Kambanya Kakatunda Mumbeji ya Kamoxi Phala Kwijidisa o Utuminu wa Nzambi

Jezú watula “o njimbu yambote ya Utuminu wa Nzambi.” (Lu 4:43) Mwene we walongo oathu kusamba ni kubhinga o Utuminu yu. (Mat 6:9, 10) Mumbeji ya Kamoxi twandabhanga nguzu yadikota phala kwijidisa ku athu o Utuminu wa Nzambi. (Mat 24:14) Diyudike kyambote phala utene we kukala mu kambanya kaka. Oso yo andakalakala kala aboki aithangana ni ithangana ene kya akijiyia se abhana 30 mba 50 a jiola kumbeji yoyo.

Mudyembu dye tangela mundu wavulu velusu yalungu ni Utuminu wa Nzambi. Maji mukusola velusu, kanakujimba ongeleja ya athu uwandazwela nau. Mukuzwela ni muthu muveji yadyanga, se muthu yú wawabhela omaka, mubhane okadivulu ka Mulangidi No. 2 2020. Kanakulaleka phala kumukunda dingi. Sota kumateka kudilonga ne kya o Bibidya ni kikwatekesu kya kadivulu kala mu Jifalamenda Jetu ja Kulonga. Kwakambe ngo bhofele, o Utuminu wa Nzambi wandabhwisa o mawutuminu oso mu ngongo ene mulungulukila o Utuminu wa Nzambi. (Da 2:44; 1Ko 15:24, 25) Kyenyiki, tukatule mbote yadikota mukithangana kiki, tulondekese oufiyele wetu kwa Jihova ni ku Utuminu wê!