ចូរខំព្យាយាមក្នុងកិច្ចបម្រើផ្សាយ | ចូរបង្កើនអំណររបស់អ្នកក្នុងកិច្ចបម្រើផ្សាយ
ជំរុញចិត្តសិស្សគម្ពីរ
ការស្ដាប់បង្គាប់ព្រះផុសចេញពីដួងចិត្តយើង។ (សុភ. ៣:១) ហេតុនេះ ពេលយើងបង្រៀនសិស្សគម្ពីរ យើងត្រូវខិតខំជំរុញចិត្តពួកគេ។ តើតាមរបៀបណា?
ការបង្រៀនសេចក្ដីពិតទៅសិស្សគម្ពីរប៉ុណ្ណោះគឺមិនគ្រប់គ្រាន់ទេ។ ប៉ុន្តែ សូមជួយគាត់ឲ្យយល់ថាព័ត៌មាននោះជាប់ទាក់ទងនឹងជីវិតគាត់ និងចំណងមិត្តភាពរបស់គាត់ផ្ទាល់ជាមួយព្រះយេហូវ៉ា។ ជួយគាត់ឲ្យយល់នូវរបៀបដែលខ្នាតតម្រាក្នុងគម្ពីរបង្ហាញសេចក្ដីស្រឡាញ់ គុណធម៌ និងសេចក្ដីសុចរិតរបស់ព្រះ។ ដោយភាពប៉ិនប្រសប់ សូមសួរគាត់នូវសំណួរដែលបញ្ជាក់អំពីអារម្មណ៍របស់គាត់ចំពោះអ្វីដែលគាត់កំពុងរៀន។ ជួយគាត់ឲ្យគិតអំពីប្រយោជន៍ដែលគាត់អាចទទួលបើគាត់ផ្លាស់ប្ដូរទស្សនៈ ឬការប្រព្រឹត្តដែលមិនត្រឹមត្រូវ។ ពេលដែលអ្នកឃើញសិស្សគម្ពីរស្រឡាញ់ព្រះយេហូវ៉ាចេញពីចិត្ត នោះនឹងធ្វើឲ្យអ្នកមានអំណរកាន់តែខ្លាំងឡើង។
សូមទស្សនាវីដេអូចូរមានអំណរក្នុងការជួយមនុស្សឲ្យក្លាយទៅជាអ្នកបម្រើព្រះយេហូវ៉ា ដោយបង្កើនភាពប៉ិនប្រសប់ក្នុងកិច្ចបម្រើផ្សាយ ជំរុញចិត្តសិស្សគម្ពីរ។ រួចឆ្លើយសំណួរដូចតទៅនេះ៖
ហេតុអ្វីនីតាសួរហ្គិចថា៖ «ប្អូននៅចាំអ្វីដែលយើងរៀនកាលពីថ្ងៃច័ន្ទទេ?»
តើតាមរបៀបណានីតាបានជួយហ្គិចឲ្យយល់នូវរបៀបដែលខ្នាតតម្រាគម្ពីរបង្ហាញសេចក្ដីស្រឡាញ់ដែលព្រះយេហូវ៉ាមានចំពោះគាត់?
បើយើងជំរុញចិត្តសិស្សគម្ពីរ គាត់នឹងកាន់តែចង់ចូលទៅជិតព្រះយេហូវ៉ា
តើតាមរបៀបណានីតាបានជួយហ្គិចឲ្យគិតអំពីរបៀបដែលគាត់អាចបង្ហាញសេចក្ដីស្រឡាញ់ចំពោះព្រះ?