Eye Utena Kukatula Mbote ku Mabesá Akalelaku Anda tu Bhana Nzambi

• O kwila wamesena kutunga kumundu sé ita, sé ujibhangânga mba kuzoka?

• O kwila wamesena kutunga kumundu sé mawuhaxi, hadi mba kufwa?

• Wamesena kutunga mungongo sé hele mba kuthandaganya?

• O kwila wamesena kutunga mukididi kimwanda bhita dingi kalemba mba mvula yadikota?

O Nzambi yetu ya henda, o mubhangi wangongo yetu, wakanena kubhana ku athu o kutululuka ni kuzediwa kumwenyu katé ku hádya ni hádya. Yiyi ki nzoji ngó, kana.

Twamesena kwila udilonga o jipondo jiji mu milongi yakayela:

• O kwila o Mubhangi wetu watuzolo?

• Yebhi o njimbu ya Nzambi phala etu?

• Ihi yajimbulula o jipolofeta ja Nzambi yalungu ni mabesá mê a tukanena?

• Ihi i utena kubhanga phala kusanguluka lelu ni kutambula o mabesá akalelaku mu kithangana kyaxindi Nzambi?

Tumateke mukuzwela yalungu ni henda yala nayu o Mubhangi ku athu.