បណ្ណាល័យអ៊ីនធឺណិតរបស់ប៉មយាម

«តើអ្នកណាស្គាល់គំនិតរបស់ព្រះយេហូវ៉ា?»

ទស្សនាវដ្ដីប៉មយាម ២០១០ | ១ តុលា
- ១៤. តើម៉ូសេមានប្រតិកម្មយ៉ាងណា ចំពោះពាក្យសម្ដីរបស់ព្រះយេហូវ៉ាទៅកាន់គាត់?
  
  ^១៤ កំណត់ហេតុនោះបន្តចែងថា៖ «ម៉ូសេទូលអង្វរដល់ព្រះយេហូវ៉ាជាព្រះនៃលោកថា ឱព្រះយេហូវ៉ាអើយ ហេតុអ្វីបានជាទ្រង់មានសេចក្ដីក្រោធក្ដៅឡើងទាស់នឹងរាស្ត្រទ្រង់ ដែលទ្រង់បាននាំចេញពីស្រុកអេស៊ីព្ទមកដោយព្រះចេស្ដាដ៏ធំ ហើយដោយព្រះហស្តខ្លាំងពូកែដូច្នេះ ហេតុអ្វីបានជាបើកឱកាសឲ្យសាសន៍អេស៊ីព្ទមានពាក្យតំណិះថា គឺព្រះចង់ធ្វើអាក្រក់ដល់គេហើយ បានជានាំគេចេញទៅដើម្បីនឹងសំឡាប់នៅទីភ្នំ ហើយនឹងបំផ្លាញគេពីផែនដីចេញយ៉ាងនេះ សូមទ្រង់បង្វែរសេចក្ដីក្រោធដ៏សហ័សរបស់ទ្រង់ ហើយប្រែព្រះហឫទ័យដែលទ្រង់បានគិតធ្វើឲ្យរាស្ត្រទ្រង់អន្តរាយនោះចេញ សូមទ្រង់នឹកចាំពីអ័ប្រាហាំ អ៊ីសាកហើយនឹងអ៊ីស្រាអែលជាអ្នកបំរើទ្រង់ ដែលទ្រង់បានស្បថនឹងអ្នកទាំងនោះ ដោយព្រះអង្គទ្រង់ថា‹អញនឹងចំរើនពូជឯងឲ្យបានដូចជាផ្កាយនៅលើមេឃ ឯស្រុកទាំងនេះដែលអញបានសន្យានឹងឯងថា នឹងឲ្យដល់ពូជឯងឲ្យគេបានទទួលទុកជាមរដកជារៀងរាបតទៅ› នោះព្រះយេហូវ៉ាទ្រង់ក៏ប្រែព្រះហឫទ័យ លែងគិតធ្វើឲ្យរាស្ត្ររបស់ទ្រង់អន្តរាយចេញទៅ»។—និក្ខ. ៣២:១១-១៤ a

«តើអ្នកណាស្គាល់គំនិតរបស់ព្រះយេហូវ៉ា?»

ទស្សនាវដ្ដីប៉មយាម ២០១០ | ១ តុលា
- ^១៦ ការតបឆ្លើយរបស់ម៉ូសេបង្ហាញជំនឿនិងទំនុកចិត្តរបស់គាត់ទៅលើយុត្ដិធម៌របស់ព្រះយេហូវ៉ា។ ប្រតិកម្មរបស់គាត់បង្ហាញថា គាត់មិនមែនគិតតែពីប្រយោជន៍របស់ខ្លួនទេ តែគាត់ខ្វល់ខ្វាយអំពីនាមរបស់ព្រះយេហូវ៉ាវិញ។ គាត់មិនចង់ឲ្យគេបង្ខូចនាមរបស់លោកឡើយ។ ហេតុនេះ ម៉ូសេបង្ហាញថាគាត់យល់«គំនិតរបស់ព្រះយេហូវ៉ា»ស្តីអំពីរឿងនេះ។ (១កូ. ២:១៦) តើមានលទ្ធផលអ្វី? ដោយសារព្រះយេហូវ៉ាមិនបានតាំងចិត្តយ៉ាងដាច់ខាតចំពោះការសម្រេចចិត្តណាមួយទេ នោះគម្ពីរចែងថាលោកបាន«ប្រែព្រះហឫទ័យ»។ នៅភាសាហេប្រឺ ឃ្លានេះគ្រាន់តែមានន័យថា ព្រះយេហូវ៉ាមិនបានបំផ្លាញចោលប្រជាជាតិអ៊ីស្រាអែលទាំងមូល ដូចលោកបានប្រាប់ថាលោកទំនងជាធ្វើនោះទេ។