សេចក្ដីជូនដំណឹង
◼ ឧបករណ៍ផ្សាយសំរាប់ខែមិថុនា: សៀវភៅរឿងព្រះគម្ពីររបស់ខ្ញុំ។ បើមនុស្សប្រាប់ថា ពួកគេគ្មានកូនទេ សូមផ្ដល់សៀវភៅស្តើងតម្រូវ។ ពេលដែលប្រើសៀវភៅស្តើងនេះ សូមខំព្យាយាមចាប់ផ្ដើមការសិក្សាព្រះគម្ពីរ។ កក្កដា និងសីហា: សៀវភៅស្តើងណាដែលមាន៣២ទំព័រ ដូចជា: តើព្រះពិតជាស្រឡាញ់មនុស្សយើងមែនឬ? ចូរសប្បាយនឹងជីវិតនៅលើផែនដីជានិរន្តរ៍ «មើល! អញធ្វើទាំងអស់ឡើងជាថ្មី» ស្មរបន្ទាល់ព្រះយេហូវ៉ា តើពួកគេជាអ្នកណា? តើគេជឿអ្វីខ្លះ? វិញ្ញាណនៃមនុស្សស្លាប់ តើគេអាចជួយអ្នកឬក៏ធ្វើទុក្ខដល់អ្នក? តើពិតជាមានវិញ្ញាណនៃមនុស្សស្លាប់មែនឬ? រដ្ឋាភិបាលដែលនឹងនាំមកនូវទីមនោរម តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? និងរបៀបទទួលបានជីវិតដ៏គាប់ចិត្ត។ កញ្ញា: អ្នកអាចរស់នៅជានិរន្តរ៍ក្នុងសួនមនោរម្យនៅលើផែនដី។
◼ ដើម្បីធ្វើឲ្យប្រាកដនូវសុវត្ថិភាពនៃសាលព្រះរាជាណាចក្រ នោះបុគ្គលដែលចេញពីសាលប្រជុំក្រោយគេត្រូវចាក់សោបិទទ្វារបិទបង្អួច ហើយបើសាលប្រជុំមានដាក់សារ៉ែន ក៏ត្រូវបើកវាដែរ។ បើបុគ្គលនោះពុំអាចចាក់សោបិទទ្វារបិទបង្អួចឬបើកសារ៉ែនទេ គាត់ត្រូវទូរស័ព្ទហៅបុគ្គលដែលចេះ រួចគាត់ត្រូវចាំទំរាំបុគ្គលនោះមកដល់សិន។ អ្នកចាស់ទុំត្រូវរក្សាទុកបញ្ជីអ្នកកាន់សោនៃសាលព្រះរាជាណាចក្រដែលទទួលខុសត្រូវក្នុងក្រុមជំនុំ។
◼ នៅកិច្ចបំរើព្រះរាជាណាចក្រយើង ខែកញ្ញានឹងមានពត៌មានដែលពិនិត្យមើលវីដេអូស្តីពីការគោរពអំណាចរបស់ព្រះយេហូវ៉ា។ កាសែតវីដេអូនេះមានជាភាសាគរបស់ជនជាតិអាមេរិក ចិន អង់គ្លេស ជប៉ុន និងអេស្ប៉ាញ៉ុល។ ក្រុមជំនុំទាំងឡាយត្រូវបានរំឭកឲ្យស្នើសុំកាសែតវីដេអូដែលមានក្នុងបញ្ជីស្នើសុំប្រកាសនវត្ថុក្រុមជំនុំប្រចាំខែជាបន្ទាប់។