ចម្រៀងលេខ៤៨
ដើរជាមួយនឹងព្រះយេហូវ៉ារាល់ថ្ងៃ
(មីកា ៦:៨)
១. ជាមួយបិតាជាទីស្រឡាញ់
រាល់ថ្ងៃយើងនឹងដើរដោយចិត្តរាបសា
បិតាមានគុណវិសេសលើសលប់
ចំពោះអ្នកដែលតាមលោកពីចិន្ដា
ព្រះបង្ហាញក្ដីស្រឡាញ់ដល់យើង
ដូចជាបិតាដឹកដៃកូន
ហេតុនេះយើងប្រគល់ខ្លួនជូនលោក
ដោយក្ដីស្មោះត្រង់មិនចេះសាបសូន្យ។
២. នាគ្រានេះសាថានខឹងយ៉ាងខ្លាំង
កាលពិភពលោកជិតវិនាសសូន្យទៅ
យើងអាចជួបការប្រឆាំងបៀតបៀន
ធ្វើឲ្យភ័យនិងឈប់ដើរផ្លូវត្រឹមត្រូវ
តែព្រះយេហូវ៉ានឹងការពារ
យើងចង់នៅក្បែរលោកជានិច្ច
ហើយបម្រើលោករៀងរហូតទៅ
ស្រឡាញ់លោកយ៉ាងស្មោះឥតកែគេច។
៣. ព្រះយេហូវ៉ារមែងជួយយើង
ដោយគម្ពីរនិងឫទ្ធានុភាពលោក
ដោយក្រុមជំនុំគ្រិស្តសាសនិក
ហើយលោកស្ដាប់ពេលយើងអធិដ្ឋានរក
កាលយើងដើរនឹងព្រះយេហូវ៉ា
លោកជួយឲ្យធ្វើត្រឹមត្រូវផង
ក៏ជួយយើងឲ្យមានភក្ដីភាព
ដោយចិត្តរាបទាបសុភាពស្មោះត្រង់៕
(សូមពិនិត្យបន្ថែម ដក. ៥:២៤; ៦:៩; ១បស. ២:៣, ៤)