Malakiya

4 Jihova dya ifuxi wambe kiki: “Ivwenu! O kizuwa kibhixila. Kyene kyanda tema kala dijiku dya túbhya. Oso yó adizangeleka ni yó abhanga ima yayibha, anda kituka kala yangu yakukuta. O kizuwa kiki, kikiza mwene. Enyoso anda kwa bwika, kikwanda subhuka né ngo lundanji mba luthangu. 2 Maji, phala enu mwene muxila* o dijina dyami, o mwanya wa kuyuka wanda mimwikina, wanda mibhekela ubhulukilu. Enu mwanda tukatuka kala tungombe twadisanze.”

3 Jihova dya ifuxi wambe kiki: “Mu kizuwa ki nganda bhangesa o ima yiyi kubhita, o athu ayibha mwanda kwa dyota-dyota. Ene anda kituka kala fufuta bhoxi dya inama yenu.”

4 “Lembalalenu o Kijila, o jingonge ni itendelesu i ngabhana kwa selevende yami Mozé, ku Holebe, phala akwa Izalayele ku ibelesela.

5 “Talenu! Ande dya kubhixila o kizuwa kyadikota kya Jihova kikwatesa wôma, nganda mitumikisa polofeta Elija. 6 Mwene wanda bhangesa kwila o mixima ya jitata, ikituke kala o mixima ya twana, o mixima ya twana, ikituke kala o mixima ya jitata, phala eme kingize mubwika o ixi.”

(Disukilu dya madivulu mu dimi dya Hebalayiku ni Alamayiku, kwakayela o madivulu mu dimi dya Ngeleku.)