បណ្ណាល័យអ៊ីនធឺណិតរបស់ប៉មយាម

អង្គការមួយដែលធ្វើតាមបំណងព្រះហឫទ័យព្រះយេហូវ៉ា

២០០៧ កិច្ចបម្រើព្រះ | មេសា
- ការនាំមនុស្សដែលចាប់អារម្មណ៍ឲ្យស្គាល់ អង្គការរបស់ព្រះយេហូវ៉ា
  
  ពេលដែលយើងដឹកនាំការសិក្សាព្រះគម្ពីរ និងជួយមនុស្សឲ្យក្លាយទៅជាសិស្សរបស់ព្រះយេស៊ូគ្រិស្ត គេបានស្គាល់ព្រះយេហូវ៉ា ហើយចូលរួមជាមួយយើងក្នុងក្រុមជំនុំ។ ក្រុមជំនុំត្រូវបានរៀបចំតាមការណែនាំរបស់ព្រះយេហូវ៉ាដើម្បីធ្វើតាមព្រះហឫទ័យរបស់ទ្រង់។ បើយើងជួយសិស្សព្រះគម្ពីរឲ្យស្គាល់សាសនាមួយណាជាអង្គការរបស់ព្រះយេហូវ៉ា និងសហការជាមួយអង្គការនោះ សិស្សព្រះគម្ពីរនឹងបានរីកចម្រើន ហើយមានភាពចាស់ទុំខាងការអនុវត្តតាមចំណេះព្រះគម្ពីរ។ ការបង្រៀនសិស្សព្រះគម្ពីរពីរបៀបសហការជាមួយអង្គការរបស់ព្រះយេហូវ៉ាគឺចាំបាច់។
  
  ដើម្បីធ្វើដូច្នេះ អ្នកអាចប្រើវីដេអូនិងសៀវភៅស្តើងដែលត្រូវបានរៀបចំសម្រាប់គោលបំណងនោះ។ ព័ត៌មានខ្លះក្នុងជំពូកទី៤នៃសៀវភៅនេះក៏អាចជួយដែរ។
  
  ចាប់ពីដើមដំបូងដែលអ្នកនិយាយជាមួយអ្នកចាប់អារម្មណ៍អំពីព្រះគម្ពីរ នោះសូមជួយគេឲ្យយល់ថាព្រះកំពុងតែប្រើអង្គការមួយដើម្បីសម្រេចកិច្ចការរបស់ទ្រង់នៅលើផែនដីសព្វថ្ងៃនេះ។ ចូរបង្ហាញថាសៀវភៅដែលមានមូលដ្ឋានទៅលើព្រះគម្ពីរដែលស្មរបន្ទាល់ព្រះយេហូវ៉ាប្រើដើម្បីសិក្សាព្រះគម្ពីរគឺមានតម្លៃ។ ចូរពន្យល់របៀបសៀវភៅទាំងនោះបានបោះពុម្ព និងដឹកជញ្ជូនទូទាំងពិភពលោកដោយអ្នកធ្វើការស្ម័គ្រពីចិត្តដែលបានឧទ្ទិសថ្វាយខ្លួនចំពោះព្រះ។ សូមអញ្ជើញសិស្សព្រះគម្ពីរចូលរួមការសិក្សាសៀវភៅតាមក្រុមជំនុំជាមួយអ្នក។ នៅការសិក្សាសៀវភៅតាមក្រុមជំនុំសូមឲ្យសិស្សព្រះគម្ពីរជួបបងប្អូនប្រុសស្រី ហើយពន្យល់ពីដំណើរការនៃកិច្ចប្រជុំដែលមាននៅសាលព្រះរាជាណាចក្រ។ ចូរលើកទឹកចិត្តឲ្យគេចូលរួមកិច្ចប្រជុំ។ កាលណាមានសន្និបាតពិសេស សន្និបាតមណ្ឌល និងមហាសន្និបាត សូមណែនាំសិស្សព្រះគម្ពីរឲ្យជួបស្មរបន្ទាល់ឯទៀត។ នៅពេលនោះនិងនៅពេលផ្សេងទៀត សូមឲ្យអ្នកថ្មីឃើញរបៀបដែលអ្នកបម្រើរបស់ព្រះយេហូវ៉ាបង្ហាញសេចក្ដីស្រឡាញ់ដែលជាទីសម្គាល់របស់គ្រិស្តសាសនិកពិត។ (យ៉ូន. ១៣:៣៥) ពេលដែលអ្នកចាប់អារម្មណ៍មានការដឹងគុណចំពោះអង្គការរបស់ព្រះយេហូវ៉ាកាន់តែច្រើនឡើងៗ នោះគេនឹងរីកចម្រើនក្នុងការស្គាល់ព្រះយេហូវ៉ា។
  
