បណ្ណាល័យអ៊ីនធឺណិតរបស់ប៉មយាម

សូមប្រើសៀវភៅស្ដើងដើម្បីទាក់ទាញចិត្ដគំនិតមនុស្ស

១៩៩៨ កិច្ចបម្រើព្រះ | សីហា
- សូមប្រើសៀវភៅស្តើងដើម្បីទាក់ទាញចិត្តគំនិតមនុស្ស
  
  ^១ សេចក្ដីពិតនៃព្រះគម្ពីរគួរត្រូវសម្ដែង ដើម្បីទាក់ទាញចិត្តគំនិតមនុស្ស។ ពេលដែលព្រះយេស៊ូបានពន្យល់សេចក្ដីពិតដល់អ្នកស្ដាប់របស់ទ្រង់ ទ្រង់បានជ្រើសរើសរឿងណាដែលមានការចាប់អារម្មណ៍ ហើយជម្រុញទឹកចិត្តរបស់ពួកគេ។ (លូកា ២៤:១៧, ២៧, ៣២, ៤៥) ការមានជោគជ័យនៃកិច្ចបំរើរបស់យើង គឺពឹងពាក់ច្រើនទៅលើការខំប្រឹង ដើម្បីសម្គាល់សេចក្ដីត្រូវការខាងវិញ្ញាណនៃពួកអ្នកស្ដាប់របស់យើង។
  
  ^២ សៀវភៅស្តើងអាចជាឧបករណ៍ដ៏មានប្រសិទ្ធិភាពសំរាប់ទាក់ទាញចិត្តគំនិតនៃអស់អ្នកណាដែលយើងជួបក្នុងកិច្ចបំរើផ្សាយ។ សូមគិតទុកជាមុនចំពោះអ្នកណាដែលប្រហែលនឹងចាប់អារម្មណ៍លើសារក្នុងសៀវភៅស្តើងនិមួយៗដែលកំពុងប្រើក្នុងខែសីហានេះ:
  
  —តើព្រះពិតជាស្រឡាញ់មនុស្សយើងមែនឬ? មនុស្សណាដែលបានព្រួយបារម្ភខាងការចិញ្ចឹមខ្លួន ឬក៏អ្នកណាដែលពិសោធន៍សោកនាដកម្ម នោះនឹងអបអរសារពីការសម្រាលទុក្ខអំពីអនាគត ដែលរួចផុតពីការរងទុក្ខវេទនា។
  
  —តើអ្វីជាគោលបំណងនៃជីវិត? តើអ្នកអាចរកឃើញយ៉ាងដូចម្ដេច? យុវជនណាដែលកំពុងតែគិតយ៉ាងប្រាកដប្រជាអំពីអនាគតរបស់គេ នឹងទទួលប្រយោជន៍ពីចម្លើយដែលមានមូលដ្ឋានពីព្រះគម្ពីរ ក្នុងសៀវភៅស្តើងនេះ។
  
  —ចូរសប្បាយនឹងជីវិតនៅលើផែនដីជានិរន្តរ៍! រូបភាពហើយនិងបទគម្ពីរជាច្រើន នឹងជួយពួកក្មេងៗ ហើយអ្នកណាដែលចេះអានតិចតួច ឲ្យយល់អំពីគោលបំណងរបស់ព្រះ។
  
  —រដ្ឋាភិបាលដែលនឹងនាំមកនូវទីមនោរម្យ អ្នកណាដែលធ្លាប់មានការទាក់ទងជាមួយរដ្ឋាភិបាល ប្រហែលយកចិត្តទុកដាក់នូវរបៀប ដែលព្រះរាជាណាចក្រនឹងដោះស្រាយបញ្ហាដ៏ពិបាករបស់មនុស្ស។
  
  ^៣ ចូរអ្នកធ្វើយ៉ាងណាឲ្យបានស្គាល់សៀវភៅស្តើងៗទាំងនេះ ហើយគិតធ្វើយ៉ាងណា ដើម្បីប្រើតាមកន្លែងផ្សាយរបស់អ្នកឲ្យបានប្រសើរ។ បើចង់បាននូវរបៀបនិយាយ សូមមើល កិច្ចបំរើព្រះរាជាណាចក្រយើង ខែកក្កដា ឆ្នាំ១៩៩៨នៅទំព័រខាងក្រោយ។ សូមឲ្យព្រះយេហូវ៉ាប្រទានពរដល់ការខំប្រឹងរបស់អ្នក ដើម្បីទាក់ទាញចិត្តគំនិតមនុស្ស។—ម៉ាកុស ៦:៣៤

