ភាគទី៦
តើយើងទាញយកមេរៀនអ្វីពីទឹកជំនន់នោះ?
ព្រះបានបំផ្លាញមនុស្សអាក្រក់ តែលោកបានសង្គ្រោះណូអេនិងក្រុមគ្រួសាររបស់គាត់។ ដើមកំណើត ៧:១១, ១២, ២៣
មានភ្លៀងធ្លាក់អស់៤០ថ្ងៃនិង៤០យប់។ ទឹកបានជន់លិចផែនដីទាំងមូល។ មនុស្សអាក្រក់ស្លាប់ទាំងអស់។
ទេវតាដែលប្រឆាំងព្រះបានបោះបង់រូបកាយជាមនុស្ស ហើយបានក្លាយទៅជាវិញ្ញាណកំណាច។
អស់អ្នកដែលនៅក្នុងទូកធំបានរួចជីវិត។ ទោះជាណូអេ និងក្រុមគ្រួសាររបស់គាត់បានស្លាប់ក្រោយមកក៏ដោយ ព្រះនឹងប្រោសពួកគាត់ឲ្យរស់ឡើងវិញ ទាំងឲ្យ ពួកគាត់មានសេចក្ដីសង្ឃឹមរស់ជារៀងរហូត។
ម្ដងទៀត ព្រះនឹងបំផ្លាញមនុស្សអាក្រក់ ហើយសង្គ្រោះមនុស្សល្អ។ ម៉ាថាយ ២៤:៣៧-៣៩
សាថាននិងពួកវិញ្ញាណកំណាចនៅតែបំភាន់មនុស្សនៅឡើយ។
សព្វថ្ងៃនេះដូចនៅសម័យណូអេដែរ មនុស្សជាច្រើនមិនព្រមធ្វើតាមការណែនាំដែលព្រះយេហូវ៉ាឲ្យដោយសេចក្ដីស្រឡាញ់ទេ។ មិនយូរទៀត ព្រះយេហូវ៉ានឹងបំផ្លាញអស់អ្នកដែលធ្វើអំពើអាក្រក់។—ពេត្រុសទី២ ២:៥, ៦
មនុស្សខ្លះគឺដូចណូអេ។ ពួកគេស្ដាប់ព្រះ ហើយធ្វើអ្វីដែលលោកណែនាំឲ្យធ្វើ។ ពួកគេគឺជាសាក្សីព្រះយេហូវ៉ា។