  ការប្រើសៀវភៅដែលមានមូលដ្ឋានលើព្រះគម្ពីរ
  
  គ្រិស្តសាសនិកនៅសម័យបុរាណបានក្លាយទៅជាអ្នកផ្សព្វផ្សាយបន្ទូលរបស់ព្រះដោយចិត្តខ្នះខ្នែង។ ពួកគេបានធ្វើចម្លងពីបទគម្ពីរ ដើម្បីសិក្សាខ្លួនឯងនិងនៅកិច្ចប្រជុំ។ ពួកគេក៏បានជំរុញអ្នកឯទៀតឲ្យអានបន្ទូលរបស់ព្រះដែរ។ ការចម្លងដែលគេបានសរសេរដោយដៃនោះ គឺមានតិចណាស់ ហើយពួកគេបានចាត់ទុកជាអ្វីមានតម្លៃបំផុត។ (កូល. ៤:១៦; ២ធី. ២:១៥; ៣:១៤-១៧; ៤:១៣; ១ពេ. ១:១) សព្វថ្ងៃនេះស្មរបន្ទាល់ព្រះយេហូវ៉ាប្រើម៉ាស៊ីនទំនើបដើម្បីបោះពុម្ពព្រះគម្ពីររាប់លានក្បាល និងរាប់រយលានសៀវភៅឯទៀតដែលជួយយើងយល់ព្រះគម្ពីរដូចជា ខិត្តប័ណ្ណ សៀវភៅផ្សេងៗ និងទស្សនាវដ្ដីជាច្រើនភាសា។
  
  ‹អ្នកបំរើស្មោះត្រង់ដែលមានវិនិច្ឆ័យល្អ›បានរៀបចំសៀវភៅដែលមានមូលដ្ឋានលើព្រះគម្ពីរ ដូច្នេះចូរប្រើសៀវភៅទាំងនោះដើម្បីឲ្យមានប្រយោជន៍ពេលដែលអ្នកផ្សព្វផ្សាយដំណឹងល្អ។ (ម៉ាថ. ២៤:៤៥) កិច្ចបម្រើព្រះរាជាណាចក្រយើងមានផ្នែកមួយដែលបញ្ជាក់សៀវភៅណាមួយយើងនិងជូនរាល់ខែក្នុងកិច្ចផ្សព្វផ្សាយ។ នៅពេលផ្សេងៗអ្នកក៏មានឱកាសចែកទស្សនាវដ្ដីជាទៀងទាត់ក្នុងអំឡុងខែនីមួយៗ ដែលរួមបញ្ចូលថ្ងៃដែលរៀបចំឲ្យចែកទស្សនាវដ្ដីដែរ។
  
  ទោះជា«អ្នកបំរើស្មោះត្រង់»ចាត់ទុកការផ្ដល់ចំណីអាហារខាងឯបន្ទូលរបស់ព្រះចំពោះពួកជំនុំនៃព្រះជាអ្វីដ៏សំខាន់បំផុតក៏ដោយ តែ«អ្នកបំរើ»នោះបានផ្ដល់ចំណីអាហារខាងបន្ទូលរបស់ព្រះដោយចិត្តសទ្ធាដូចព្រះយេហូវ៉ាបង្ហាញចំពោះអស់អ្នកដែលស្រេកឃ្លានចំណេះពីទ្រង់។ អ្នកពិតជាចង់ប្រាប់មនុស្សឯទៀតអំពីអ្វីដែលអ្នកបានរៀន ដោយសារអ្នកបានទទួលប្រយោជន៍ផ្ទាល់ខ្លួនពីការសិក្សានិងការអានសៀវភៅរបស់ពួកស្មរបន្ទាល់ព្រះយេហូវ៉ា។ (ហេ. ១៣:១៥, ១៦) សូម្បីតែអ្នកថ្មីអាចមានលទ្ធផលល្អក្នុងការផ្សព្វផ្សាយដំណឹងល្អ ដោយប្រើសៀវភៅទាំងនោះដែរ។
  
