Kubandekesa O Uhete Wetu Mu Ukunji—Kuboka Bhukaxi ka Jikamera ni Interfone

MUKONDA DYAHI KIMA KYAMBOTE KUBHANGA KIKI: Kuma o jitekinolojiya ja mudibandekesa, ni kwila jibandi javulu, o athu lelu ene muta jikamera ni jinterfone ku mabhitu a jinzo phala kumona ni kwivwa o athu sé kujikula o dibhitu. Nange tukala ni hele mu kuxinganeka kubokela muthu kitwamutena kumumona, maji mwene wamutumona. O milongi yakayela yanda tukwatekesa kubhana umbangi bhukaxi ka jikamera mba interfone sé hele.

KYEBHI KITUTENA KUBHANGA KIKI:

• Kala ni ixinganeku yambote. Athu avulu ala ni jikamera mba interfone awabhela kuzwela n’etu

• Lembalala kwila, sayi jikamera jimateka kya kukungalavala ande mwene dya kuxika mba kuphupha o dibhitu. O mukwa dibhata utena we kukutala ni kwívwa iwamuzwela ande mwene dya kubokona mu dibhata dyê

• Kyoso o mukwa dibhata kya tambwijila, uzwela nê bhukaxi ka interfone mba kamera kala wamuzwela nê pholo ni pholo. Utena kwolela ni kuzwela mu ukexilu u wene muzwela kyá. Zwela kala ki weji zwela se mwene wejile mujikula o dibhitu. Se kwala kamera, kana kuzukamaku kyavulu. Se o mukwa dibhata katambwijila, kana kungalavala njimbu

• Né mwene kyoso kimwanda zubha o kuzwela, lembalala kwila, o mukwa dibhata utena hanji kumitala ni kwívwa imwamuzwela