បណ្ណាល័យអ៊ីនធឺណិតរបស់ប៉មយាម

ទំនាយទាំងឡាយដែលបានត្រូវសម្រេច

ព្រះគម្ពីរបន្ទូលនៃព្រះឬក៏ពាក្យសំដីនៃមនុស្ស?
- ៣២. ស្របតាមទំនាយដានីយ៉ែល កិច្ចបំរើនៃព្រះយេស៊ូលើផែនដី គឺមានរយៈពេលយូរប៉ុន្មាន ហើយអ្វីត្រូវកើតឡើងក្រោយពេលកិច្ចបំរើនេះ?
  
  ^៣២ ទំនាយទាយថែមទៀតថា៖ «លុះក្រោយពី៦២អាទិត្យ[នៃឆ្នាំ]នោះទៅ នោះអ្នកដែលបានចាក់ប្រេងតាំងឡើង នឹងត្រូវផ្ដាច់ចេញវិញ»។ ហើយក៏ទាយប្រាប់ទៀតថា៖ «ចៅហ្វាយនោះនឹងតាំងសញ្ញាយ៉ាងម៉ឺងម៉ាត់នឹងមនុស្សជាច្រើននៅរវាង១អាទិត្យ[ប្រាំពីរឆ្នាំ] តែដល់ពាក់កណ្ដាលអាទិត្យនោះ នឹងធ្វើឲ្យការថ្វាយយញ្ញបូជា នឹងដង្វាយឈប់ទៅ»។ (ដានីយ៉ែល ៩:២៦, ២៧) ស្របនឹងទំនាយនេះ ព្រះយេស៊ូយាងមកប្រកាសប្រាប់តែពួកសាសន៍យូដា ជា«មនុស្សជាច្រើន»នោះ។ ជួនកាល ទ្រង់ក៏ប្រកាសដល់ពួកសាម៉ារីដែលជឿបទគម្ពីរខ្លះ ប៉ុន្តែពួកគេបានបង្កើតនិកាយមួយផ្សេងពីសាសនាយូដាទូទៅ។ បន្ទាប់មក «ដល់ពាក់កណ្ដាលអាទិត្យ» ក្រោយពេលបានប្រកាសអស់រយៈបីឆ្នាំកន្លះ ទ្រង់ប្រទានជីវិតទ្រង់សម្រាប់ជាយញ្ញបូជា ហើយដូច្នេះក៏«ត្រូវផ្ដាច់ចេញ»។ នេះក៏ផ្ដាច់ក្រិត្យវិន័យលោកម៉ូសេ ទាំងការថ្វាយយញ្ញបូជានិងតង្វាយ។ (កាឡាទី ៣:១៣, ២៤, ២៥) ម្ល៉ោះហើយ ដោយថ្វាយជីវិតទ្រង់ ព្រះយេស៊ូក៏ធ្វើឲ្យ«ការថ្វាយយញ្ញបូជានឹងដង្វាយឈប់ទៅ»។

ទំនាយទាំងឡាយដែលបានត្រូវសម្រេច

ព្រះគម្ពីរបន្ទូលនៃព្រះឬក៏ពាក្យសំដីនៃមនុស្ស?
- ៣៤. ស្របនិងទំនាយដានីយ៉ែល តើអ្វីកើតឡើងដល់សាសន៍អ៊ីស្រាអែល ដោយព្រោះគេមិនទទួលព្រះមេស្ស៊ី?
  
  ^៣៤ ពីព្រោះសាសន៍អ៊ីស្រាអែលមិនទទួលព្រះយេស៊ូ ហើយរកគំនិតឲ្យគេធ្វើគុតទ្រង់ ព្រះយេហូវ៉ាមិនការពារគេទេ ពេលពួករ៉ូមមកកំទេចក្រុងយេរូសាឡិមចោល នៅឆ្នាំ៧០ស.យ.។ ដូច្នេះពាក្យថែមទៀតរបស់ដានីយ៉ែល ក៏ត្រូវសម្រេចថា៖ «រួចបណ្ដាទ័ពរបស់ចៅហ្វាយ១ដែលនឹងមក គេនឹងបំផ្លាញទីក្រុង នឹងទីបរិសុទ្ធបង់ ឯចុងបំផុតនៃការនោះនឹងបានដូចជាជំនន់ទឹក ក៏នឹងមានចំបាំងដរាបដល់ចុង»។ (ដានីយ៉ែល ៩:២៦ខ) «ចៅហ្វាយ»ទីពីរនេះគឺ ទីតុស ជាមេទ័ពរ៉ូមដែលកំទេចក្រុងយេរូសាឡិម នៅឆ្នាំ៧០ស.យ.។