-
ចូរនៅក្នុងចន្លោះភ្នំរបស់ព្រះយេហូវ៉ាដើម្បីទទួលការការរពីលោកទស្សនាវដ្ដីប៉មយាម ២០១៣ | ១៥ កុម្ភៈ
-
-
៨. (ក) ក្នុងគម្ពីរ តើភ្នំអាចជាតំណាងអ្វី? (ខ) តើ«ភ្នំដើមអូលីវ»ជាតំណាងអ្វី?
៨ យើងបានដឹងថា ក្នុងទំនាយនេះ «ទីក្រុង»នេះឬយេរូសាឡិមជាតំណាងរាជាណាចក្រព្រះ។ ដូច្នេះ តើ«ភ្នំដើមអូលីវដែលនៅប្រឈមនឹងក្រុងយេរូសាឡិម»ជាតំណាងអ្វី? តើតាមរបៀបណាភ្នំនោះនឹងត្រូវ«ពុះញែកជា២នៅចំពាក់កណ្ដាល» ហើយក្លាយទៅជាភ្នំពីរ? ហេតុអ្វីព្រះយេហូវ៉ាមានប្រសាសន៍ថាភ្នំនោះជា«ភ្នំរបស់អញ»? (សូមអាន សាការី ១៤:៣-៥) ក្នុងគម្ពីរភ្នំអាចជាតំណាងរាជាណាចក្រឬរដ្ឋាភិបាល។ ហេតុនេះ គម្ពីរច្រើនតែចែងថា ពរនិងការការពារគឺមកពីព្រះនៃភ្នំនោះ។ (ទំនុក. ៧២:៣; អេ. ២៥:៦, ៧) ដូច្នេះ ភ្នំដើមអូលីវជាតំណាងការគ្រប់គ្រងរបស់ព្រះយេហូវ៉ាទៅលើអ្វីៗទាំងអស់ដែលលោកបានបង្កើត។
-
-
ចូរនៅក្នុងចន្លោះភ្នំរបស់ព្រះយេហូវ៉ាដើម្បីទទួលការការរពីលោកទស្សនាវដ្ដីប៉មយាម ២០១៣ | ១៥ កុម្ភៈ
-
-
ការរត់ទៅចន្លោះភ្នំចាប់ផ្ដើមហើយ!
១១, ១២. (ក) តើរាស្ត្ររបស់ព្រះបានចាប់ផ្ដើមរត់ទៅចន្លោះភ្នំនោះនៅពេលណា? (ខ) តើអ្វីបង្ហាញថា ព្រះយេហូវ៉ាការពាររាស្ត្ររបស់លោក?
១១ លោកយេស៊ូបានព្រមានអ្នកកាន់តាមលោកថា៖ «ប្រជាជាតិទាំងឡាយនឹងស្អប់អ្នករាល់គ្នា ដោយសារអ្នកកាន់តាមខ្ញុំ»។ (ម៉ាថ. ២៤:៩) ការស្អប់នេះគឺកាន់តែខ្លាំងឡើងជាពិសេសតាំងពីឆ្នាំ១៩១៤ ក្នុងអំឡុងគ្រាចុងក្រោយបង្អស់នៃរបៀបរបបពិភពលោកនេះ។ ទោះជាក្នុងអំឡុងសង្គ្រាមលោកលើកទី១ សត្រូវរបស់គ្រិស្តសាសនិកដែលព្រះបានរើសតាំងដែលមិនទាន់ឡើងទៅស្ថានសួគ៌បានវាយប្រហារយ៉ាងឃោរឃៅទៅលើពួកគាត់ក៏ដោយ ពួកគេមិនអាចបំផ្លាញក្រុមអ្នកស្មោះត្រង់ទាំងនោះបានឡើយ។ នៅឆ្នាំ១៩១៩ពួកគាត់បានត្រូវរំដោះចេញពីកណ្ដាប់ដៃនៃបាប៊ីឡូនដ៏ខ្លាំងក្លា ដែលជាសាសនាមិនពិតទាំងអស់។ (បប. ១១:១១, ១២)a គឺនៅឆ្នាំនោះហើយដែលរាស្ត្ររបស់ព្រះយេហូវ៉ាបានចាប់ផ្ដើមរត់ទៅចន្លោះភ្នំនោះ។
១២ តាំងពីឆ្នាំ១៩១៩ ព្រះយេហូវ៉ាបានបន្តការពារអ្នកគោរពប្រណិប័តន៍ពិតនៅគ្រប់កន្លែងនៅផែនដី។ អស់ជាច្រើនទសវត្សរ៍ រដ្ឋាភិបាលជាច្រើនបានព្យាយាមបញ្ឈប់សាក្សីព្រះយេហូវ៉ាមិនឲ្យផ្សព្វផ្សាយឬបានដាក់បម្រាមលើសៀវភៅរបស់ពួកគេ។ នេះកំពុងកើតឡើងនៅប្រទេសខ្លះ។ ប៉ុន្តែ ព្រះយេហូវ៉ាមិនបានអនុញ្ញាតឲ្យរដ្ឋាភិបាលទាំងនេះបំផ្លាញការគោរពប្រណិប័តន៍ពិតឡើយ។ ទោះជារដ្ឋាភិបាលរបស់មនុស្សប្រហែលជាធ្វើអ្វីក៏ដោយ ព្រះយេហូវ៉ានឹងបន្តប្រើឫទ្ធានុភាពដ៏ខ្លាំងក្លាបំផុតរបស់លោកដើម្បីការពាររាស្ត្ររបស់លោក។—ចោ. ១១:២
១៣. តើតាមរបៀបណាយើងនៅក្នុងចន្លោះភ្នំរបស់ព្រះយេហូវ៉ាដែលការពារយើង ហើយហេតុអ្វីឥឡូវនេះការធ្វើដូច្នោះគឺសំខាន់ជាងមុនទៅទៀត?
១៣ បើយើងកាន់ខ្ជាប់តាមព្រះយេហូវ៉ា ហើយកាន់ជំហរមាំមួនក្នុងសេចក្ដីពិត លោកនិងលោកយេស៊ូគ្រិស្តដែលជាបុត្ររបស់លោកនឹងបំពេញភារកិច្ចរបស់លោក ហើយព្រះនឹងមិនអនុញ្ញាតឲ្យអ្នកណាឬអ្វីក៏ដោយ ‹ឆក់យកយើងពីដៃរបស់លោក›ឡើយ។ (យ៉ូន. ១០:២៨, ២៩) ព្រះយេហូវ៉ាប្រុងប្រៀបផ្ដល់ជំនួយអ្វីក៏ដោយដែលយើងត្រូវការដើម្បីយើងអាចស្ដាប់បង្គាប់លោកជាមហាក្សត្រសកលលោក និងអាចរក្សាភក្ដីភាពចំពោះរាជាណាចក្ររបស់មេស្ស៊ី។ ជាការសំខាន់ណាស់ដែលយើងនៅក្នុងចន្លោះភ្នំដែលការពារយើង ពីព្រោះចន្លោះភ្នំនោះនឹងមានអត្ថន័យកាន់តែខ្លាំងឡើងចំពោះអ្នកគោរពប្រណិប័តន៍ពិត ក្នុងអំឡុងគ្រាទុក្ខវេទនាជាខ្លាំងដែលកំពុងឆ្ពោះមកយ៉ាងលឿន។
-