  ការធ្វើបន្ទាល់ក្រៅផ្លូវការ
  
  ព្រះយេស៊ូមានប្រសាសន៍ទៅកាន់មនុស្សដែលបានស្ដាប់ពាក្យទ្រង់ថា៖ «អ្នករាល់គ្នាជាពន្លឺនៃលោកីយ . . . ដូច្នេះ ចូរឲ្យពន្លឺរបស់អ្នករាល់គ្នា បានភ្លឺនៅមុខមនុស្សលោកយ៉ាងនោះដែរ ដើម្បីឲ្យគេឃើញការល្អ ដែលអ្នករាល់គ្នាប្រព្រឹត្ត រួចសរសើរដំកើង ដល់ព្រះវរបិតានៃអ្នករាល់គ្នា ដែលគង់នៅស្ថានសួគ៌»។ (ម៉ាថ. ៥:១៤-១៦) សិស្សទាំងនេះគួរធ្វើតាមគំរូរបស់ព្រះយេស៊ូគ្រិស្តដែលមានប្រសាសន៍ថា៖ «ខ្ញុំជាពន្លឺលោកីយ»។ ព្រះយេស៊ូបានទុកគំរូសម្រាប់គ្រិស្តសាសនិកដោយឲ្យ«ពន្លឺនៃជីវិត»បំភ្លឺជាប្រយោជន៍ដល់អស់អ្នកដែលស្ដាប់តាមទ្រង់។—យ៉ូន. ៨:១២
  
  សាវ័កប៉ុលក៏បានទុកគំរូឲ្យយើងត្រាប់តាមដែរ។ (១កូ. ៤:១៦; ១១:១) កាលណាគាត់នៅទីក្រុងអាថែន នោះគាត់បានផ្សព្វផ្សាយចំពោះអស់អ្នកដែលនៅផ្សារ។ (កិច្ច. ១៧:១៧) ពួកគ្រិស្តសាសនិកនៅទីក្រុងភីលីពបានធ្វើតាមគំរូរបស់គាត់ ជាហេតុប៉ុលហៅពួកគេជា‹តួពន្លឺនៅក្នុងតំណមនុស្សវៀច ហើយខិលខូច›។ (ភី. ២:១៥) សព្វថ្ងៃនេះយើងអាចបញ្ចាំងពន្លឺដែលជាសេចក្ដីពិត ដោយការប្រព្រឹត្តនិងពាក្យសម្ដី មិនថាយើងនៅកន្លែងណាក៏ដោយឲ្យតែមានឱកាសប្រាប់ដំណឹងល្អ។ មែនហើយ គំរូដ៏ល្អរបស់យើងជាមនុស្សទៀងត្រង់ និងស្មោះត្រង់ក៏អាចធ្វើឲ្យមនុស្សឃើញថាយើងខុសគ្នាពីមនុស្សឯទៀតដែរ។ ក៏ប៉ុន្តែបើយើងប្រាប់ដំណឹងល្អដល់មនុស្សដែលកត់សម្គាល់ពីកិរិយាល្អរបស់យើង នោះគេនឹងដឹងពីមូលហេតុដែលយើងខុសគ្នាពីមនុស្សឯទៀត។
  
