-
ការទាក់ទាញចិត្តរបស់ញាតិសន្ដានដែលមិនជឿទស្សនាវដ្ដីប៉មយាម ២០១៤ | ១៥ មីនា
-
-
នៅសតវត្សរ៍ទី១ អនទ្រេគឺជាមនុស្សម្នាក់ក្នុងចំណោមមនុស្សដំបូងដែលបានដឹងថាលោកយេស៊ូជាមេស្ស៊ី។ តើភ្លាមនោះគាត់បានប្រាប់អ្នកណាអំពីអ្វីដែលគាត់រកឃើញ? «មុនបង្អស់ គាត់[អនទ្រេ]ទៅរកស៊ីម៉ូន ជាបងប្រុសរបស់គាត់ លុះឃើញហើយក៏ប្រាប់ថា៖ ‹យើងរកឃើញមេស្ស៊ីហើយ› (ដែលមានន័យថា គ្រិស្ត)»។ អនទ្រេបាននាំពេត្រុសទៅលោកយេស៊ូ។ ដោយធ្វើដូច្នោះ គាត់ផ្ដល់ឱកាសឲ្យពេត្រុសក្លាយទៅជាអ្នកកាន់តាមម្នាក់របស់លោកយេស៊ូ។—យ៉ូន. ១:៣៥-៤២
-
-
ការទាក់ទាញចិត្តរបស់ញាតិសន្ដានដែលមិនជឿទស្សនាវដ្ដីប៉មយាម ២០១៤ | ១៥ មីនា
-
-
តើយើងអាចទាញមេរៀនអ្វីពីរបៀបដែលអនទ្រេនិងកូនេលាសបានប្រព្រឹត្តចំពោះញាតិសន្ដានរបស់ពួកគាត់?
ទាំងអនទ្រេទាំងកូនេលាសបានចាត់វិធានការ។ អនទ្រេបានណែនាំដោយផ្ទាល់ឲ្យលោកយេស៊ូស្គាល់ពេត្រុស ហើយកូនេលាសបានរៀបចំឲ្យញាតិសន្ដានគាត់ឮអ្វីដែលពេត្រុសត្រូវនិយាយ។ ប៉ុន្តែ អនទ្រេនិងកូនេលាសមិនបានបង្ខំ ឬព្យាយាមប្រើមធ្យោបាយផ្សេងៗដោយមិនឲ្យពួកគេដឹង ដើម្បីឲ្យពួកគេក្លាយទៅជាអ្នកកាន់តាមគ្រិស្តឡើយ។ តើអ្នកអាចទាញមេរៀនមួយពីរឿងនោះឬទេ? យើងគួរប្រព្រឹត្តស្រដៀងគ្នានេះដែរ។ យើងប្រហែលជាអាចប្រាប់គំនិតខ្លះដល់ញាតិសន្ដានរបស់យើង ហើយបង្កើតឱកាសឲ្យពួកគាត់ស្គាល់សេចក្ដីពិតពីគម្ពីរនិងបងប្អូនរួមជំនឿ។ ប៉ុន្តែ យើងគោរពសិទ្ធិសេរីភាពរបស់ពួកគាត់ក្នុងការសម្រេចចិត្ត ហើយជៀសវាងការបង្ខិតបង្ខំដែលនាំឲ្យពួកគាត់មិនសប្បាយចិត្ត។ ដើម្បីបញ្ជាក់អំពីរបៀបដែលយើងអាចជួយញាតិសន្ដានរបស់យើង សូមពិចារណាគំរូរបស់យួហ្គិននិងប៉េត្រា ដែលជាប្ដីប្រពន្ធមួយគូនៅប្រទេសអាឡឺម៉ង់។
-