-
«សូមប្រាប់យើង តើការទាំងនេះនឹងកើតឡើងនៅពេលណា?»ទស្សនាវដ្ដីប៉មយាម ២០១៣ | ១៥ កក្កដា
-
-
១៦. តើខគម្ពីរណាទៀតដែលបានរៀបរាប់អំពីការមករបស់លោកយេស៊ូ?
១៦ ស្តីអំពីខ្ញុំបម្រើដ៏ស្មោះត្រង់ហើយចេះពិចារណា លោកយេស៊ូមានប្រសាសន៍ថា៖ «ខ្ញុំបម្រើនោះមានសុភមង្គលហើយ! ប្រសិនបើម្ចាស់មកដល់ហើយឃើញថាគាត់កំពុងធ្វើដូច្នោះមែន»។ ក្នុងឧទាហរណ៍អំពីស្ត្រីក្រមុំបរិសុទ្ធ លោកយេស៊ូមានប្រសាសន៍ថា៖ «ពេលដែលស្ត្រីទាំងនោះចេញទៅទិញប្រេង នោះកូនកំលោះបានមកដល់»។ ក្នុងឧទាហរណ៍អំពីប្រាក់ថាលិន លោកយេស៊ូរៀបរាប់ថា៖ «លុះយូរក្រោយមក ម្ចាស់របស់ខ្ញុំបម្រើទាំងនោះបានមកដល់»។ ក្នុងឧទាហរណ៍ដដែលនោះ ម្ចាស់នោះនិយាយថា៖ «ពេលខ្ញុំត្រឡប់មកវិញខ្ញុំអាចទទួលប្រាក់របស់ខ្ញុំ»។ (ម៉ាថ. ២៤:៤៦; ២៥:១០, ១៩, ២៧) តើបទគម្ពីរយោងទាំងបួននេះស្តីអំពីការមករបស់លោកយេស៊ូសំដៅលើគ្រាមួយណា?
១៧. តើយើងធ្លាប់ប្រាប់យ៉ាងណាស្តីអំពីការមករបស់លោកយេស៊ូដែលបានរៀបរាប់នៅម៉ាថាយ ២៤:៤៦?
១៧ កាលពីមុន យើងបានសរសេរក្នុងសៀវភៅរបស់យើងថា ខគម្ពីរយោងទាំងបួនចុងក្រោយនេះជាប់ទាក់ទងនឹងការមករបស់លោកយេស៊ូនៅឆ្នាំ១៩១៨។ ជាឧទាហរណ៍ សូមពិចារណាការបញ្ជាក់របស់លោកយេស៊ូអំពី«ខ្ញុំបម្រើដ៏ស្មោះត្រង់ហើយចេះពិចារណា»។ (សូមអាន ម៉ាថាយ ២៤:៤៥-៤៧) យើងបានយល់ថា ការ«មកដល់»ដែលបានរៀបរាប់នៅខ៤៦ គឺជាប់ទាក់ទងនឹងពេលវេលាដែលលោកយេស៊ូបានមកនៅឆ្នាំ១៩១៨ ដើម្បីត្រួតពិនិត្យស្ថានភាពនៃការគោរពប្រណិប័តន៍របស់ពួកអ្នកដែលបានត្រូវរើសតាំង ហើយបានយល់ថា ការតែងតាំងខ្ញុំបម្រើឲ្យមើលការខុសត្រូវលើទ្រព្យសម្បត្ដិទាំងអស់របស់លោកម្ចាស់បានកើតឡើងនៅឆ្នាំ១៩១៩។ (ម៉ាឡ. ៣:១) ប៉ុន្តែការពិចារណាថែមទៀតអំពីទំនាយរបស់លោកយេស៊ូបង្ហាញថា យើងត្រូវកែតម្រូវការយល់ដឹងរបស់យើងអំពីពេលវេលាដែលផ្នែកខ្លះនៃទំនាយរបស់លោកយេស៊ូនឹងត្រូវសម្រេច។ ហេតុអ្វីដូច្នេះ?
១៨. ពេលពិចារណាទំនាយរបស់លោកយេស៊ូទាំងមូល តើនាំឲ្យយើងសន្និដ្ឋានយ៉ាងណាអំពីការមករបស់លោកយេស៊ូ?
១៨ ក្នុងខគម្ពីរទាំងប៉ុន្មានមុនម៉ាថាយ ២៤:៤៦ ពាក្យ«មក»តែងតែសំដៅលើពេលដែលលោកយេស៊ូមកដើម្បីប្រកាសអំពីការវិនិច្ឆ័យទោសនិងដើម្បីដាក់ទោសមនុស្សទុច្ចរិតក្នុងអំឡុងគ្រាទុក្ខវេទនាជាខ្លាំង។ (ម៉ាថ. ២៤:៣០, ៤២, ៤៤) ម្យ៉ាងទៀត ដូចដែលយើងបានពិចារណានៅវគ្គ១២ ការ«មក»របស់លោកយេស៊ូដែលបានរៀបរាប់នៅម៉ាថាយ ២៥:៣១ សំដៅលើគ្រាតែមួយ គឺគ្រាវិនិច្ឆ័យនៅអនាគត។ ដូច្នេះជាការសមហេតុផលដែលយើងសន្និដ្ឋានថា ការ«មក»របស់លោកយេស៊ូដើម្បីតែងតាំងខ្ញុំបម្រើដ៏ស្មោះត្រង់ឲ្យមើលការខុសត្រូវលើទ្រព្យសម្បត្ដិទាំងអស់របស់លោក ដែលបានរៀបរាប់នៅម៉ាថាយ ២៤:៤៦, ៤៧ ក៏ជាប់ទាក់ទងនឹងការមករបស់លោកនៅពេលអនាគតដែរ គឺក្នុងអំឡុងគ្រាទុក្ខវេទនាជាខ្លាំង។f មែនហើយ ការពិចារណាទំនាយរបស់លោកយេស៊ូទាំងមូល បញ្ជាក់ច្បាស់ថាខគម្ពីរយោងទាំង៨ អំពីការមករបស់លោកយេស៊ូ គឺជាប់ទាក់ទងនឹងការវិនិច្ឆ័យនៅពេលអនាគតក្នុងអំឡុងគ្រាទុក្ខវេទនាជាខ្លាំង។
-
-
«សូមប្រាប់យើង តើការទាំងនេះនឹងកើតឡើងនៅពេលណា?»ទស្សនាវដ្ដីប៉មយាម ២០១៣ | ១៥ កក្កដា
-
-
e វគ្គ១៥: ពាក្យ«មក»និងពាក្យ«មកដល់»បកប្រែមកពីកិរិយាស័ព្ទក្រិចតែមួយគឺពាក្យអឺខូម៉ាអ៊ី។
f វគ្គ១៨: ដូចយើងបានរៀន ពាក្យក្រិចដែលបានបកប្រែថា«មកដល់»នៅម៉ាថាយ ២៤:៤៦ គឺមកពីកិរិយាស័ព្ទក្រិចតែមួយដែលបានត្រូវបកប្រែថា«មក»នៅម៉ាថាយ ២៤:៣០, ៤២, ៤៤។
-