  ស្មរបន្ទាល់ព្រះយេហូវ៉ាជាច្រើននាក់ផ្សព្វផ្សាយដំណឹងល្អរាល់ថ្ងៃចំពោះអស់អ្នកដែលពួកគាត់ជួបនៅកន្លែងធ្វើការ សាលារៀន ឬពេលធ្វើកិច្ចការផ្សេងទៀតជាប្រចាំថ្ងៃ។ កាលណាធ្វើដំណើរ នោះយើងអាចមានឱកាសផ្សព្វផ្សាយឲ្យអ្នកធ្វើដំណើរឯទៀត។ ពេលដែលនិយាយរឿងទូទៅណាខ្លះ យើងអាចយកឱកាសនោះប្រាប់អំពីដំណឹងល្អ។ យើងម្នាក់ៗចង់ត្រៀមខ្លួនជាស្រេចដើម្បីផ្សព្វផ្សាយនៅគ្រប់ពេលគ្រប់វេលាដែលសមរម្យ។
  
  ពេលដែលយើងចងចាំថាការផ្សព្វផ្សាយនឹងផ្ដល់ការសរសើរចំពោះអ្នកបង្កើតយើង និងលើកតម្កើងព្រះនាមទ្រង់ នោះលើកទឹកចិត្តយើងឲ្យផ្សព្វផ្សាយដំណឹងល្អដល់គេ។ នៅតំណាលគ្នានោះ យើងអាចជួយអ្នកស្មោះត្រង់ឲ្យស្គាល់ព្រះយេហូវ៉ាដើម្បីពួកគេអាចបម្រើទ្រង់ និងមានសេចក្ដីសង្ឃឹមក្នុងជីវិតដែលមកពីជំនឿទៅលើព្រះយេស៊ូគ្រិស្ត។ កិច្ចការទាំងអស់នេះជាកិច្ចការពិសិដ្ឋ ហើយព្រះសព្វព្រះហឫទ័យ។—ហេ. ១២:២៨; វិវរ. ៧:៩, ១០

លំហាត់សាឡើងវិញសម្រាប់សាលាកិច្ចបម្រើផ្សាយ

២០០៧ កិច្ចបម្រើព្រះ | មេសា
- លំហាត់សាឡើងវិញសម្រាប់សាលាកិច្ចបម្រើផ្សាយ
  
  សំណួរដែលមានជាបន្តបន្ទាប់នេះនឹងត្រូវពិចារណាដោយសំណួរនិងចម្លើយនៅឯសាលាកិច្ចបម្រើផ្សាយ សម្រាប់សប្ដាហ៍ចាប់ផ្ដើមថ្ងៃទី៥ ខែមីនា ដល់ថ្ងៃទី៣០ ខែមេសា ឆ្នាំ២០០៧។ អ្នកត្រួតពិនិត្យសាលានឹងដឹកនាំការធ្វើលំហាត់សាឡើងវិញនេះអស់៣០នាទី ដោយផ្អែកលើព័ត៌មានពីសុន្ទរកថាទាំងប៉ុន្មានចាប់ផ្ដើមសប្ដាហ៍ថ្ងៃទី៥ ខែមីនា ឆ្នាំ២០០៧។ [សូមកត់សម្គាល់: កាលបើសំណួរមិនប្រាប់ពីឯកសារយោងណាមួយ នោះអ្នកត្រូវធ្វើការស្រាវជ្រាវដោយខ្លួនឯងដើម្បីបានចម្លើយ]
  
  លក្ខណៈនៃការនិយាយ
  
  ១. ហេតុអ្វីក៏យើងគួរប្រមូលអារម្មណ៍ទៅលើមូលហេតុដែលយើងចង់អានបទគម្ពីរណាមួយ? [ht ទំព័រ២៩ វគ្គ២១]
  
  ២. តើ«ការសង្កត់សម្លេងលើពាក្យសំខាន់ៗ»មានន័យយ៉ាងណា? [ht ទំព័រ៣០ វគ្គ៤]
  
  ៣. តើយើងអាចផ្អាកដើម្បីគូសបញ្ជាក់ទៅលើពាក្យសំខាន់ៗក្នុងបទគម្ពីរយ៉ាងដូចម្ដេច? [ht ទំព័រ៣១ វគ្គ៩]
  
  ៤. តើយើងអាចដឹងយ៉ាងណា ថាអ្នកស្ដាប់មិនយល់អ្វីដែលយើងនិយាយនោះ? [ht ទំព័រ៣៦ វគ្គ១៣]
  
