Kinga o Kithangana Kyatokala, Kana Kukala ni Kisuka

Ihi Yabhange Filipe

VIDYU: Filipe ubokela mutwameni mukwa Itiyopya

1. Tala o VIDYU, mba tanga Ikalakalu 8:​30, 31. Mukusuluka, xinganeka ku ibhwidisu yiyi:

1. Kyebhi Filipe kyamateka kuzwela ni diyala?

2. Filipe wakingila o kithangana kyatokala phala kulonga kima kya ubhe. Mukonda dyahi yu wexile ukexilu wambote wakumateka kuzwelesa o diyala?

Kima Kyahi Kitulonga o Phangu ya Filipe?

2. Se kitukala ni kisuka mu kuzwela, o muthu twamuzwela-ne wandadivwa kyambote, wandatululuka, wandamesena kwivwa o njimbu yetu.

Kayela Filipe

3. Tala kyambote. Eye utena kwijiya muthu mu kutala kyoso kyala o pholo yê ni wendelu wê mwene. O kwila o muthu wedi kala wamesena kuzwela neye? Utena kumateka kuzwela o kidi kya Bibidya mu kubhanga o kibhwidisu kiki, “Eye wakijidile kwila . . . ?” Kana kujijidika muthu se mwene kandale kuzwela n’eye.

4. Ukala ni mwanyu. Kana kubanza kwila watokala kya kumateka kuzwela yalungu ni Bibidya ku dimatekenu, kana. Kinga o kithangana kya tokala, kana kukala ni kisuka. Sayi bhabha, kwandabhinga kukinga kate o veji yakamukwa iwandavutukaku dingi phala kuzwela ni muthu.

5. Lungulula o ulongelu wé. Sayi bhabha o muthu wandamateka kuzwela kima kyengi. Mu kiki, mulonge kima kyavalolo, nemwene se kiki kikubhangesa kulonga kima kyengi kya Bibidya maji kubhata waxinganeka kima kyengi.