BHAKA
O Kuila Eie ua mu Kalakala ni Tumikanda Tutu?
A Bíblia—Qual é a sua Mensagem?
Ko bhange phala ku kuatekesa ió kejiia kiavulu ia lungu ni Bibidia, bhenge-bhenge oso a bhanga mbandu mu jingeleja maji ki ja Kidistá
Kiebhi kia tena ku ka bhana: “Tua mesenene kuijiia o kibanzelu kiê, kia lungu ni íii io tange mu Bibidia (mba mu divulu didi dikola). [Tanga Jisálamu 37:11, ia londekesa mu mbandu ia 11.] Ihi i u banza kiebhi kia-nda kala o ixi, kioso o kikanenu kiki kia-nda dikumbidila? [Ehela n’a tambuijile.] O kifika kiki, kidielelu kia kingila o athu oso, kia-nda tambula bhu kaxi ka ikanenu ia Bibidia.” Tanga o kaxi kala bhu thandu mu mbandu ia 3, mu ku suka-ko, bhana o kamukanda.
Fikisa hanji kiki: Se eie ua mu longa muthu mu divulu Bibidia i Longa, ki kidistá, katula tu ithangana mu dimatekenu mba ku disukilu, phala ku mu longa disá dimoxi dia kamukanda kaka, phala ku mu kuatekesa kuijiia dingi o Bibidia.
Um Livro para todas as Pessoas
Ko bhange phala ku kuatekesa ió kejiia kiavulu ia lungu ni Bibidia
Kiebhi kia tena ku ka bhana: Tanga 2 Timote 3:16, 17. Mu ku suka-ko zuela: “O kuila eie u xikina kuma o Bibidia io bhuse kuala Nzambi? Inga u banza kuila divulu diambote ngó?” [Ehela n’a tambuijile.] Athu avulu ala ni kibanzelu mu maka enhá, maji kuene athu ofele ene mu tanga ubheka uâ o Bibidia. [Tanga o musoso bhu kaxi ka diambu mu mbandu ia 3.] O kamukanda kaka ko iudike, phala kulondekesa ima iambote ku athu a i konda ioso ni kixikanu, kuijiia ihi i longa o Bibidia.”
Fikisa hanji kiki: Se o mukua dibhata u xikina o kamukanda, zuela: “O kima kimoxi ki bhangesa o athu ku banza kuila o Bibidia ki i tange ima iambote, o jingeleja jene mu lungulula o izuelu ia Bibidia, ni milongi iê. Kioso ki nga-nda vutuka, nga mesenene ku bhana kifika.” Kioso ki u vutuka mu londekese kiambote o milongi iala mu mbandu ia 4-5.
Poderá ser Amigo de Deus!
Ko bhange phala ió ka di longo kiavulu, mba kejiia ku tanga kiambote
Kiebhi kia tena ku ka bhana: “Mudiê, o kuila etu tu tena ku kala makamba a Nzambi?” [Ehela n’a tambuijile. Mu ku suka-ko, tanga Tiiaku 2:23.] O kamukanda kaka, a ka bhange phala ku tu kuatekesa ku kala tu makamba a Nzambi, kala kia kexile Mbalahamu.”
Fikisa hanji kiki: Ki kale mu veji ia dianga mba kioso ki ua-nda mu kunda lua kaiadi, londekesa kiebhi kia longa o Bibidia, mu ku bhanga kumoxi o jimbandu joso mba mu mbandu imoxi mu disá dia 1.
Como ter uma—Vida Satisfatória
Ko bhange phala ió ka bheza Nzambi
Kiebhi kia tena ku ka bhana: “Tua mu kunda o miji, mukonda athu avulu a mesenene ku sanga ku zediua ku muenhu. Etu enioso tu dibhana ni maka a tena ku tu katula o kisangusangu. Kioso ki tu di bhana ni maka , tu tena ku sota itendelesu ia ndandu tua mu dielela, mba dikamba, mba tu sota mu madivulu mba mu Internete. Mudiê, kuebhi ku tu tena ku sanga itendelesu iambote? [Ehela n’a tambuijile.] Saí athu, ene mu diuana, mu ku sanga itendelesu iambote i bhana o Bibidia. Tala o kifika kiki. [Londekesa ku mukua dibhata o kibatulu kia 2, ni ku tanga kibatulu kimoxi kiala-mu.] O kamukanda kaka, a ka bhange phala ku jimbulula kiebhi ki tu tena ku kala dingi ni ku sanguluka ku muenhu.”
