយអាចស្នើផ្ដល់សៀវភៅចំណេះឬក៏សៀវភៅស្តើងតម្រូវ។ អ្នកផ្សាយអាចស្នើផ្ដល់ប្រកាសនវត្ថុផ្សេងទៀត បើសិនជាម្ចាស់ផ្ទះមានសៀវភៅទាំងពីរនោះហើយ។ អ្នកផ្សាយទាំងអស់គួរមានខិត្តប័ណ្ណផ្សេងៗដើម្បីដាក់នៅផ្ទះណាដែលម្ចាស់បានចេញទៅក្រៅឬក៏ដើម្បីជូនមនុស្សណាដែលមិនទទួលប្រកាសនវត្ថុ។ អ្នកផ្សាយគួរខិតខំត្រឡប់ទៅជួបអ្នកចាប់អារម្មណ៍ ជាពិសេសពេលដែលអ្នកត្រួសត្រាយពិសេសឬក៏ក្រុមជំនុំមួយដែលនៅជិតតំបន់នោះ អាចផ្សព្វផ្សាយនៅក្នុងតំបន់ដែលមិនទាន់កំណត់ឲ្យក្រុមជំនុំណាមួយនោះទេ។
▪ ប្រកាសនវត្ថុថ្មីដែលអាចត្រូវទទួលបាន:
បទទំនាយរបស់លោកអេសាយ គឺជាពន្លឺសំរាប់មនុស្សជាតិទាំងឡាយ ក្បាលទី១—អាល់បានី អារ៉ាប់ ក្រូអាស៊ី ឆេកូ ហ្វាំងឡង់ ហ្សកហ្សី អាឡឺម៉ង់ ហុងគ្រី រ៉ូម៉ានី ស៊ើបៀ ស្រាអាណាតងង៉ូ អ៊ុយក្រែ។
តើស្មរបន្ទាល់ព្រះយេហូវ៉ាជាអ្នកណា? តើពួកគេជឿទៅលើអ្វី?—កូរ៉េ ព័រទុយហ្គេ វៀតណាម។
លោកអ្នកអាចធ្វើជាមិត្តសំឡាញ់របស់ព្រះ!—អាល់បានី អាំហារិក ប៊ុលហ្គារី ខ្មែរ ក្រូអាស៊ី ឆេកូ ដាណឺម៉ាក អាមេនីខាងកើត ហ្វីហ្សី ហ្វាំងឡង់ អាឡឺម៉ង់ ហេព្រើរ ហុងគ្រី អ៊ិឡូកូ លីទុយអានី ម៉ាសេដូន ណាវ៉ាហូ ប៉ាពាមេន្តូ ពើស៊ី ពុនចាប៊ី សាមោអិន ស៊ើបៀ ស៊ីនហាឡា ស្លូវ៉ាគី ថៃ តុងហ្គា ទ្វី អ៊ុយក្រែន។