អ្នកត្រួតពិនិត្យដែលនាំមុខ—ប្រធានត្រួតពិនិត្យ

១៩៩៨ កិច្ចបម្រើព្រះ | សីហា
- អ្នកត្រួតពិនិត្យដែលនាំមុខ—ប្រធានត្រួតពិនិត្យ
  
  ^១ ការបំរើជាអ្នកត្រួតពិនិត្យក្នុងក្រុមជំនុំ ជាកិច្ចការដ៏សំខាន់មួយ។ (កិច្ចការ ២០:២៨; ធីម៉ូថេទី១ ៣:១) នេះជាអត្ថបទទីមួយនៃអត្ថបទមួយចំនួន ដែលនឹងបង្ហាញអំពីកិច្ចការជាច្រើននៃអ្នកចាស់ទុំគ្រីស្ទាន ដើម្បីឲ្យយើងគ្រប់គ្នាមានការអបអរនឹងកិច្ចការដ៏សំខាន់ ដែលពួកគេធ្វើសំរាប់យើង។
  
  ^២ សមាគមតែងតាំងប្រធានត្រួតពិនិត្យឲ្យបំរើមួយរយៈពេល។ កាលដែលប្រធានត្រួតពិនិត្យរៀបចំចាត់ចែងអ្វីមួយ នេះនឹងជួយពួកអ្នកចាស់ទុំ ឲ្យយកចិត្តទុកដាក់លើកិច្ចការរបស់គេឲ្យបានដិតដល់។ (កិច្ចបំរើយើង ទំព័រ ៤២) តើនេះតម្រូវអ្វីខ្លះ?
  
  ^៣ ប្រធានត្រួតពិនិត្យទទួលសំបុត្រក្រុមជំនុំ ហើយក៏ឲ្យទៅស្មៀនយ៉ាងឆាប់រហ័ស។ ក្នុងការរៀបចំកិច្ចប្រជុំនៃអ្នកចាស់ទុំ ប្រធានត្រួតពិនិត្យទទួលយកយោបល់ពីអ្នកចាស់ទុំ អំពីរឿងដែលចាំបាច់ត្រូវការពិគ្រោះគ្នា ហើយប្រមូលរឿងដែលត្រូវពិភាក្សា។ កាលណាបានសំរេចសេចក្ដីហើយ គាត់នឹងធ្វើយ៉ាងណាដើម្បីឲ្យមានការអនុវត្តដ៏ត្រឹមត្រូវ។ គាត់មើលខុសត្រូវក្នុងការរៀបចំកិច្ចប្រជុំអប់រំ ហើយធ្វើតារាងនៃការអធិប្បាយសាធារណៈ។ គាត់យល់ព្រមដល់សេចក្ដីជូនដំណឹងទាំងអស់ ដែលទាក់ទងទៅលើក្រុមជំនុំ ហើយយល់ព្រមការសងប្រាក់ទៅលើការចំណាយផ្សេងៗ ហើយធានាមើលខុសត្រូវ មានការពិនិត្យមើលបញ្ជីបាបត្រឹមត្រូវបីខែម្ដង ក្នុងក្រុមជំនុំ។
  
  ^៤ ជាអ្នកបើកកម្មវិធី ប្រធានត្រួតពិនិត្យរៀបចំកិច្ចការនៃគណៈកម្មាធិការបំរើក្រុមជំនុំ។ ពេលដែលសិស្សព្រះគម្ពីរមានគោលបំណងចង់ធ្វើជាអ្នកផ្សាយដែលមិនទាន់ជ្រមុជទឹក ឬក៏ពេលដែលអ្នកផ្សាយដែលមិនទាន់ជ្រមុជទឹកចង់ធ្វើបុណ្យជ្រមុជទឹក ប្រធានត្រួតពិនិត្យរៀបចំឲ្យពួកអ្នកចាស់ទុំជួបពិគ្រោះជាមួយគាត់។ ប្រធានត្រួតពិនិត្យក៏ធ្វើជាអ្នកនាំមុខ ក្នុងការរៀបចំពេលដែលអ្នកត្រួតពិនិត្យមណ្ឌលមកតាមក្រុមជំនុំ ដើម្បីឲ្យក្រុមជំនុំទទួលប្រយោជន៍ពេញលេញពីសប្ដាហ៍ពិសេសនេះ។
  
  ^៥ កិច្ចការនៃប្រធានត្រួតពិនិត្យ គឺច្រើនហើយផ្សេងៗពីគ្នាទៀត។ កាលដែលគាត់មើលខុសត្រូវនឹងកិច្ចការ«ដោយឧស្សាហ៍» នោះយើងទាំងអស់គ្នាអាចមានចំណែករៀងៗខ្លួន ក្នុងការចុះចូលជាមួយពួកអ្នកចាស់ទុំ។ (រ៉ូម ១២:៨) ប្រសិនជាយើង«ស្ដាប់តាម» ហើយ«ចុះចូល»នឹងពួកអ្នកដែលនាំមុខក្នុងចំណោមយើងរាល់គ្នា នោះពួកគេអាចធ្វើកិច្ចការរបស់គេពេញដោយអំណរ។—ហេព្រើរ ១៣:១៧