Fikisa hanji kiki: Se o mukua dibhata u xikina o kamukanda, zuela: “Avulu evu kuila o Bibidia iezala ni milongi ki ia kidi. Kioso ki nga-nda vutuka, nga mesenene ku kulondekesa kifika kia kidi kia ungijiie ia Bibidia, ki tena ku ku bhangesa ku diuana.” Kioso ki ua-nda vutuka tanga nê o kaxi ka 4, mu mbandu ia 12.
A Origem da Vida—Cinco que Merecem Respostas
Ko bhange phala o minzangala ia Jikidistá ene mu a longa bhu xikola, kuila o ima ia moneka ngó, phala ku a kuatekesa ué ku jingijiie a xikina kuma o ima ia moneka ngó, ni athu ka xikina né ku dituna Nzambi, ni athu ka xikina kuila kuene muene Nzambi. (O kamukanda kaka, ka ka bhange phala ku ka bhana mu sidivisu ia ku boka inzo ni inzo.)
Kiebhi ki tu zuela ni ngijiie u xikina kuila o ima ia moneka ngó mba ni muthu ka xikina kuma kuene Nzambi: “Mu kidi, o madivulu oso a ungijiie a longa kuila o ima ia moneka ngó. Eie u xikina kuila o milongi i tanga kuma o ima ia moneka ngó musoso, inga u xikina kuma iene ia kidi? [Ehela n’a tambuijile.] Phala ku xinganeka kiambote, ngejiia kuila tua tokalele ku tonginina ku mbandu ioso o maka enhá. O kamukanda kaka, ka bhana milongi i bhangesa athu avulu ku xikina kuila o muenhu a u bhange.”
Fikisa hanji kiki: Se uala bhu xikola, ta o kamukanda kaka ku thandu dia meza, phala ku mona se o jikoleka a-nda kuibhuidisa maka alungu ni kamukanda kaka.
O Caminho para a Vida Eterna já Encontrou?
Ko bhange phala ku kuatekesa ió a mesena kuijiia o kidi, bhenge-bhenge mu jixi ja Africa kuene jingeleja javulu ni maukexilu a ubhezelu.
Kiebhi kia tena ku bhana: “Mudiê, o kuila o jingeleja joso a ji xikina kuala Nzambi? [Ehela nʼa tambuijile. Tanga Matesu 7:13, 14 ni kaxi ka 1 mu mbandu ia 19 dia kamukanda.] O kamukanda kaka, ka zuela kiebhi ki tu tena ku sanga o njila ia kidi phala ku tambula o muenhu ua kalelaku, ni kiebhi ki tu tena ku bhuluka ku makutu a lelu.”
Fikisa hanji kiki: Se o mukua dibhata u xikina ku di longa o Bibidia izuua ioso, ua tokala u mu longa madisá a mu kuatekesa. Kioso ki bhu bhana, u kala ku mu longa mu divulu Bibidia i Longa.
O Caminho para a Paz e Felicidade
Ko bhange phala o ji Budistas
Kiebhi kia ka bhana ku muthu muadiakimi, mukua Budista: “Nange eie ua thandanganha kiavulu kala eme, ia lungu ni ibanzelu iavulu ia undumbu, ni kiebhi ki i fuinhisa o an’etu. Mukonda diahi eie u mona kuila kuene undumbu uavulu bhu kaxi ka minzangala? [Ehela n’a tambuijile.] Uejidile kuila, kiki a ki tangele mu divulu dia mateka ku di soneka tundé ukulu, ande dia ku mateka o ukidista, Hindu, ni jingeleja ja akua Muxulumanu? [Tanga 2 Timote 3:1-3.] Ima íii iene mu di bandekesa sumbala kuene ulongelu. [Tanga o velusu ia 7.] O itendelesu mu divulu didi, ia ngi kuatekesa kuijiia o kidi, ka kijiia ku athu avulu. O kuila ua mesenene ku ka tanga?”