  ៥. សូមបង្ហាញនូវរបៀបផ្សេងៗដែលយើងអាចបញ្ជាក់នូវគោលរឿង។ [ht ទំព័រ៣៩ វគ្គ៧, ៨]
  
  សុន្ទរកថាទី១
  
  ៦. ហេតុអ្វីបានជាព្រះយេហូវ៉ាសម្លាប់អ៊ុសា? [w០៥ ១/៥ ទំព័រ២១-២២ វគ្គ១៨-២១]
  
  ៧. តើការអួតពីអត្តសញ្ញាណរបស់យើងជាគ្រិស្តសាសនិកត្រូវរួមបញ្ចូលអ្វីខ្លះ? [w០៥ ១/៥ ទំព័រ២៧ វគ្គ១៤, ១៥]
  
  ៨. តើព្រះយេស៊ូបានជួយពួកសាវ័កឲ្យត្រៀមលក្ខណៈចំពោះកិច្ចការផ្សព្វផ្សាយដំណឹងល្អយ៉ាងដូចម្ដេច? (ម៉ាថ. ១០:១-៤២) [w០៥ ១/៥ ទំព័រ១១ វគ្គ១៤]
  
  ៩. ពេលដែលទំនុកចិត្តរបស់យើងចំពោះព្រះមានការល្បងល តើមានគោលការណ៍អ្វីដែលអាចពង្រឹងកម្លាំងយើងឲ្យកាន់ជំហរមាំមួន? (និក្ខ. ២៣:២) [w០៥ ១/៥ ទំព័រ៣០ វគ្គ១២]
  
  ១០. តើសកម្មភាពគ្រិស្តសាសនិកអាចជួយឲ្យយើងស្គាល់កាន់តែច្បាស់នូវអត្តសញ្ញាណរបស់ខ្លួនជាជនគ្រិស្តសាសនិកបានយ៉ាងណា? [w០៥ ១/៥ ទំព័រ៣២ វគ្គ១៨]
  
  អំនានព្រះគម្ពីរប្រចាំសប្ដាហ៍
  
  ១១. តើយើងអាចព្យាយាមអនុវត្តតាមឱវាទដែលបានចែងនៅយេរេមា ៦:១៦ ដើម្បីដើរក្នុង«ផ្លូវចាស់ទាំងប៉ុន្មាន មើលជាមានផ្លូវណាដែលល្អ»យ៉ាងដូចម្ដេច? [br1 ទំព័រ៣០-៣១]
  
  ១២. ហេតុអ្វីបានជាព្រះយេហូវ៉ាយកសត្វកុកមកលើកជាគំរូដល់ពួកយូដាមិនស្មោះត្រង់? តើយើងអាចយកមេរៀនអ្វីពីនេះ? (យេ. ៨:៧) [wE០២ ១/៨ ទំព័រ៣២]
  
  ១៣. សព្វថ្ងៃនេះ តើយើងអាចប្រព្រឹត្តតាមពាក្យដែលបានចែងនៅយេរេមា ១៥:១៧ ស្តីពីការកម្សាន្តយ៉ាងដូចម្ដេច? [wE៩២ ១៥/៨ ទំព័រ១៧ វគ្គ៨-៩]
  
  ១៤. តើមនុស្សជាតិដែលប្រៀបដូចជាដីឥដ្ឋនៅក្នុងដៃជាងស្មូនដ៏ឧត្តម ជាព្រះយេហូវ៉ាយ៉ាងដូចម្ដេច? (យេ. ១៨:៥-១១) [wE៩៩ ១/៤ ទំព័រ២២; wE៧៩ ១៥/៨ ទំព័រ២០-២១]
  
  ១៥. តើលំដាប់ថ្នាក់នៃសាសន៍នានាដែលបានសរសេរទុកនៅយេរេមា ២៥:១៧-២៦បង្កប់អត្ថន័យអ្វីសម្រាប់យើងសព្វថ្ងៃនេះ? [wE៩៤ ១/៣ ទំព័រ២០ វគ្គ១៣-១៤]