Fikisa hanji kiki: Ku hádia, kioso ki ua-nda mu kunda, kuma ua mu kuatekesa ku uabhela o Bibidia, mu londekese o milongi iala ku dima dia kamukanda, ni kulondekesa o kaxa, ku moneka o divulu Bibidia i Longa. Jimbulula kuila uéza ni divulu dia ubhe, se muene ua mesena ku di mona. Mu londekese o ibatulu, ni ku di longa kumoxi ni muéne mbandu jiiadi mba jitatu ja kibatulu kia solo.
Verdadeira Fé—O Segredo de uma vida feliz
Ko bhange phala o ji Muxulumanu a tungu mu ididi mua tena o ku di longa o Bibidia
Kiebhi kia tena ku ka bhana: Londekesa o foto mu jimbandu ja 16-17, ni uzuele: “O ima íii ki i difu ni ima i tu mona ku mundu. O kuila saí kizuua o mundu ua-nda kala, kála ki tua mu mona bhabha? [Ehela n’a tambuijile.] Tala ihi ikanena o divulu didi dia Nzambi. [Tanga kibatulu kimoxi kio tange mu Bibidia iê.] O kamukanda kaka, ka tu kuatekesa ku kala ni kixikanu kia kidi, kia kuila o ikanenu ia-nda dikumbidila.”
Fikisa hanji kiki: Ku disukilu dia veji ia dianga i ua mu kundu, bhinga ku mukua dibhata ku sola kibhuidisu ku dima dia kamukanda. Mu ku suka-ko, sota kithangana phala ku tambuijila o ibhuidisu i bhana o kamukanda, kioso ki ua-nda vutuka.
Como ter Verdadeira Paz e Felicidade
Ko bhange phala o ji Chineses
Kiebhi kia tena ku ka bhana: “Lelu, o muenhu uala ni ibhindamu iavulu, i tu katula o ku zediua. Ihi ia-nda ku kuatekesa ku sanguluka, sumbala ni maka? [Ehela n’a tambuijile.] Athu avulu ene mu sanga ku zediua, mu ku kaiela o itendelesu ia Bibidia. [Tanga Jisálamu 119:1, 2.] Saí athu a zuela kuila o Bibidia ia akua América mba ia akua Europa. Maji tala o milongi íii. [Di longe o kaxi ka 16, mu mbandu ia 17.] O kamukanda kaka, ka zuela se kiebhi ki tu tena ku sanga o paze i nangenena, ni ku zediua.”
Fikisa hanji kiki: Se o mukua dibhata u xikina o kamukanda, tanga kumoxi ni muene o mbandu ja dianga bhu kaxi ka 18, mu dífue dia 17, ni uzuele: “Kioso ki nga-nda vutuka, nga mesenene ku kulondekesa ihi iala ku pholo kála ki zuela o Bibidia.” Kioso ki u vutuka, longa pondo imoxi bhu kaxi ka 6, mu mbandu ia 30.
As orientações de Deus O caminho para o Paraíso
Ko bhange phala o ji Muxulumanu a tungu mu ididi mua tena o ku di longa o Bibidia
Kiebhi kia tena ku ka bhana: “Ngejiia kuila o ji Muxulumanu, a xikina kuila kuene Nzambi imoxi ia kidi, ni jipolofeta joso. Ki kidi? [Ehela n’a tambuijile.] Nga mesenene kuzuela n’eie ia lungu ni kikanenu kiokulu, kia tange kuila o ixi ieji kituka palaízu. O kuila ngi tena ku tanga n’eie ia tange o kikanenu kiki kia ixi ku kala palaízu? [Tanga Izaia 11:6-9.] Athu avulu a mesena kuijiia kiebhi Nzambi kia-nda bhanga kiki mu ixi. O kamukanda kaka ka londekesa, ihi i tanga o jipolofeta ia lungu ni maka enhá.”
Fikisa hanji kiki: Se o mukua dibhata u xikina o kamukanda, zuela: “O divulu didi dia Nzambi, dijimbulula kuila ku dimatekenu, o diiala ua tungile mu palaízu. Mu veji ia mukua i tua-nda zuela, nga mesenene ku tambuijila o kibhuidisu kiki, ‘Kiebhi o diiala ua kambe ku belesela Nzambi, ni ku texi o palaízu?’” Kioso ki ua-nda vutuka, jimbulula o dimatekenu dia ukamba u mateka mu mbandu ia 6.